मुंबई : जागतिक बाजारातील घडामोडी आणि पुरवठा साखळीतील बदलांचा परिणाम देशातील गॅस वितरण आणि दरांवर होत असतो. ग्राहकांच्या गरजा तसेच बाजारातील परिस्थितीचा विचार करत सरकारने याबाबत महत्त्वाचा निर्णय घेतला आहे.
आता ग्रामीण भागातील ग्राहकांनाही अवघ्या २५ दिवसांच्या अंतराने घरगुती LPG सिलेंडरचे रिफिल बुक करता येणार आहे. केंद्र सरकारने ग्रामीण भागातील ग्राहकांसाठी लागू असलेली ४५ दिवसांची बुकिंगची अट हटवली आहे. त्यामुळे आता ग्रामीण आणि शहरी भागातील सिलेंडर बुकिंगसाठी २५ दिवसांचे अंतर समान राहणार आहे.
केंद्रीय पेट्रोलियम राज्यमंत्री सुरेश गोपी यांनी सोमवारी याबाबत माहिती देताना सांगितले की, हा बदल तातडीने लागू करण्याचे निर्देश देशातील सर्व ऑइल मार्केटिंग कंपन्यांना देण्यात आले आहेत.
Dhule Crime : धुळ्यात महावितरणच्या अधिकाऱ्यांवर होणाऱ्या हल्ल्यांच्या घटनांमध्ये आणखी एका घटनेची भर पडली आहे. शहरातील जिनगर गल्ली परिसरात शासकीय कर्तव्य ...
इराण युद्धादरम्यान निर्बंध लागू करण्यात आले
अमेरिका आणि इराण यांच्यातील युद्धादरम्यान LPG पुरवठ्यावर दबाव निर्माण झाला होता. त्यामुळे ९ मार्च २०२६ रोजी शहरी भागात रिफिल बुकिंगमधील अंतर २५ दिवस, तर १२ मार्च रोजी ग्रामीण भागात हे अंतर ४५ दिवस करण्यात आले होते.
LPG पुरवठ्याची स्थिती सुधारल्यानंतर निर्णय
सध्या LPG पुरवठ्याच्या स्थितीत सुधारणा झाली आहे आणि प्रलंबित बुकिंगची संख्याही कमी झाली आहे. त्यामुळे केंद्र सरकारने ग्रामीण भागातील ग्राहकांवर लागू असलेले हे निर्बंध हटवण्याचा निर्णय घेतला आहे.
- राष्ट्रवादीची मागणी; मुख्यमंत्र्यांना पत्र पाठवत पोलीस प्रशासनाच्या भूमिकेवर उपस्थित केले सवाल मुंबई : दहीहंडी उत्सवाच्या निमित्ताने मुंबई, ठाणे ...
कमर्शियल गॅस सिलेंडर ११.५० रुपयांनी महाग
दरम्यान १ सप्टेंबर रोजी तेल कंपन्यांनी कमर्शियल LPG सिलेंडरच्या किमतीत ११.५० रुपयांची वाढ केली आहे. याशिवाय ५ किलो वजनाचा छोटा सिलेंडरही २ रुपयांनी महाग झाला असून, त्याची किंमत आता ७६४ रुपये झाली आहे.
हॉटेल आणि रेस्टॉरंटवर परिणाम
कमर्शियल सिलेंडर महाग झाल्यामुळे रेस्टॉरंट आणि ढाबा चालवणाऱ्यांचा खर्च काही प्रमाणात वाढणार आहे. त्यामुळे ते चहा, समोसा आणि नाश्त्याच्या किमती वाढवू शकतात. केटरिंग व्यवसाय करणाऱ्यांचाही खर्च वाढणार आहे. त्यामुळे लग्न-विवाह किंवा इतर कार्यक्रमांमधील खाद्यपदार्थांची केटरिंग सेवा आधीच्या तुलनेत थोडी महाग होऊ शकते.
