Pune Crime News : शिरूर शहरात शुक्रवारी भल्या पहाटे गोळीबाराच्या घटनेने खळबळ उडालीय. लाटेआळी आंबेडकर नगर परिसरात सकाळी साडेसहा वाजण्याच्या सुमारास अज्ञात हल्लेखोरांनी केलेल्या गोळीबारात एका तरुणाचा जागीच मृत्यू झाला. या घटनेनंतर परिसरात भीतीचे वातावरण निर्माण झाले आहे.
गोळीबाराचा आवाज अन्...
मिळालेल्या प्राथमिक माहितीनुसार, हरी गंगावणे असे मृत तरुणाचे नाव आहे. शुक्रवारी सकाळी साडेसहाच्या सुमारास लाटेआळी परिसरात अचानक गोळीबाराचा आवाज ऐकू आला. आवाज ऐकून स्थानिक नागरिकांनी घटनास्थळी धाव घेतली असता हरी गंगावणे रक्ताच्या थारोळ्यात पडलेला दिसून आला. गोळ्या लागल्याने त्याचा घटनास्थळीच मृत्यू झाला.
Rajpal Yadav Cheque Bounce Case : बॉलिवूड अभिनेता राजपाल यादव यांच्या अडचणी अद्याप कायम आहेत. चेक बाऊन्स आणि कर्जाच्या प्रकरणात सर्वोच्च न्यायालयाने त्यांना तात्पुरता ...
घटनास्थळी फॉरेन्सिक पथकाची पाहणी
घटनेची माहिती मिळताच शिरूर पोलीस ठाण्याचे पथक घटनास्थळी दाखल झाले. घटनेचे गांभीर्य लक्षात घेऊन उपविभागीय पोलीस अधिकारी रवींद्र भोसले, पोलीस निरीक्षक विनोद पाटील तसेच फॉरेन्सिक पथकाने घटनास्थळाची पाहणी केली. पोलिसांना घटनास्थळावरून काही रिकामी काडतुसे आढळून आली असून ती जप्त करण्यात आली आहेत.
हा हल्ला जुन्या वैमनस्यातून झाला आहे का किंवा त्यामागे अन्य काही कारण आहे, याचा तपास पोलीस करत आहेत.दरम्यान, अज्ञात हल्लेखोरांची ओळख पटवून त्यांना ताब्यात घेण्यासाठी पोलिसांची विशेष पथके रवाना करण्यात आली आहेत. या प्रकरणाचा पुढील तपास शिरूर पोलीस (Shirur Police) करत आहेत.