नवी दिल्ली : देशात आयकर रिटर्न (आयटीआर) दाखल करणाऱ्यांची संख्या विक्रमी पातळीवर पोहोचली आहे. मूल्यांकन वर्ष २०२६-२७ साठी ३१ ऑगस्टपर्यंत ७.८ कोटींपेक्षा अधिक आयकर रिटर्न दाखल करण्यात आले आहेत. (ITR Filing 2026)
आयकर विभागाने मंगळवारी ‘एक्स’वर जारी केलेल्या पोस्टमध्ये सांगितले की, ३१ ऑगस्ट, २०२६ पर्यंत मूल्यांकन वर्ष २०२६–२७ साठी विक्रमी ७.८ कोटींपेक्षा जास्त आयटीआर फाईल करण्यात आले आहेत. यामध्ये ३१ जुलैच्या निर्धारित अंतिम तारखेपर्यंत दाखल करण्यात आलेले ५.९ कोटींपेक्षा जास्त आयकर रिटर्न-१ आणि आयकर रिटर्न-२ यांचाही समावेश आहे. विभागाने जारी केलेल्या आकडेवारीनुसार, मागील मूल्यांकन वर्ष २०२५-२६ साठी नॉन-ऑडिट प्रकरणांमध्ये रिटर्न दाखल करण्याची अंतिम तारीख १६ सप्टेंबर, २०२५ पर्यंत एकूण ७.३ कोटींपेक्षा अधिक आयटीआर दाखल करण्यात आले होते. विभागाने लिहिले आहे, आम्ही करदाते आणि व्यावसायिकांचे वेळेवर नियमांचे पालन केल्याबद्दल मनापासून आभार मानतो. (ITR Filing 2026)
मुंबई : ऑडी या जर्मन लक्झरी कार उत्पादक कंपनीने आज भारतात ऑल-न्यू ऑडी क्यू३ च्या बुकिंगला सुरुवात केली आहे. ही एसयूव्ही १,००,००० रूपये या सुरुवातीच्या ...
आयकर विभागानुसार, आकलन वर्ष २०२६-२७ साठी ज्या करदात्यांचे व्यवसाय किंवा व्यावसायिक उत्पन्न आहे आणि ज्यांच्या खात्यांचे ऑडिट होत नाही, अशा करदात्यांसाठी आयकर रिटर्न दाखल करण्याची निर्धारित अंतिम तारीख ३१ ऑगस्ट, २०२६ होती. जर एखादा करदाता नॉन-ऑडिट श्रेणीत येत असेल, तर तो लागू आयकर रिटर्न (आयटीआर-३, आयटीआर-४, आयटीआर-५ किंवा आयटीआर-७) दाखल करू शकतो. त्याचप्रमाणे, आयटीआर-३ चा वापर अशा व्यक्ती आणि हिंदू अविभक्त कुटुंबांकडून केला जातो, ज्यांचे उत्पन्न स्वतःच्या मालकीच्या व्यवसायातून किंवा व्यवसायिक पेशातून मिळते. आयटीआर-४ हा तुलनेने सोपा रिटर्न फॉर्म आहे. तो लहान आणि मध्यम करदात्यांसाठी वापरला जातो. याशिवाय, आयटीआर-५ हा कंपन्या, लिमिटेड लायबिलिटी पार्टनरशिप (एलएलपी) आणि सहकारी संस्था यांसारख्या संस्थांसाठी आहे. तर आयटीआर-६ चा वापर कंपनी कायद्यांतर्गत नोंदणीकृत कंपन्या करतात, तर आयटीआर-७ हा ट्रस्ट, धर्मादाय आणि धार्मिक संस्था दाखल करतात. (ITR Filing 2026)