Nashik : यशवंतराव चव्हाण महाराष्ट्र मुक्त विद्यापीठाने (Yashwantrao Chavan Maharashtra Open University) दत्तक घेतलेल्या घनशेत (ता. पेठ) गावातील १३ विद्यार्थ्यांची 'पवित्र पोर्टल'च्या माध्यमातून शिक्षणसेवकपदी निवड झाली. हे सर्व विद्यार्थी विद्यापीठाच्या सहकार्याने सुरू झालेल्या घनशेत करिअर अकॅडमीचे आहेत. निवड झालेल्यांमध्ये खुशाल जयराम महाले (प्राथमिक शिक्षक नाशिक, पेसा), ज्ञानेश्वर गणपत गावित (कला शिक्षक मुंबई महानगरपालिका), कु. मोनाली यादव गावित (प्राथमिक शिक्षक जि.प. नाशिक), सविता लहू भोये (प्राथमिक शिक्षक जि.प. सातारा), भगीरथ पंढरीनाथ टोपले (प्राथमिक शिक्षक जि.प. नाशिक), रोहिणी जनार्दन भोये (प्राथमिक शिक्षक जि.प. कोल्हापूर), महेंद्र पंढरीनाथ चौधरी (प्राथमिक शिक्षक जि.प. नाशिक), गोदावरी भास्कर भोये (प्राथमिक शिक्षक जि.प. कोल्हापूर), विजय रमेश भोये (प्राथमिक शिक्षक जि.प. पालघर), सुधाकर वामन जाधव (प्राथमिक शिक्षक जि.प. रायगड), कु. माधुरी दिलीप चौधरी (प्राथमिक शिक्षक जि.प. सांगली), उत्तम ज्ञानेश्वर भोये (प्राथमिक शिक्षक जि.प. सातारा) आणि कु. महेश शांताराम लहारे (प्राथमिक शिक्षक जि.प. अहिल्यानगर) यांचा समावेश आहे. या यशाबद्दल कुलगुरू प्रा. संजीव सोनवणे, प्र-कुलगुरू डॉ. जोगेंद्रसिंह बिसेन, व्यवस्थापन मंडळ सदस्य प्रा. संजीवनी महाले, प्रभारी कुलसचिव प्रा. सुरेंद्र पाटोळे यांच्यासह विद्यापीठातील अधिकारी, प्राध्यापक व कर्मचाऱ्यांनी विद्यार्थ्यांचे अभिनंदन केले. (Nashik News)
मुंबई : आदिवासी विकास विभागांतर्गत कार्यरत असलेल्या शासकीय आश्रमशाळांमधील शिक्षक संवर्गातील गट-क (अराजपत्रित) पदांच्या भरती प्रक्रियेचा मार्ग मोकळा ...
घनशेतमध्ये शैक्षणिक चळवळीला बळ
कोरोना काळात सतीश गावित यांनी स्पर्धा परीक्षांसाठी तरुणांनी एकत्र येण्याची संकल्पना मांडली. मनोज सीताड, जीवन चौधरी, भगीरथ टोपले व दामोदर टोपले यांनी साथ दिली. मुक्त विद्यापीठाने संगणक व ग्रंथसंपदा उपलब्ध करून दिल्याने ही चळवळ विस्तारली. कोरोनानंतर गावातील २७ तरुण-तरुणींची विविध शासकीय सेवांसाठी निवड झाली आहे, अशी माहिती ग्रामीण विकास व उद्योजकता विद्याशाखेचे संचालक प्रा. कैलास मोरे यांनी दिली.