Nashik : नाशिक शहरातील वाहतुकीच्या दृष्टीने महत्त्वाच्या असलेल्या द्वारका जंक्शनवरील कामाला आता वेग आला आहे. मुंबई-धुळे दिशेचा रस्ता वाहतुकीसाठी खुला करण्यात आला असून, उर्वरित रस्त्याचे काम १५ ऑक्टोबरपर्यंत पूर्ण करण्याचे निर्देश देण्यात आले आहेत. तसेच पुण्याच्या दिशेने जाणारा सर्व्हिस रोड पूर्ण १३.५ मीटर रुंदीचा विकसित करण्याचा निर्णय घेण्यात आला आहे. त्यामुळे द्वारका जंक्शन परिसरातील वाहतूक कोंडी कमी होण्याची अपेक्षा आहे.
नाशिक-त्र्यंबकेश्वर कुंभमेळा प्राधिकरणाचे आयुक्त शेखर सिंह (Kumbh Mela Authority Commissioner Shekhar Singh) यांनी याबाबत माहिती दिली. द्वारका जंक्शन येथील सुरू असलेल्या कामाची ३१ ऑगस्ट रोजी पाहणी करण्यात आली. यावेळी आमदार प्रा. देवयानी फरांदे, नाशिकचे पोलीस आयुक्त डॉ. संदीप कर्णिक आणि नाशिक महानगरपालिका आयुक्त मनीषा खत्री यांच्यासह संबंधित अधिकारी उपस्थित होते. मागील आढाव्यावेळी देण्यात आलेल्या मुदतीनुसार मुंबई-धुळे बाजूचा रस्ता वाहतुकीसाठी खुला करण्यात आल्याची नोंद पाहणीदरम्यान घेण्यात आली. मात्र, उड्डाणपुलाखालील रस्त्याच्या एका छोट्या भागातील स्लॅबचे काम अद्याप सुरू आहे. हे काम पूर्ण झाल्यानंतर रस्त्याचा उर्वरित भागही वाहतुकीसाठी खुला करता येणार आहे. त्यामुळे स्लॅबचे उर्वरित काम १५ ऑक्टोबरपर्यंत पूर्ण करून रस्ता वाहतुकीसाठी उपलब्ध करून देण्याचे निर्देश महाराष्ट्र राज्य पायाभूत सुविधा विकास महामंडळाला देण्यात आले आहेत.(Nashik News)
Nashik MHADA Scam : नाशिकमधील बहुचर्चित म्हाडा भूखंड फसवणूक प्रकरणात अखेर महसूल प्रशासनाने कारवाईचा बडगा उगारला आहे. या प्रकरणात बेकायदेशीरपणे काम केल्याचा ...
पुणे मार्गावरील सर्व्हिस रोड १३.५ मीटर रुंद होणार
द्वारका जंक्शनवरील वाहतूक कोंडी कमी करण्यासाठी पुण्याच्या दिशेने जाणाऱ्या सर्व्हिस रोडच्या रुंदीकरणाचा निर्णयही घेण्यात आला आहे. हा सर्व्हिस रोड पूर्ण १३.५ मीटर रुंदीचा विकसित करण्यात येणार आहे. या रुंदीकरणामुळे या मार्गाची वाहतूक क्षमता वाढण्यास मदत होणार असून, जंक्शन परिसरातील वाहतूक अधिक सुरळीत होण्याची अपेक्षा आहे. द्वारका जंक्शनवरील पायाभूत सुविधांची कामे पूर्ण झाल्यानंतर या परिसरातील वाहतूक व्यवस्थेत दीर्घकालीन सुधारणा होण्याची श क्यता आहे. मात्र, काम सुरू असताना नागरिकांना कमीत कमी त्रास व्हावा, यासाठी आवश्यक त्या उपाययोजना करण्याच्या सूचनाही संबंधित यंत्रणांना देण्यात आल्या आहेत. (Nashik News)
वाहतूक नियमनासाठी अतिरिक्त मनुष्यबळ
दरम्यान, पाहणीदरम्यान द्वारका जंक्शनवरील वाहतूक व्यवस्थापनाचाही आढावा घेण्यात आला. सुरू असलेल्या बांधकामामुळे वाहतूक नियमनाचे आव्हान निर्माण होत असल्याने वाहतूक पोलिसांना अतिरिक्त मनुष्यबळ उपलब्ध करून देण्यास कुंभमेळा प्राधिकरणाने मंजुरी दिली आहे. यासाठी अतिरिक्त वाहतूक वॉर्डनची नियुक्ती करून त्यांचा प्रभावीपणे वापर करण्याच्या सूचना संबंधित पोलीस विभागाला देण्यात आल्या आहेत. (Nashik News)
Jalgaon Crime : खासगी क्लासच्या शिक्षकाने अल्पवयीन मुलीशी अश्लील वर्तन करून तिच्याकडे अयोग्य मागणी केल्याचा प्रकार बोदवड तालुक्यातील जामठी येथे समोर आला आहे. ...
वाहतूक पोलिसांशी समन्वय साधण्याच्या सूचना
द्वारका जंक्शनवरील वाहतूक सुरळीत ठेवण्यासाठी सर्व संबंधित यंत्रणांनी वाहतूक पोलिसांशी सातत्याने समन्वय साधावा, असे निर्देश देण्यात आले आहेत. तसेच बांधकामाच्या ठिकाणी आवश्यक वाहतूक नियमन, नागरिकांची सुरक्षितता आणि इतर उपाययोजना प्रभावीपणे राबवण्याच्या सूचनाही देण्यात आल्या आहेत. दरम्यान, मुंबई-धुळे मार्ग खुला झाल्यानंतर आता उर्वरित काम १५ ऑक्टोबरपर्यंत पूर्ण करण्याचे प्रशासनाचे उद्दिष्ट आहे. त्यामुळे द्वारका जंक्शनसह नाशिकरोडच्या रस्ता रुंदीकरणाचे काम कधी पूर्ण होणार, याकडेही नागरिकांचे लक्ष लागले आहे, अशी माहिती शेखर सिंह यांनी दिली.
