Mirzapur The Movie : ‘मिर्झापूर: द मुव्ही’चा बॉक्स ऑफिसवर धुमाकूळ; अवघ्या दोन दिवसांत ६० कोटींचा टप्पा पार

मुंबई : लोकप्रिय वेब सीरिज ‘मिर्झापूर’च्या चाहत्यांमध्ये मोठी उत्सुकता निर्माण करणाऱ्या ‘मिर्झापूर: द मुव्ही’ने बॉक्स ऑफिसवर दमदार सुरुवात केली आहे. पंकज त्रिपाठी, अली फजल, दिव्येंदू शर्मा आणि रवि किशन यांच्या प्रमुख भूमिका असलेल्या या चित्रपटाने प्रदर्शनाच्या अवघ्या दोन दिवसांत भारतात ६० कोटी रुपयांचा नेट कलेक्शनचा टप्पा पार केला आहे. उपलब्ध ट्रेड रिपोर्ट्सनुसार, दोन दिवसांची भारतातील नेट कमाई सुमारे ₹६०.३५ कोटी आहे. (Mirzapur The Movie)

हा चित्रपट ४ सप्टेंबर रोजी थिएटरमध्ये प्रदर्शित झाला. पहिल्या दिवशी चित्रपटाने भारतात सुमारे ₹२५ कोटींची नेट कमाई केली. दुसऱ्या दिवशी, म्हणजेच शनिवारी, कमाईत चांगली वाढ झाली आणि चित्रपटाने सुमारे ₹३२.५ कोटी कमावले. त्यामुळे दोन दिवसांत चित्रपटाची भारतातील नेट कमाई ६० कोटींच्या पुढे गेली. (Mirzapur The Movie)

Suraj Chavan : कृष्णाच्या जन्मदिनी सूरजच्या घरी ‘राधा’ जन्मली; बाबा होणं ही भावना शब्दात व्यक्त करता येत नाही...

मुंबई : बिग बॉस मराठीचा विजेता सूरज चव्हाण आणि त्याची पत्नी संजना चव्हाण यांच्या घरी चिमुकल्या पाहुणीचं आगमन झालं आहे. जन्माष्टमीच्या शुभदिनी ...

जगभरातही दमदार कमाई

‘मिर्झापूर: द मुव्ही’ची जगभरातील कमाईही वेगाने वाढत आहे. उपलब्ध आकडेवारीनुसार, दोन दिवसांत चित्रपटाने जवळपास ₹८० कोटींचा worldwide gross गाठला आहे. यामुळे चित्रपटाच्या बॉक्स ऑफिस कामगिरीने चांगलीच गती पकडल्याचे दिसत आहे. (Mirzapur The Movie)

या चित्रपटाचे दिग्दर्शन गुरमीत सिंह यांनी केले असून, ‘मिर्झापूर’ या लोकप्रिय वेब सिरीजला आता मोठ्या पडद्यावर प्रदर्शित करण्यात आले आहे. पंकज त्रिपाठी, अली फजल आणि दिव्येंदूसह अनेक कलाकार चित्रपटात दिसत आहेत. चित्रपटाला मिळालेला प्रतिसाद पाहता त्याची बॉक्स ऑफिसवरील कमाई आणखी वाढण्याची शक्यता आहे. दरम्यान, दोन दिवसांत ६० कोटींचा टप्पा पार केल्यामुळे ‘मिर्झापूर: द मुव्ही’च्या पुढील दिवसांच्या कमाईकडे आता सर्वांचे लक्ष लागले आहे. (Mirzapur The Movie)