बोलिव्हियामध्ये लष्करी तळावर झालेल्या भीषण स्फोटामुळे मोठी खळबळ उडाली आहे. राजधानी ला पाझपासून सुमारे ३० किलोमीटर अंतरावर असलेल्या व्हियाचा (Viacha) येथील लष्करी तळावर शुक्रवारी हा स्फोट झाला. प्राथमिक माहितीनुसार, या दुर्घटनेत किमान दोन जणांचा मृत्यू झाला असून अनेक जण जखमी झाले आहेत. (Bolivia Military Base Explosion)
हा स्फोट लष्करी तळावरील पायरोटेक्निक म्हणजेच फटाके किंवा स्फोटक साहित्य साठवलेल्या ठिकाणी झाल्याचे अधिकाऱ्यांनी सांगितले आहे. स्फोटाची नेमकी कारणे अद्याप स्पष्ट झालेली नाहीत. मात्र, संरक्षण मंत्रालयाच्या फटाक्यांच्या साठ्यातून स्फोटाची सुरुवात झाल्याचे प्राथमिक तपासात समोर आले आहे. (Bolivia Military Base Explosion)
पुणे : पुण्यातील बहुचर्चित केतन अग्रवाल हत्याप्रकरणाच्या तपासाला आता नवे वळण मिळाले आहे. पोलिसांच्या तपासात आणखी एका व्यक्तीचे नाव समोर आले असून, या ...
मोठ्या प्रमाणात नुकसान, नागरिकही जखमी
स्फोटाची तीव्रता इतकी मोठी होती की, आजूबाजूच्या परिसरातील अनेक घरांच्या खिडक्यांच्या काचा फुटल्या. जखमींमध्ये नागरिकांचाही समावेश असल्याचे वृत्त आहे. काही गंभीर जखमींना उपचारासाठी ला पाझमधील रुग्णालयांमध्ये हलवण्यात आले आहे. एका लहान मुलीला गंभीर भाजल्याची माहितीही समोर आली आहे. स्फोटानंतर अग्निशमन दल, पोलीस, लष्करी पथके आणि वैद्यकीय पथकांनी घटनास्थळी धाव घेतली. परिसर सुरक्षित करण्यात आला असून बचावकार्य सुरू आहे. (Bolivia Military Base Explosion)
दरम्यान, सुरुवातीच्या अहवालांमध्ये मृतांची संख्या अधिक असल्याचे सांगण्यात आले होते. मात्र, संरक्षण मंत्रालयाच्या माहितीनुसार किमान दोन मृत्यू आणि १४ जण बेपत्ता असल्याचे वृत्त आहे. बचावकार्य आणि तपास सुरू असल्याने मृतांचा आणि बेपत्ता व्यक्तींचा आकडा बदलण्याची शक्यता आहे. घटनास्थळी अजूनही उष्णतेचा स्रोत असल्याने पुन्हा स्फोट होण्याचा धोका असल्याचा इशारा अग्निशमन दलाने दिला आहे. त्यामुळे परिसरात सुरक्षा व्यवस्था वाढवण्यात आली असून नागरिकांना घटनास्थळापासून दूर राहण्याचे आवाहन करण्यात आले आहे. अजूनही या दुर्घटनेमागचे नेमके कारण शोधण्यासाठी तपास सुरू आहे. (Bolivia Military Base Explosion)