प्रत्यक्षदर्शींनी दिलेल्या माहितीनुसार, इमारतीतल्या स्फोटाची तीव्रता प्रचंड होती. स्फोटाचा आवाज काही किलोमीटर दूरपर्यंत ऐकू गेला. ज्या इमारतीत स्फोट झाला त्या इमारतीत खाणकामामध्ये वापरण्यात येणारी स्फोटके ठेवण्यात आली होती, अशी माहिती स्थानिकांपैकी काही नागरिकांनी दिली.
स्फोटाची माहिती मिळताच थोड्या वेळाने घटनास्थळी मदतीसाठी सरकारी यंत्रणा पोहोचली. या पथकाला घटनास्थळावरच ४५ मृतदेह आढळले. या सर्वांचा स्फोटात मृत्यू झाल्याची प्राथमिक माहिती आहे. मृतांमध्ये सहा मुलांचा समावेश आहे. आतापर्यंत ७४ जखमींना रुग्णालयात दाखल केले आहे. जखमींवर उपचार सुरू आहेत.