कुक्कुटपालनाला 'कृषी समकक्ष' दर्जा दिल्याने युवकांसाठी रोजगाराच्या नवीन संधी
मुंबई : सिंधुदुर्ग जिल्ह्यात पशुसंवर्धन, दुग्ध व मत्स्यव्यवसाय विभागांतर्गत कुक्कुटपालन व्यवसायाला कृषी समकक्ष दर्जा देण्यात आला असून, या निर्णयाची प्रभावी अंमलबजावणी करण्याचे निर्देश मत्स्यव्यवसाय व बंदरे मंत्री नितेश राणे यांनी संबंधित अधिकाऱ्यांना दिले आहेत. मंत्रालयात आयोजित कुक्कुटपालन व्यावसायिकांच्या बैठकीत ते बोलत होते. या वेळी कुक्कुटपालन व्यावसायिकांना शासनाच्या विविध योजना, सवलती व सुविधांचा अधिकाधिक लाभ मिळवून देण्यावर भर देण्यात आला.
नवी दिल्ली : देशात आयकर रिटर्न (आयटीआर) दाखल करणाऱ्यांची संख्या विक्रमी पातळीवर पोहोचली आहे. मूल्यांकन वर्ष २०२६-२७ साठी ३१ ऑगस्टपर्यंत ७.८ कोटींपेक्षा ...
या बैठकीला पशुसंवर्धन, दुग्ध व्यवसाय व मत्स्य व्यवसाय विभागाचे सचिव एन. रामास्वामी, मत्स्य आयुक्त भानुदास पालवे यांच्यासह सिंधुदुर्ग जिल्ह्यातील व्यावसायिक संजय सावंत, योगेश बेळणेकर, श्रीपाद तवटे, सुनील धुरी, रमेश म्हाडगुत आणि प्रशांत म्हाडगुत उपस्थित होते, तर सिंधुदुर्ग जिल्हाधिकारी तृप्ती धोडमिसे दूरदृश्य प्रणालीद्वारे सहभागी झाल्या होत्या. कुक्कुटपालन व्यवसायाच्या माध्यमातून जिल्ह्यातील युवक व स्थानिक उद्योजकांना मोठ्या प्रमाणावर रोजगार आणि स्वयंरोजगाराच्या संधी उपलब्ध होऊ शकतात, असे सांगत मंत्री राणे यांनी प्रशासकीय व तांत्रिक सहकार्य त्वरित उपलब्ध करून देण्याचे आदेश दिले.
ओबीसी महामंडळांचे प्रश्न डिसेंबरपर्यंत मार्गी परदेशी शिष्यवृत्तीसाठी विद्यार्थी संख्या वाढविणार बैठकीत १३ हून अधिक मुद्द्यांवर सविस्तर ...
व्यवसायाचा विस्तार करताना व्यावसायिकांनी वीज जोडणीबाबत नियमांचे पालन करावे आणि घरगुती वीज जोडणीऐवजी व्यवसायाच्या स्वरूपानुसार व्यावसायिक वीज जोडणी करून घ्यावी, असे आवाहन या वेळी करण्यात आले. तसेच, कुक्कुटपालन क्षेत्र अधिक संघटित, सक्षम आणि फायदेशीर ठरावे यासाठी स्वतंत्र 'फार्मिंग कंपनी' स्थापन करण्याबाबतही बैठकीत सूचना करण्यात आल्या.
