-वित्तीय सेवा, स्वच्छ ऊर्जा, प्रगत उत्पादन आणि कौशल्य विकासासह विविध क्षेत्रांत सहकार्य वाढवण्यावर भर; ९० दिवसांत संयुक्त कार्यगट स्थापन होणार
मुंबई : महाराष्ट्र आणि ऑस्ट्रेलियातील न्यू साउथ वेल्स यांच्यातील द्विपक्षीय संबंध अधिक व्यापक आणि परिणामाभिमुख करण्याच्या दिशेने बुधवारी महत्त्वाचे पाऊल उचलण्यात आले. मुख्यमंत्री देवेंद्र फडणवीस आणि न्यू साउथ वेल्सचे प्रमुख क्रिस मिन्स यांच्या प्रमुख उपस्थितीत वर्षा शासकीय निवासस्थानी वित्तीय सेवा, स्वच्छ ऊर्जा, प्रगत उत्पादन, कृषी तंत्रज्ञान, आरोग्यसेवा, शिक्षण, कौशल्य विकास आणि तंत्रज्ञान यांसारख्या विविध क्षेत्रांत सहकार्य करण्यासाठी सामंजस्य करारावर स्वाक्षऱ्या करण्यात आल्या. २०४७ पर्यंत महाराष्ट्राला विकसित आणि जागतिक स्तरावर स्पर्धात्मक राज्य बनवण्याच्या उद्दिष्टाशी हा करार सुसंगत असल्याचे मुख्यमंत्री फडणवीस यांनी या वेळी स्पष्ट केले.
मुंबई पोलिसांचा तपास अपुरा, गुन्हा नोंदवून सर्व पैलूंचा तपास करण्याचे मुंबई उच्च न्यायालयाचे CBI ला निर्देश मुंबई : दिवंगत अभिनेता सुशांतसिंग राजपूत ...
मुंबई आणि सिडनी ही अनुक्रमे भारत आणि ऑस्ट्रेलियाची वित्तीय व व्यावसायिक प्रवेशद्वारे असल्यामुळे न्यू साउथ वेल्समधील वित्तीय संस्था आणि गुंतवणूकदारांनी महाराष्ट्राला भारतातील गुंतवणुकीचे प्रमुख प्रवेशद्वार म्हणून पाहावे, असे आवाहन मुख्यमंत्र्यांनी केले. अक्षय ऊर्जा, डिजिटल पायाभूत सुविधा, इलेक्ट्रिक वाहने, सेमीकंडक्टर आणि हरित हायड्रोजन या क्षेत्रांमध्ये संयुक्त प्रकल्प विकसित करण्याची मोठी क्षमता असल्याचे त्यांनी नमूद केले. तसेच, न्यू साउथ वेल्सच्या तंत्रज्ञानाचा फायदा मराठवाडा व विदर्भातील कृषी, जलसंधारण आणि दुष्काळ व्यवस्थापनासाठी घेण्यावर भर देण्यात आला.
एकट्या मराठवाड्यात साडेतीन लाख प्रमाणपत्रे वितरित झाल्याची शासनाची माहिती मुंबई : मनोज जरांगे पाटील यांच्या आंदोलनाच्या पार्श्वभूमीवर राज्य ...
या कराराची प्रभावी अंमलबजावणी करण्यासाठी पुढील ९० दिवसांत एका संयुक्त कार्यगटाची स्थापना केली जाणार असून, हा गट प्रमुख प्रकल्प निश्चित करून नियमित आढावा घेईल. या बैठकीस राजशिष्टाचार व पणन मंत्री जयकुमार रावल, न्यू साउथ वेल्सचे ट्रेझरर डॅनियल मुखी, भारतातील ऑस्ट्रेलियन उच्चायुक्त फिलिप ग्रीन यांच्यासह दोन्ही देशांतील वरिष्ठ अधिकारी व प्रतिनिधी उपस्थित होते. दरम्यान, न्यू साउथ वेल्सचे प्रमुख क्रिस मिन्स यांनी मुख्यमंत्री फडणवीस यांना सिडनी भेटीचे अधिकृत निमंत्रणही दिले.