Nashik : पुण्यातील ‘छात्रों की गूंज’ कार्यक्रमानंतर काँग्रेसचे नेते, लोकसभेतील विरोधी पक्षनेते राहुल गांधी हे बुधवारी नाशिकच्या दौऱ्यावर आहेत. संघटन सृजन अभियानांतर्गत निवड झालेल्या राज्यातील काँग्रेसच्या ७८ नवनियुक्त जिल्हाध्यक्षांशी ते नाशिक येथील प्रशिक्षण शिबिरात संवाद साधणार आहेत. यावेळी ‘जागतिक राजकारण आणि भारत’ या विषयावर त्यांचे भाषण होणार आहे. राहुल गांधी यांच्या दौऱ्याच्या पार्श्वभूमीवर गंगापूर धरण परिसरातील कार्यक्रमस्थळाला पोलीस छावणीचे स्वरूप प्राप्त झाले आहे. धरणाकडे जाणारा रस्ता लोखंडी जाळ्या अर्थात बॅरिकेडिंगने बंद करण्यात आला आहे.
Jalgaon Crime : अपहरण करून गुंगीचे औषध पाजल्याचा, बेशुद्धावस्थेत आळंदी येथे विवाह लावल्याचा आणि पुण्यात अत्याचार केल्याचा आरोप करत एका तरुणासह त्याच्या ...
दरम्यान राहुल गांधी (Rahul Gandhi) नाशिकमध्ये दाखल झाल्यानंतर भाजपच्या महिला पदाधिकाऱ्यांकडून 'राहुल गांधी','गो बॅक' चे नारे देण्यात आलेत. यावेळी नारी शक्ती वंदन विधेयकाला विरोध करणाऱ्या राहुल गांधी आणि काँग्रेसचा निषेध असो, नारीशक्तीचा विजय असो 'राहुल गांधी','गो बॅक' अशा स्वरुपाचे फलक हातात घेऊन भाजपच्या महिला पदाधिकाऱ्यांकडून जोरदार घोषणाबाजी सुरु होती. यावेळी आमदार देवयानी फरांदे (MLA Devyani Farande), नाशिकच्या महापौर हिमगौरी आहेर आडके, (Mayor Himgauri Aher-Adke) माजी केंद्रीय राज्यमंत्री डॉ. भारती पवार (Dr. Bharti Pawar) यांच्यासह अनेक महिला पदाधिकारी मोठ्या संख्येने उपस्थित होते.
केंद्र सरकारच्या ‘नारी शक्ती वंदन विधेयका’ला (महिला आरक्षण विधेयक) विरोध केल्याचा आरोप करत नाशिक भाजपच्या महिला पदाधिकारी आणि नगरसेवकांनी आक्रमक भूमिका घेतली आहे. राहुल गांधी यांच्या दौऱ्याचा निषेध नोंदवण्यासाठी भाजपच्या वतीने जिल्हाधिकारी कार्यालयाबाहेर हे निषेध आंदोलन छेडण्यात आले. या आंदोलनादरम्यान भाजपच्या महिला कार्यकर्त्या आणि प्रमुख पदाधिकारी यांनी काळे कपडे परिधान करून तसेच हाताला काळ्या फिती लावून निषेध व्यक्त करत आहेत. काँग्रेसने महिला आरक्षणाला विरोध करून महिलांच्या अधिकारांवर गदा आणली आहे, असा आरोप करत भाजप नेत्यांनी राहुल गांधी यांच्याविरोधात जोरदार घोषणाबाजी केली.