मुंबई : सप्टेंबर महिन्याची सुरुवातच महागाईच्या झटक्याने झाली आहे. दूध आणि साखरेच्या दरानंतर आता व्यावसायिक LPG सिलिंडरच्या किमतीतही वाढ करण्यात आली आहे. 1 सप्टेंबरपासून 19 किलोच्या कमर्शियल LPG सिलिंडरच्या दरात 9.50 रुपयांची वाढ झाली आहे. त्यामुळे हॉटेल, रेस्टॉरंट आणि इतर व्यावसायिकांना वाढीव दराचा सामना करावा लागणार आहे.
नवीन दरानुसार, राजधानी दिल्लीत 19 किलोचा कमर्शियल LPG सिलिंडर आता 2,747.50 रुपयांना मिळणार आहे. मुंबईत याच सिलिंडरसाठी 2,701 रुपये मोजावे लागतील. चेन्नईमध्ये सिलिंडरचा दर 2,916.50 रुपये झाला आहे. तर लेहमध्ये कमर्शियल LPG सिलिंडर सर्वाधिक महाग असून त्याची किंमत 3,385.50 रुपये झाली आहे.
मुंबई : चेंबूरच्या म्हैसूर कॉलनी परिसरात उभ्या असलेल्या टँकरमधून बेन्झीन केमिकलची गळती झाल्याने खळबळ उडाली. म्हैसूर कॉलनी मोनोरेल स्टेशनजवळ ...
दरम्यान, घरगुती गॅस सिलिंडर वापरणाऱ्या ग्राहकांना मात्र यावेळी दिलासा मिळाला आहे. 14.2 किलोच्या घरगुती LPG सिलिंडरच्या दरात कोणताही बदल करण्यात आलेला नाही. मुंबईत घरगुती सिलिंडर 941.50 रुपये, तर दिल्लीत 942 रुपयांना मिळत आहे. त्यामुळे सणासुदीच्या काळात घरगुती ग्राहकांना मोठा दिलासा मिळाला आहे.
याशिवाय 5 किलोच्या व्यावसायिक सिलिंडरच्या दरातही 2 रुपयांची वाढ झाली आहे. या सिलिंडरची किंमत आता 764 रुपये झाली आहे.
गेल्या काही वर्षांतील 1 सप्टेंबरच्या दरांचा विचार केला तर कमर्शियल LPG सिलिंडरच्या किमतीत अनेकदा वाढ आणि कपात झाली आहे. 2017 मध्ये 115 रुपयांची वाढ झाली होती. तर 2023 मध्ये 157.50 रुपयांची मोठी कपात करण्यात आली होती. यंदा मात्र 9.50 रुपयांची वाढ झाली आहे.
कमर्शियल गॅसच्या दरवाढीचा परिणाम हॉटेल आणि रेस्टॉरंटच्या व्यवसायावर होण्याची शक्यता आहे. गॅसचा खर्च वाढल्याने आगामी काळात बाहेरचे खाद्यपदार्थ आणि हॉटेलमधील काही पदार्थांच्या किमतीवरही त्याचा परिणाम होऊ शकतो.
