सॅमसंगचा आगामी फॅन एडिशन स्मार्टफोन 'गॅलेक्सी एस२६ एफई' (Galaxy S26 FE) लाँच होण्यापूर्वीच इंटरनेटवर त्याचे फीचर्स आणि डिझाइन मोठ्या प्रमाणावर लीक झाले आहेत. नुकत्याच समोर आलेल्या २६ हून अधिक प्रचारात्मक प्रतिमा आणि डेटाशीटमुळे या फोनबद्दलची बरीच माहिती उघड झाली आहे.
नवीन लीकनुसार, हा फोन सॅमसंगच्या एक्सिनोस २५०० (Exynos 2500) या १०-कोर प्रोसेसरसह सुसज्ज असेल. यात ६.७ इंचाचा फुल एचडी प्लस डायनॅमिक AMOLED 2X डिस्प्ले देण्यात आला असून, जो १२७ एचझेड (120Hz) रिफ्रेश रेट आणि १,९०० निट्सपर्यंतच्या पीक ब्राइटनेससह येतो. फोनच्या डिझाइनमध्ये फ्लॅट फ्रेम आणि मागील बाजूस एका उभ्या आयलँडमध्ये तीन कॅमेरे देण्यात आले आहेत. हा फोन ब्लूबेरी, ग्राफाइट आणि पिस्ता या आकर्षक रंगांच्या पर्यायांमध्ये उपलब्ध होईल.
कॅमेरा सेटअपबद्दल बोलायचे झाल्यास, यात ५० मेगापिक्सेलचा मुख्य कॅमेरा, १२ मेगापिक्सेलचा अल्ट्रावाइड कॅमेरा आणि ३x ऑप्टिकल झूमसह ८ मेगापिक्सेलचा टेलीफोटो कॅमेरा मिळतो. तसेच सेल्फीसाठी यामध्ये १२ मेगापिक्सेलचा फ्रंट कॅमेरा देण्यात आला आहे. फोनमध्ये ४,९००mAh क्षमतेची बॅटरी असून ती ४५W वायर्ड फास्ट चार्जिंगला सपोर्ट करते. तसेच हा फोन आयपी ६८ (IP68) डस्ट आणि वॉटर रेझिस्टन्स रेटिंगसह येणार आहे.
सॅमसंगने अद्याप या स्मार्टफोनच्या अधिकृत लाँचची तारीख किंवा किंमत जाहीर केलेली नाही. तथापि, हा फोन सप्टेंबरच्या सुरुवातीला बाजारात येऊ शकतो अशी शक्यता वर्तवली जात आहे. जुन्या एस२५ एफई (S25 FE) मॉडेलच्या तुलनेत यामध्ये मुख्यत्वे नवीन प्रोसेसर आणि डिझाइनमधील बदल पाहायला मिळणार आहेत. सॉफ्टवेअरच्या बाबतीत हा फोन अँड्रॉइड १७ (Android 17) वर आधारित One UI वर चालेल आणि यात दीर्घकाळ मिळणारी अपडेट्स ग्राहकांसाठी महत्त्वाची ठरतील.