नवी मुंबई : गणपती बाप्पाची मूर्ती विसर्जित झाली आणि काही दिवसांनी त्याच मूर्तीचं रूप एखाद्या मुलाच्या अभ्यासाच्या टेबलात बदललं, तर ही कल्पना निश्चितच वेगळी वाटेल. मात्र, नवी मुंबईत POPच्या गणेशमूर्तींच्या पुनर्वापरातून असा अभिनव प्रयोग करण्यात आला आहे. विसर्जनानंतर कचऱ्यात जाणाऱ्या POPच्या मूर्तींचा योग्य पद्धतीने पुनर्वापर करून त्यापासून विद्यार्थ्यांसाठी स्टडी टेबल तयार करण्यात आली आहेत. (Ganpati Idol Recycling)
गणेश विसर्जनानंतर POPच्या मूर्तींचं नेमकं काय होतं, हा प्रश्न पर्यावरण कार्यकर्ते मल्हार कळंबे यांना पडत होता. समुद्र किंवा कृत्रिम तलावातून बाहेर काढलेल्या मूर्ती अखेर कचऱ्यात जात असतील, तर समस्या पूर्णपणे सुटत नाही; केवळ तो कचरा नजरेआड होतो, अशी त्यांची भूमिका आहे.
मुंबई : लाखो भक्तांचे श्रद्धास्थान आणि मुंबईची शान असलेल्या 'लालबागच्या राजा'च्या (lalbuagcha Raja Visarjan 2026) विसर्जन सोहळ्याची उत्सुकता आता शिगेला पोहोचली आहे. ...
यातूनच डॉ. बिनिश देसाई यांच्या तांत्रिक सहकार्याने २०२४ मध्ये दादर चौपाटीवर या प्रयोगाचा पायलट प्रोजेक्ट सुरू करण्यात आला. सुरुवातीच्या टप्प्यात POPपासून टेबल लॅम्प आणि पेन स्टँड यांसारख्या वस्तू तयार करण्यात आल्या. त्यानंतर या उपक्रमाला अधिक व्यापक स्वरूप देत गणेशमूर्तींपासून थेट स्टडी टेबल तयार करण्याचा प्रयोग करण्यात आला. (Ganpati Idol Recycling)
३२०० किलो मूर्तींचं रिसायकलिंग; ७६० स्टडी टेबल तयार
२०२५च्या प्रकल्पात सुमारे ३२०० किलो गणेशमूर्तींचं रिसायकलिंग करण्यात आलं. या पुनर्प्रक्रियेतून तब्बल ७६० स्टडी टेबल तयार करण्यात आल्याची माहिती देण्यात आली आहे. नवी मुंबईतही सुमारे ७०० POP गणेशमूर्तींमधून १५०० किलो पुनर्प्रक्रिया केलेल्या POPचा वापर करून स्टडी टेबल तयार करण्यात आल्याची नोंद आहे.
या प्रक्रियेत विसर्जनानंतर मूर्ती आधी फोडून त्यातील POP वेगळा केला जातो. त्यानंतर त्याची पावडर तयार करून त्यात विशेष ऑर्गेनिक ग्लू मिसळला जातो. हे मिश्रण ठराविक आकाराच्या मोल्डमध्ये भरून सुकवल्यानंतर त्यापासून नवीन उत्पादन तयार केलं जातं. (Ganpati Idol Recycling)
नवी मुंबई: गणपती विसर्जनासाठी पोलीस प्रशासन सज्ज झाले आहे. नवी मुंबई पोलीस आयुक्तालयाच्या हद्दीमध्ये 1044 सार्वजनिक आणि 1,02,369 घरगुती गणपती बाप्पांची ...
बाप्पाच्या मूर्तीपासून शिक्षणाला आधार
या उपक्रमामागे पर्यावरणाबरोबरच एक भावनिक संदेशही आहे. गणपतीला बुद्धी आणि विद्येची देवता मानलं जातं. त्यामुळे बाप्पाच्या मूर्तीपासून तयार झालेल्या वस्तूचा उपयोग एखाद्या मुलाच्या शिक्षणासाठी व्हावा, ही या संकल्पनेमागची भावना आहे. (Ganpati Idol Recycling)
मात्र, हा प्रकल्प POPच्या गणेशमूर्तींना प्रोत्साहन देण्यासाठी नसल्याचं स्पष्ट करण्यात आलं आहे. पर्यावरणपूरक मूर्तींचा वापर वाढवणं हा प्रमुख उद्देश आहे. त्याचवेळी सध्या अस्तित्वात असलेल्या POPच्या मूर्तींचं विसर्जनानंतर योग्य व्यवस्थापन आणि पुनर्वापर करणंही आवश्यक असल्याचं या उपक्रमातून अधोरेखित होतं.
विसर्जनानंतर बाप्पाची गोष्ट संपत नाही; योग्य पुनर्वापरातून ती एखाद्या मुलाच्या शिक्षणाला नवी दिशा देऊ शकते, असा संदेश या अनोख्या प्रयोगातून मिळतो. (Ganpati Idol Recycling)
