हरियाणा : हरियाणातील यमुनानगर (Hariyana Yamunanagar) जिल्ह्यातील हथणीकुंड बॅरेजवर (Hathnikund News) मंगळवारी रात्री एक अत्यंत दुर्दैवी घटना घडली. रात्रीच्या प्रशिक्षण सरावादरम्यान भारतीय सैन्याची एक बोट यमुनेच्या पात्रात उलटली. या बोटीत '१ पॅरा स्पेशल फोर्सेस'चे पाच जवान सवार होते, त्यापैकी दोन जवान पाण्याच्या तीव्र प्रवाहात वाहून गेल्याने बेपत्ता झाले आहेत. सैन्य दलाने दिलेल्या माहितीनुसार, रात्रीच्या सरावादरम्यान अचानक बोटीमध्ये तांत्रिक बिघाड झाला. तांत्रिक बिघाडामुळे बोट नियंत्रणाबाहेर गेली आणि पाण्याच्या तीव्र प्रवाहात व भोवऱ्यात अडकून बॅरेजच्या दरवाजाजवळ पलटली. या दुर्घटनेनंतर तीन जवानांनी अत्यंत धैर्याने पाण्याचा प्रचंड वेग झेलत पोहून सुरक्षितपणे किनार गाठला, परंतु उर्वरित दोन जवान पाण्याच्या तीव्र प्रवाहामुळे पुढे वाहून गेले.
Nashik Crime : नाशिक जिल्ह्यातील येवला (Yeola) तालुक्यात धक्कादायक घटना उघडकीस आली आहे. येवला तालुक्यातील उंदीरवाडी येथे जुन्या वादाची कुरापत काढून प्रवीण ऊर्फ ...
बेपत्ता झालेल्या दोन्ही जवानांचा शोध घेण्यासाठी सध्या युद्धपातळीवर मोठी शोधमोहीम राबवली जात आहे. भारतीय सैन्य, भारतीय हवाई दल, एनडीआरएफ (NDRF), हरियाणा आणि उत्तर प्रदेशची एसडीआरएफ (SDRF) पथके, स्थानिक पोलीस आणि जिल्हा प्रशासन संयुक्तपणे हे बचावकार्य करत आहेत. जवानांच्या शोधामध्ये मदत व्हावी म्हणून हवाई दलाच्या दोन हेलिकॉप्टर्सद्वारे बॅरेज आणि परिसरातील कालव्यांची हवाई पाहणी केली जात आहे. प्रतापनगर पोलीस ठाण्याचे निरीक्षक रोहताश यांनी दिलेल्या माहितीनुसार, बहुअंगीय यंत्रणांचे प्रयत्न सातत्याने सुरू असून अद्याप बेपत्ता जवानांचा शोध लागलेला नाही. पाण्यात उतरून शोधकार्य अधिक सुलभ करता यावे, यासाठी लष्कराच्या विनंतीवरून हरियाणा पाटबंधारे विभागाने हथणीकुंड बॅरेज आणि मुख्य कालव्यांमधील पाण्याचा विसर्ग कमी केला आहे.
