Tata Javelin Missile : भारतात टाटा बनवणार टँकविरोधी मिसाईल सिस्टीम जॅव्हलिन; अमेरिकन कंपनीसोबत करार

नवी दिल्ली : भारताने अमेरिकेकडून टँकविरोधी मिसाईल सिस्टीम एफजीएम-148 जॅव्हलिन खरेदी करण्याचा करार केला आहे. भारताने जॅव्हलिन सिस्टीमसाठी प्रस्ताव आणि स्वीकृती पत्रावर स्वाक्षऱ्याही केल्या आहेत. आता टाटा एडवांस्ड सिस्टिम्स लिमिटेड आणि जॅव्हलिन जॉइंट व्हेंचर (जेजेवी) यांनी भारतात या सिस्टीमच्या निर्मितीसाठी एका करारावर स्वाक्षरी केली आहे. हा करार भारतीय डिफेन्स इंडस्ट्रीला मोठी संधी देईल आणि इंडो-पॅसिफिकसाठी प्रादेशिक स्थैर्य मजबूत करेल. (Tata Javelin Missile)

अमेरिकन दूतावासाच्या प्रवक्त्या डाना जिए यांनी 28 ऑगस्ट रोजी पुष्टी केली होती की, भारताने जॅव्हलिन सिस्टीमसाठी प्रस्ताव आणि स्वीकृती पत्रावर स्वाक्षरी केली आहे. या करारावर स्वाक्षरी झाल्यानंतर भारत जॅव्हलिन सिस्टीमचा ग्राहक बनला आहे. ही एक अत्याधुनिक, मध्यम पल्ल्याची फायर-अँड-फॉरगेट अँटी-टँक गाईडेड मिसाईल आहे. आता भारतात जॅव्हलिन सिस्टीमच्या निर्मितीसाठी जॅव्हलिन जॉइंट व्हेंचरने टाटा एडवांस्ड सिस्टिम्सला प्राईम पार्टनर म्हणून निवडले आहे. या कराराअंतर्गत टाटा एडवांस्ड सिस्टिम्स लिमिटेड आणि जेजेवी भारतात जैवलिन सिस्टीमसाठी फायनल असेंब्ली आणि इंटिग्रेशन फॅसिलिटी उभारण्याबाबत शक्यता तपासतील. (Tata Javelin Missile)

Kiren Rijiju : न्यूयॉर्कमध्ये भारतीय राष्ट्रध्वजाच्या अवमानावर किरेन रिजिजू संतप्त

नवी दिल्ली : न्यूयॉर्कच्या मॅडिसन स्क्वेअर गार्डन येथे झालेल्या निदर्शनांदरम्यान भारतीय राष्ट्रध्वजाचा अवमान केल्याप्रकरणी केंद्रीय मंत्री किरेन ...

टँकविरोधी मिसाईल सिस्टीम एफजीएम-148 जॅव्हलिन भारत आणि अमेरिकेच्या पार्टनरशिपसाठी फायदेशीर ठरेल. यामुळे भारतात एक मजबूत डिफेन्स वर्कफोर्स तयार होईल. तसेच अनेक वर्षांच्या प्रोडक्शनमधून देशांतर्गत सप्लाय चेनमध्ये अमेरिकन नोकऱ्या टिकून राहतील. देशात को-प्रोडक्शन सुरू झाल्यामुळे भारताचा डिफेन्स इंडस्ट्रियल बेस मजबूत होईल. यामुळे जॅव्हलिनची फायनल असेंब्ली आणि इंटिग्रेशन भारतीय फॅसिलिटी आणि सप्लायरपर्यंत पोहोचेल, हाय-टेक नोकऱ्या निर्माण होतील, स्थानिक मॅन्युफॅक्चरिंग एक्सपर्टीज वाढेल आणि जगभरात वाढणाऱ्या डिमांडमुळे ग्लोबल सप्लाय चेन मजबूत होण्यास मदत मिळेल. विश्वासार्ह जॅव्हलिन वेपन सिस्टीमचा पुरवठा झाल्यामुळे या भागातील पार्टनर देशांना मदत मिळेल. (Tata Javelin Missile)

जॅव्हलिन जॉइंट व्हेंचरचे व्हाईस प्रेसिडेंट आणि प्रोग्राम डायरेक्टर रिच लिसियन यांनी सांगितले की, ही पार्टनरशिप जॅव्हलिन जॉइंट व्हेंचर आणि भारतीय पार्टनरमधील सखोल सामरिक सहकार्य दर्शवते. यामुळे इंटरऑपरेबिलिटी आणि संयुक्त डिफेन्स इनिशिएटिव्ह मजबूत होतील, जे इंडो-पॅसिफिक पार्टनरशिपच्या मोठ्या उद्दिष्टांशी सुसंगत आहेत. भारतात एक समर्पित जॅव्हलिन फायनल असेंब्ली आणि इंटिग्रेशन फॅसिलिटी तयार करण्यासाठी टाटा एडवांस्ड सिस्टिम्स लिमिटेडसोबत पार्टनरशिप करणे, या महत्त्वाच्या अँटी-टँक वेपन सिस्टीमसाठी मजबूत सप्लाय चेन सुनिश्चित करण्याच्या दिशेने एक महत्त्वाचे पाऊल आहे. हे सहकार्य केवळ भारताच्या हाय-टेक मॅन्युफॅक्चरिंग क्षमतांमध्ये वाढ करणार नाही, तर इंडो-पॅसिफिक रिजनमधील स्थिरतेच्या पायाभूत संरचनेलाही मजबूत करेल. यामुळे जगभरातील आमच्या पार्टनर्सना उदयोन्मुख धोक्यांना वेगाने प्रतिसाद देता येईल. (Tata Javelin Missile)

Nepal Flood : नेपाळ आपत्तीच्या पार्श्वभूमीवर महाराष्ट्रातील ६७ जणांच्या संपर्कासाठी प्रयत्न

मुंबई : नेपाळ-तिबेट प्रदेशात २६ ऑगस्ट २०२६ रोजी आलेल्या महापुरामध्ये महाराष्ट्रातील विविध जिल्ह्यांतील पर्यटक व नागरिकही अडकले आहेत. यातील ६७ जणांचा ...

टाटा एडवांस्ड सिस्टिम्स लिमिटेडचे मुख्य कार्यकारी अधिकारी आणि व्यवस्थापकीय संचालक सुकरन सिंह यांनी सांगितले की, लॉकहीड मार्टिन आणि रेथियॉनसोबतच्या आमच्या दीर्घकाळापासून सुरू असलेल्या संबंधांमध्ये या महत्त्वाच्या पुढील टप्प्यावर जॅव्हलिन जॉइंट व्हेंचरसह पार्टनरशिप करताना आम्हाला आनंद होत आहे. हा उपक्रम भारताच्या डिफेन्स इंडस्ट्रियल इकोसिस्टीममध्ये आवश्यक असेंब्ली एक्सपर्टीज आणि टेक्नॉलॉजी ट्रान्सफर आणण्यासोबतच आत्मनिर्भरता मजबूत करेल. हा करार भारताची ऑपरेशनल तयारी वाढवण्यासोबतच भारतीय सशस्त्र दलांपर्यंत लढाईसाठी तयार क्षमता पोहोचवण्यास मदत करेल.(Tata Javelin Missile)