नवी दिल्ली : येत्या आशियाई क्रीडा स्पर्धा २०२६ साठी भारतीय महिला क्रिकेट संघात महत्त्वपूर्ण बदल करण्यात आला आहे. संघाची प्रमुख फलंदाज जेमिमा रॉड्रिग्ज हॅमस्ट्रिंगच्या दुखापतीमुळे स्पर्धेतून बाहेर पडली असून, तिच्या जागी युवा फलंदाज प्रतिका रावलचा भारतीय संघात समावेश करण्यात आला आहे.(Asian Games 2026)
छत्रपती संभाजीनगर : मराठवाड्यात कुणबी, मराठा-कुणबी आणि कुणबी-मराठा जात प्रमाणपत्र वाटपाच्या प्रक्रियेला मोठी गती मिळाली आहे. शिंदे समितीच्या ...
जेमिमा रॉड्रिग्ज दुखापतीमुळे बाहेर
जेमिमा रॉड्रिग्ज मागील काही काळापासून हॅमस्ट्रिंगच्या दुखापतीशी झुंजत आहे. ऑगस्ट महिन्यात 'द हंड्रेड लीग' स्पर्धेत 'सदर्न ब्रेव्ह' संघाकडून खेळताना तिला ही दुखापत झाली होती, तेव्हापासून ती क्रिकेटच्या मैदानाबाहेर आहे. अलीकडेच पार पडलेल्या २०२६ च्या महिला आशिया कपच्या संघातूनही जेमिमाला वगळण्यात आले होते, त्या वेळीही तिच्या जागेवर प्रतिका रावलला संधी देण्यात आली होती.
प्रतिका रावलची आंतरराष्ट्रीय कारकीर्द
या सप्टेंबरमध्ये प्रतिका इंग्लंडमध्ये वॉरविकशायर महिला संघाकडून एकदिवसीय चषक स्पर्धेत खेळणार होती, परंतु भारतीय संघात बोलावणे आल्यामुळे तिला तो करार रद्द करावा लागला.(Asian Games 2026)
जालना : मराठा समाजाच्या आरक्षणासंदर्भात आणि कुणबी जात प्रमाणपत्र वितरणाबाबत जालना जिल्ह्यात प्रशासनाकडून वेगाने कार्यवाही ...
दुखापती आणि पुनरागमनाचा प्रवास
प्रतिकासाठी गतकालावधीत दुखापतींचे सत्र पाहायला मिळाले आहे. २०२४ पासून ती एकही टी-२० सामना खेळली नव्हती. २०२५ च्या महिला एकदिवसीय विश्वचषक स्पर्धेत ती दुखापतग्रस्त झाली होती, ज्यामुळे तिला महिला प्रीमियर लीग (WPL) मुकली. असे असले तरी, डब्ल्यूपीएलच्या लिलावात तिच्यावरील विश्वास दाखवत 'यूपी वॉरियर्स' संघाने तिला ५० लाख रुपयांच्या घसघशीत बोली लावून विकत घेतले होते. मात्र, दुखापतीमुळे ती या स्पर्धेतही सहभागी होऊ शकली नव्हती. आता आशियाई क्रीडा स्पर्धेच्या निमित्ताने तिची भारतीय संघात पुन्हा एकदा वर्णी लागली असून, तिच्याकडून चांगल्या कामगिरीची अपेक्षा आहे.(Jemimah Rodrigues injury)
