पाकिस्तान : पाकिस्तान क्रिकेटमध्ये गेल्या २४ तासांत घडलेल्या घटनांनी क्रिकेटविश्वाचे लक्ष वेधून घेतले आहे. इंग्लंड दौऱ्यावर असलेल्या पाकिस्तान संघातील तब्बल सात खेळाडूंना संघातून मुक्त करून मायदेशी परत पाठवण्यात आले आहे. त्यानंतर आता पाकिस्तानचा माजी कर्णधार आणि राष्ट्रीय निवड समितीचा सदस्य मिस्बाह-उल-हकने राजीनामा दिल्याची माहिती समोर आली आहे. (Pakistan Cricket Crisis)
मुंबई : भारतीय क्रिकेट संघाचा स्टार अष्टपैलू हार्दिक पांड्या (Hardik Pandya) पुन्हा एकदा दुखापतग्रस्त झाला आहे. बीसीसीआयच्या सेंटर ऑफ एक्सलन्समध्ये (COE) सराव ...
मिस्बाह-उल-हकचा तडकाफडकी निर्णय :
मिळालेल्या माहितीनुसार, मिस्बाह-उल-हकने आपल्या राजीनाम्याच्या निर्णयाची माहिती पाकिस्तान क्रिकेट बोर्डाला दिली आहे. मात्र, त्याने औपचारिकपणे पद सोडण्यापूर्वी नियमानुसार नोटीस कालावधी पूर्ण करणार असल्याचे सांगितले जात आहे. दरम्यान, ESPNcricinfoच्या वृत्तानुसार, मिस्बाहने राजीनामा सादर केला असला तरी PCBने तो अद्याप स्वीकारलेला नाही. त्यामुळे बोर्ड यावर पुढे काय निर्णय घेणार, याकडे क्रिकेट चाहत्यांचे लक्ष लागले आहे. (Pakistan Cricket Crisis)
संघातील बदलांवर मिस्बाह नाराज?
संघात एवढे मोठे बदल करण्यात येत असताना निवड समितीचा सदस्य म्हणून आपल्याशी पुरेशी चर्चा करण्यात आली नसल्याने मिस्बाह नाराज असल्याची माहिती समोर आली आहे. त्यानंतरच त्याने राजीनाम्याचा निर्णय घेतल्याचे वृत्त आहे. (Pakistan Cricket Crisis)
नवी दिल्ली : अफगाणिस्तानविरुद्ध सप्टेंबरमध्ये होणाऱ्या तीन सामन्यांच्या टी-२० मालिकेसाठी भारतीय संघाची घोषणा करण्यात आली आहे. श्रेयस अय्यरच्या ...
सात खेळाडूंना संघातून मुक्त :
PCBने पाकिस्तान संघातील मोहम्मद रिझवान, इमाम-उल-हक, सलमान अली आगा, अली उस्मान, आमिर जमाल, मुहम्मद अवैस जफर आणि खुर्रम शहजाद या सात खेळाडूंना संघातून मुक्त केले आहे. विशेष म्हणजे, इंग्लंडविरुद्धची तीन सामन्यांची मालिका पाकिस्तानने २-० ने जिंकलेली असतानाही हे बदल करण्यात आले आहेत. मालिकेतील अंतिम सामना अद्याप बाकी असताना झालेल्या या निर्णयामुळे प्रश्न उपस्थित झाले आहेत. (Pakistan Cricket Crisis)
पाकिस्तान क्रिकेटमध्ये अंतर्गत वाद?
एकीकडे सात खेळाडूंना मायदेशी पाठवणे आणि दुसरीकडे राष्ट्रीय निवड समितीतील महत्त्वाच्या सदस्याचा राजीनामा, यामुळे पाकिस्तान क्रिकेटमधील अंतर्गत परिस्थितीवर चर्चा सुरू झाली आहे. प्रशिक्षकवर्ग आणि कसोटी संघातील फेरबदलांच्या पार्श्वभूमीवर या निर्णयांकडे पाहिले जात आहे. मिस्बाहचा राजीनामा PCB स्वीकारणार का आणि सात खेळाडूंना संघातून मुक्त करण्यामागे नेमकी रणनीती काय आहे, याबाबत आता अधिकृत स्पष्टीकरणाची प्रतीक्षा आहे. (Pakistan Cricket Crisis)