दाक्षिणात्य अभिनेत्री समंथा रुथ प्रभू (Samantha Ruth Prabhu) पुन्हा एकदा तिच्या खासगी आयुष्यामुळे चर्चेत आली आहे. सोशल मीडियावर व्हायरल झालेल्या एका व्हिडीओनंतर (Video) अभिनेत्री प्रेग्नंट (Pregnant) असल्याच्या चर्चांना उधाण आले आहे. मात्र, याबाबत समंथा किंवा तिच्या जवळच्या व्यक्तींनी कोणतीही अधिकृत प्रतिक्रिया दिलेली नाही.
समंथाचा ‘मां इंति बंगाराम’ (Maa inti bangaram movie ) हा चित्रपट नुकताच प्रदर्शित झाला असून त्याला प्रेक्षकांकडून चांगला प्रतिसाद मिळत आहे. चित्रपटाच्या यशानिमित्त आयोजित कार्यक्रमात समंथा आणि राज निदिमोरु एकत्र दिसले. या कार्यक्रमातील अभिनेत्रीचा व्हिडीओ सोशल मीडियावर मोठ्या प्रमाणात शेअर केला जात आहे. (Samantha Ruth Prabhu Viral)
व्हायरल व्हिडिओमुळे चर्चेत
व्हिडीओमध्ये समंथा साध्या आणि कॅज्युअल लूकमध्ये दिसत आहे. तिने पांढऱ्या रंगाचा टी-शर्ट आणि निळ्या रंगाची जीन्स परिधान केली होती. याच व्हिडीओतील काही दृश्यांवरून काही सोशल मीडिया युजर्सनी अभिनेत्री प्रेग्नंट (Pregnant) असल्याचा अंदाज व्यक्त केला आहे. अनेकांनी कमेंट्समध्ये तिला शुभेच्छाही दिल्या आहेत.
तथापि, समंथा प्रेग्नंट असल्याच्या चर्चांना अद्याप कोणताही अधिकृत दुजोरा मिळालेला नाही. त्यामुळे सोशल मीडियावर सुरू असलेल्या चर्चा आणि दाव्यांकडे सावधपणे पाहण्याची गरज आहे. अनेकदा व्हिडीओ किंवा फोटोच्या आधारे अशा अफवा पसरत असल्याचेही पाहायला मिळते.
दरम्यान, समंथा तिच्या आगामी प्रकल्पांमुळेही चर्चेत आहे. अभिनेत्रीने गेल्या काही वर्षांत विविध भूमिका साकारत प्रेक्षकांची मने जिंकली आहेत. तिच्या वैयक्तिक आयुष्याबाबत चाहत्यांमध्ये नेहमीच उत्सुकता असते.
सध्या सोशल मीडियावर समंथाच्या प्रेग्नन्सीबाबत विविध चर्चा रंगल्या असल्या तरी अभिनेत्री किंवा तिच्या टीमकडून अधिकृत माहिती समोर येईपर्यंत या केवळ अफवा मानल्या जात आहेत.