Rajpal Yadav Cheque Bounce Case : बॉलिवूड अभिनेता राजपाल यादव यांच्या अडचणी अद्याप कायम आहेत. चेक बाऊन्स आणि कर्जाच्या प्रकरणात सर्वोच्च न्यायालयाने त्यांना तात्पुरता दिलासा दिला असला, तरी सुनावणीदरम्यान न्यायालयाने त्यांना स्पष्ट शब्दांत सुनावलं आहे. न्यायालयाने 2 कोटी रुपयांचा डिमांड ड्राफ्ट जमा करण्यासाठी राजपाल यादव यांना आणखी दोन आठवड्यांची मुदत दिली आहे.
‘कोर्टात अभिनय करू नका’
सुनावणीदरम्यान न्यायमूर्ती सूर्यकांत यांनी राजपाल यादव यांच्या भूमिकेवर भाष्य केलं. राजपाल यादव हे चित्रपटांमध्ये उत्कृष्ट अभिनेता असले तरी न्यायालयात मात्र अभिनय करण्याची अपेक्षा नाही, अशा शब्दांत न्यायालयाने त्यांना सुनावलं. या प्रकरणाची पुढील सुनावणी 5 ऑक्टोबर रोजी होणार आहे. राजपाल यादव यांच्या मागील न्यायालयीन इतिहासाचा संदर्भ देत, त्यांच्यावर विश्वास कसा ठेवायचा, असा सवालही न्यायालयाने उपस्थित केला. सर्वोच्च न्यायालयाने राजपाल यादव यांना ही शेवटची संधी असल्याचं स्पष्ट केलं आहे. तसेच ते देशाबाहेर जाऊ नयेत यासाठी त्यांचा पासपोर्ट जमा करण्याचे आदेश देण्यात आले आहेत.
मुंबई : ॲपलच्या नव्या iPhone 18 Pro आणि iPhone 18 Pro Max ची विक्री सुरू होण्यापूर्वीच ग्राहकांमध्ये मोठी उत्सुकता पाहायला मिळत आहे. देशातील दिल्ली, मुंबई आणि बंगळुरू ...
नेमकं काय आहे प्रकरण?
हे प्रकरण ‘मुर्ली प्रोजेक्ट्स प्रायव्हेट लिमिटेड’शी संबंधित आहे. मिळालेल्या माहितीनुसार, राजपाल यादव यांनी ‘अता पता लापता’ या चित्रपटाच्या निर्मितीसाठी सुमारे 5 कोटी रुपयांचं कर्ज घेतलं होतं. या चित्रपटातून त्यांनी दिग्दर्शन आणि निर्मिती क्षेत्रातही काम केलं. हे कर्ज ‘मुर्ली प्रोजेक्ट्स प्रायव्हेट लिमिटेड’चे माधव गोपाल अग्रवाल यांच्याकडून घेण्यात आल्याचं सांगितलं जातं. मात्र, चित्रपटाला अपेक्षित यश न मिळाल्याने राजपाल यादव यांना मोठ्या आर्थिक अडचणींचा सामना करावा लागला. कर्जाची परतफेड वेळेत न झाल्याने आणि दिलेले चेक बाऊन्स झाल्याने हे प्रकरण न्यायालयात पोहोचलं. व्याज आणि दंडासह थकीत रक्कम कालांतराने सुमारे 9 कोटी रुपयांपर्यंत पोहोचल्याचं या प्रकरणात सांगण्यात आलं आहे.
उच्च न्यायालयाने सुनावली होती शिक्षा
या प्रकरणात राजपाल यादव यांना यापूर्वी तुरुंगवासही भोगावा लागला होता. त्यांनी कर्जाची रक्कम परत करण्याचं आश्वासन दिलं होतं, मात्र त्यानंतर त्याची पूर्तता न झाल्याने प्रकरण पुढे गेलं. दिल्ली उच्च न्यायालयाने राजपाल यादव यांना दोषी ठरवत प्रत्येक खटल्यासाठी तीन महिन्यांच्या तुरुंगवासाची शिक्षा सुनावली होती. या निर्णयाला राजपाल यादव आणि त्यांच्या पत्नी राधा यादव यांनी सर्वोच्च न्यायालयात आव्हान दिलं आहे. आता सर्वोच्च न्यायालयाच्या पुढील सुनावणीत या प्रकरणात काय निर्णय होतो, याकडे लक्ष लागलं आहे.