मुंबई : भारतीय फुटबॉलप्रेमींसाठी एक आनंदाची बातमी आहे. फिफा वर्ल्ड कप २०२६ मध्ये राऊंड ऑफ १६ खेळणारा फुटबॉल संघ आता भारतीय संघाविरुद्ध सामना खेळण्यासाठी येणार आहे. जगातील सर्वात यशस्वी फुटबॉल संघ आणि पाच वेळा विश्वचषक जिंकणारा संघ ब्राझील पहिल्यांदाच भारताच्या दौऱ्यावर येणार आहे. (IND vs BRA)
भारत आणि ब्राझील यांच्यातील आंतरराष्ट्रीय मैत्रीपूर्ण सामना ३ ऑक्टोबर २०२६ रोजी खेळला जाणार आहे. भारत आणि ब्राझील यांच्यातील हा सामना कोलकाता येथील विवेकानंद युवा भारतीय क्रीडांगण येथे खेळला जाणार आहे. ही माहिती ऑल इंडिया फुटबॉल फेडरेशनने (AIFF) दिली.ब्राझील संघ सध्या फिफा जागतिक क्रमवारीत पाचव्या स्थानावर आहे. तसेच ब्राझील फुटबॉलच्या इतिहासातील सर्वात यशस्वी संघ आहे. यामुळे भारतीय फुटबॉलसाठी हा सामना ऐतिहासिक ठरणार आहे.ब्राझीलसारख्या दिग्गज संघाचे भारतात आगमन होणे ही भारतीय फुटबॉलसाठी ऐतिहासिक बाब असल्याचे ऑल इंडिया फुटबॉल फेडरेशनचे (AIFF) उप-सरचिटणीस एम. सत्यनारायण म्हणाले.(IND vs BRA)
A date for the history books. 🇮🇳🤝🇧🇷 pic.twitter.com/Sj7zneeHnv
— Indian Football (@IndianFootball) July 30, 2026
भारतीय राष्ट्रीय फुटबॉल संघाचे संचालक आणि माजी गोलकीपर सुब्रत पॉल यांनी या सामन्याचे वर्णन भारतीय खेळाडूंसाठी एक सुवर्णसंधी म्हणून केले आहे. या सामन्यामुळे त्यांना जगातील सर्वोत्तम संघांपैकी एकाविरुद्ध आपली क्षमता तपासण्याची आणि मौल्यवान अनुभव मिळवण्याची संधी मिळेल. ब्राझीलचा हा दौरा भारतीय फुटबॉलमधील एका ऐतिहासिक क्षणाच्या आठवणींना उजाळा देईल. याआधी १९७७ मध्ये, ब्राझीलचे दिग्गज फुटबॉलपटू पेले यांनी न्यूयॉर्क कॉसमॉस क्लबचे प्रतिनिधित्व करताना भारताचा दौरा केला होता. त्यावेळी कोलकाता येथील ईडन गार्डन्सवर मोहन बागानविरुद्ध खेळलेला सामना २-२ अशा बरोबरीत सुटला होता. अलीकडच्या काळात ब्राझीलच्या काही क्लब्सनी भारताचा दौरा केला असला, तरी ब्राझीलच्या वरिष्ठ राष्ट्रीय संघाचा भारत दौरा अत्यंत दुर्मिळ आणि ऐतिहासिक आहे.
Da Austrália para a Índia 🇧🇷🇮🇳
A agenda da Seleção Brasileira continua.
Depois dos amistosos na Austrália, nosso próximo destino será a Índia, onde escreveremos um capítulo inédito da nossa história.
No dia 3 de outubro, a Seleção entrará em campo pela primeira vez em solo… pic.twitter.com/UNbhtNU3we
— brasil (@CBF_Futebol) July 30, 2026
भारतीय फुटबॉसाठी पुढचे काही माहिने ऐतिहासिक ठरणार आहेत. नोव्हेंबरमध्ये भारतीय फुटबॉल संघ न्यूझीलंडविरुद्ध दोन मैत्रीपूर्ण सामने खेळणार आहे. पहिला सामना १२ नोव्हेंबर रोजी ऑकलंडमध्ये, तर दुसरा सामना १५ नोव्हेंबर रोजी क्राइस्टचर्चमध्ये खेळवला जाणार आहे. यामुळे ऑक्टोबर आणि नोव्हेंबर हे दोन महिने भारतीय फुटबॉल चाहत्यांसाठी अत्यंत महत्त्वाचे ठरणार आहेत.