अर्जेंटिना : अर्जेंटिनाचा स्टार फुटबॉलपटू लिओनेल मेस्सी याने आंतरराष्ट्रीय फुटबॉलमधून निवृत्ती जाहीर केली आहे. मेस्सीच्या नेतृत्वात अर्जेंटिनाने २०२२ चा फिफा फुटबॉल वर्ल्ड कप जिंकला होता. यंदाही अर्जेंटिनाने वर्ल्ड कपच्या अंतिम फेरीपर्यंत मजल मारली होती.
मेस्सीने ३९ व्या वर्षी आंतरराष्ट्रीय कारकिर्दीला विराम देण्याचा निर्णय घेतला आहे. निवृत्तीची घोषणा करताना मेस्सीने आपल्या अधिकृत इन्स्टाग्राम अकाउंटवर एक भावनिक पोस्ट लिहिली आहे. 'हा असा निर्णय होता, ज्यामुळे मला दुःख झाले आणि आजही खूप दुःख होत आहे. पण आता हीच योग्य वेळ आहे, असे मला वाटते' असे मेस्सीने नमूद केले आहे. त्याने पुढे म्हटले की, मी तुम्हाला वचन देतो की मी नेहमीच माझे सर्वस्व दिले. केवळ गेल्या काही वर्षांत जेव्हा आम्ही सर्व काही जिंकले, तेव्हाच नाही, तर त्याआधीही. मी नेहमी या जर्सीसाठी संघर्ष केला आणि मैदानावर माझे सर्वस्व पणाला लावले, जेणेकरून तुम्हाला आनंद मिळेल आणि फुटबॉलच्या माध्यमातून अर्जेंटिनाचा नागरिक असल्याचा अभिमान वाटावा.
दुबई : महिला टी-२० आशिया कप २०२६च्या सलामीच्या सामन्यात भारतीय महिला क्रिकेट संघाने थायलंडचा ९४ धावांनी पराभव करत स्पर्धेची दमदार सुरुवात केली. ...
ऑगस्टमध्ये वडील जॉर्ज मेस्सी यांच्या निधनानंतर मेस्सी आणखी किती काळ फुटबॉल खेळणार याविषयी शंका उपस्थित होत होती. या पार्श्वभूमीवर मेस्सीने निवृत्तीची घोषणा केली आहे. आंतरराष्ट्रीय फुटबॉलमधून निवृत्ती घेतली तरी मेस्सी क्लब फुटबॉल खेळणार आहे. मेजर लीग सॉकरमधील इंटर मियामी या क्लबसोबत मेस्सीचा करार २०२८ च्या हंगामाच्या अखेरपर्यंत आहे.