Duleep Trophy Vaibhav Sooryavanshi : वैभव सूर्यवंशीचं शतक अवघ्या ८ धावांनी हुकलं; सचिनचा 'तो' विक्रम मोडण्याची संधी गमावली

नवी दिल्ली : दुलीप ट्रॉफीच्या उपांत्य फेरीत युवा फलंदाज वैभव सूर्यवंशीने (Vaibhav Sooryavanshi) दमदार फलंदाजी करत सर्वांचे लक्ष वेधून घेतले. पूर्व विभागाकडून मध्य विभागाविरुद्ध खेळताना सूर्यवंशीने ८१ चेंडूंत ९२ धावांची आक्रमक खेळी केली. मात्र, शतकापासून अवघ्या आठ धावा दूर असताना त्याची विकेट गेली आणि प्रथम श्रेणी क्रिकेटमध्ये सचिन तेंडुलकरचा विक्रम मोडण्याची मोठी संधी त्याच्या हातून निसटली. (Duleep Trophy Vaibhav Sooryavanshi)

सचिन तेंडुलकरचा विक्रम मोडण्याची संधी :

वैभव सूर्यवंशीने या सामन्यात शतक झळकावले असते, तर प्रथम श्रेणी क्रिकेटमध्ये शतक करणारा दुसरा सर्वात तरुण भारतीय फलंदाज होण्याचा मान त्याला मिळाला असता. सूर्यवंशीने हे शतक वयाच्या १५ वर्षे १५७ दिवसांत केले असते. दुसरीकडे, सचिन तेंडुलकरने १९८८ च्या रणजी ट्रॉफी सामन्यात १५ वर्षे २३० दिवसांचा असताना पहिले प्रथम श्रेणी शतक झळकावले होते. (Duleep Trophy Vaibhav Sooryavanshi)

मात्र, प्रथम श्रेणी क्रिकेटमध्ये शतक करणारा सर्वात तरुण भारतीय फलंदाज होण्याचा विक्रम अजूनही ध्रुव पांडोवे यांच्या नावावर आहे. त्यांनी १९८८ मध्ये अवघ्या १४ वर्षे २९३ दिवसांच्या वयात शतक झळकावले होते. (Duleep Trophy Vaibhav Sooryavanshi)

सूर्यवंशीने रचला नवा विक्रम :

शतक हुकले असले तरी सूर्यवंशीने आपल्या खेळीच्या जोरावर दुलीप ट्रॉफीमध्ये नवा विक्रम आपल्या नावावर केला. तो दुलीप ट्रॉफीमध्ये अर्धशतक झळकावणारा सर्वात तरुण फलंदाज ठरला आहे. त्याने ८१ चेंडूंच्या खेळीत आक्रमक फलंदाजी करत ९२ धावा केल्या. मात्र, शतकाच्या दिशेने वाटचाल करत असताना हर्ष दुबेच्या गोलंदाजीवर मोठा फटका मारण्याच्या प्रयत्नात त्याची विकेट गेली. (Duleep Trophy Vaibhav Sooryavanshi)

सूर्यवंशीने चेंडू डीप मिडविकेटच्या दिशेने भिरकावण्याचा प्रयत्न केला. मात्र, तिथे क्षेत्ररक्षणासाठी तैनात असलेल्या खेळाडूने त्याचा झेल घेतला आणि त्याची शानदार खेळी ९२ धावांवर संपुष्टात आली. (Duleep Trophy Vaibhav Sooryavanshi)

विक्रमाच्या अगदी जवळ येऊनही संधी हुकली :

वैभव सूर्यवंशीच्या या खेळीमुळे त्याला जवळपास ३८ वर्षे जुना सचिन तेंडुलकरचा विक्रम मोडण्याची संधी निर्माण झाली होती. मात्र, शतकापासून अवघ्या आठ धावा दूर राहिल्याने त्याला ही ऐतिहासिक कामगिरी करता आली नाही. तरीही दुलीप ट्रॉफीतील सर्वात तरुण अर्धशतकवीर बनत त्याने आपल्या नावावर आणखी एक विक्रम नोंदवला आहे. (Duleep Trophy Vaibhav Sooryavanshi)