बंगळुरू : बंगळुरू शहरात (Bengluru News) अन्न आणि औषध प्रशासनाने ऑनलाईन डिलिव्हरी प्लॅटफॉर्म्स (Online Delivery Platfort) आणि त्यांच्या गोदामांवर (डार्क स्टोअर्स) एक मोठी धाड टाकली आहे. या कारवाईदरम्यान मुदत संपलेले (एक्सपायर झालेले) आणि नियमांनुसार लेबल नसलेले तब्बल १.३८ कोटी रुपयांचे खाद्यपदार्थ जप्त करण्यात आले आहेत. यासोबतच कोणतीही परवानगी किंवा परवाना नसताना साठवून ठेवलेली सुमारे ४ लाख रुपयांची औषधेही अधिकाऱ्यांनी ताब्यात घेतली आहेत.
आरोग्यमंत्र्यांच्या आदेशानंतर कारवाईचा बडगा (Online Delivery Platfort)
कर्नाटकचे आरोग्यमंत्री यू. टी. खादर यांच्या निर्देशानुसार 'अन्न सुरक्षा आणि औषध प्रशासन' विभागाने ही विशेष मोहीम राबवली. अन्न सुरक्षा कायदा २००६ आणि औषध व प्रसाधने कायदा १९४० अंतर्गत ही तपासणी करण्यात आली. ऑनलाईन अॅप्सद्वारे विकल्या जाणाऱ्या वस्तूंवर उत्पादनाची तारीख, एक्सपायरी डेट आणि शेल्फ लाईफ या गोष्टी स्पष्टपणे लिहिल्या आहेत की नाही, हे अधिकाऱ्यांनी तपासले. तसेच औषधांची विक्री करण्यासाठी लागणारा अधिकृत परवाना या कंपन्यांकडे आहे का, याचीही पडताळणी करण्यात आली.
ॲमेझॉनच्या गोदामांमध्ये नियमांचे उल्लंघन
ग्राहकांची फसवणूक करणाऱ्या दुकानांवर धाडी
मुंबई : परिशिष्ट-२ नंतर अपात्र ठरलेल्या झोपडीचे हस्तांतरण झाल्यामुळे अभय योजनेच्या लाभापासून वंचित राहिलेल्या झोपडीधारकांना दिलासा देण्यासाठी ...
एचबीआर लेआउट येथील 'सप्ता बाजार' या दुकानाबद्दल प्रशासनाला तक्रारी मिळाल्या होत्या. हे दुकान ऑनलाईन कंपन्यांकडून माल खरेदी करून ग्राहकांना मुदत संपलेले अन्न विकत होते. तिथे छापा मारून काजू बिस्किटे, नाचणीचे पीठ, पनीर, चिकन पॅटीज, सुकामेवा आणि अंडी असा १०,००० रुपयांचा खराब माल जप्त करण्यात आला. त्याचप्रमाणे लिंगराजपुरम येथील 'लियो ७ एंटरप्रायझेस' या दुकानातून एक्सपायर झालेले पौष्टिक पदार्थ, पेये, चॉकलेट्स, तूप आणि मिठाई असा तब्बल ५६ लाख रुपयांचा साठा जप्त करण्यात आला. गैरप्रकार आढळल्याने हे दुकान प्रशासनाने तात्काळ सील केले आहे.
अस्वच्छतेमुळे इन्स्टामार्टचे केंद्र बंद (Online Delivery Platfort)
बंगळुरू ग्रामीण भागातील होसकोटे येथील स्विगी 'इन्स्टामार्ट'च्या गोदामावर मारलेल्या छाप्यात ४२ लाख रुपयांचे मुदत संपलेले अन्नपदार्थ जप्त करण्यात आले. हे गोदाम अत्यंत अस्वच्छ स्थितीत चालवले जात होते आणि तिथे अन्न सुरक्षेच्या नियमांचे गंभीर उल्लंघन होत होते. त्यामुळे प्रशासनाने हे केंद्र तत्काळ बंद करण्याचे आदेश दिले आहेत.
कारवाईचा एकूण ताळेबंद
चुकीचे लेबल असलेले अन्नपदार्थ : ₹३३ लाख
मुदत संपलेले अन्नपदार्थ : ₹१.०५ कोटी
एकूण जप्त अन्नपदार्थ : ₹१.३८ कोटी
विनापरवाना औषधे : ₹४.०२ लाख
इन्स्टामार्टच्या केंद्रात अजूनही तपासणी सुरू असून, तेथील सुमारे १ कोटी रुपयांच्या इतर संशयास्पद मालाची चौकशी केली जात आहे.
पंचतारांकित हॉटेल्सही प्रशासनाच्या रडारवर
ऑनलाईन स्टोअर्सवर कारवाई करण्यापूर्वी अन्न सुरक्षा विभागाने बंगळुरूमधील २६ तीन-स्टार आणि पाच-स्टार हॉटेल्सचीही तपासणी केली होती. तिथे अस्वच्छ साठवणूक, भाज्यांवर आलेली बुरशी, कुजलेले मांसाहारी पदार्थ (चिकन, मटण, मासे) आणि मुदत संपलेले बेकरी पदार्थ आढळल्याने ते जप्त करण्यात आले होते.