मुंबई : ‘झापूक झुपूक’ आणि ‘बिग बॉस मराठी’मुळे घराघरात पोहोचलेला रीलस्टार सूरज चव्हाणच्या आयुष्यात आनंदाचा क्षण आला आहे. सूरज आणि त्याची पत्नी संजना चव्हाण यांच्या घरी चिमुकल्या लेकीचे आगमन झाले आहे. जन्माष्टमीच्या मुहूर्तावर सूरज बाबा झाला असून ही बातमी समोर येताच त्याच्या चाहत्यांनी सोशल मीडियावर शुभेच्छांचा वर्षाव केला. (Suraj Chavan)
लग्नानंतर सुमारे 9 महिन्यांनी सूरज आणि संजना आई-बाबा झाले आहेत. लेकीच्या जन्मानंतर सूरजचा आनंद गगनात मावेनासा झाला आहे. रुग्णालयातील सूरजचा एक व्हिडीओ सोशल मीडियावर समोर आला असून त्यामध्ये तो आपल्या पत्नी आणि नवजात बाळाला भेटण्यासाठी रुग्णालयात पोहोचताना दिसत आहे. बाळाला पाहण्यासाठी रुग्णालयातील कर्मचारी आणि चाहत्यांचीही गर्दी झाल्याचे या व्हिडीओत दिसते. (Viral news)
पुणे : पुण्यात परवानगी न घेता दहीहंडीचा कार्यक्रम आयोजित केल्याप्रकरणी बिबवेवाडी पोलिसांनी प्रसिद्ध नृत्यांगणा राधा पाटीलसह तिघांविरोधात गुन्हा ...
सोशल मीडियावर आत्याबाईच्या चर्चा
दरम्यान, सूरजच्या लेकीला भेटण्यासाठी अभिनेत्री जान्हवी किल्लेकरही रुग्णालयात पोहोचली. सूरजच्या लग्नापासून त्याच्या कुटुंबातील अनेक महत्त्वाच्या प्रसंगांमध्ये जान्हवी सहभागी झाली आहे. त्यामुळे बाळाच्या जन्मानंतरच्या सुरुवातीच्या व्हिडीओमध्ये ती दिसली नसल्याने काही चाहत्यांनी सोशल मीडियावर ‘आत्याबाई कुठे?’ असा सवाल केला होता. (Jajahnavi Killekar)
यानंतर जान्हवीने वेळ काढून रुग्णालयात जाऊन सूरज आणि संजनाच्या बाळाची भेट घेतली. या खास क्षणाचा व्हिडीओ तिने सोशल मीडियावर शेअर केला आहे. व्हिडीओमध्ये जान्हवी रुग्णालयात पोहोचते आणि संजनाला भेटल्यानंतर तिला मिठी मारताना दिसते. त्यानंतर ती नवजात बाळाला हातात घेते आणि काही क्षण प्रेमाने त्याच्याकडे पाहत राहते. ( Suraj Chavan Baby)
बाळाला हातात घेताच जान्हवी भावूक
या वेळी जान्हवी भावूक झाल्याचेही दिसून आले. तिच्या डोळ्यांत आनंदाश्रू तरळल्याचे व्हिडीओमध्ये पाहायला मिळते. बाळाच्या जन्माचा आनंद व्यक्त करत जान्हवीने रुग्णालयात बर्फीही वाटली. तिच्या या व्हिडीओवर सूरजच्या चाहत्यांकडून मोठ्या प्रमाणात प्रतिक्रिया येत आहेत. सध्या सूरज आणि संजनावर शुभेच्छांचा वर्षाव होत आहे. ( Entertainment News)