मिळालेल्या माहितीनुसार, भिंगार परिसरात गणेश विसर्जन मिरवणूक सुरू असताना अचानक पोलिसांनी काही गणेशभक्तांवर सौम्य लाठीचार्ज केला. या कारवाईचे नेमके कारण अद्याप समोर आलेले नाही. दरम्यान, राष्ट्रवादी काँग्रेस अजित पवार गटाचे आमदार संग्राम जगताप यांनी पोलिसांच्या कारवाईवर प्रश्न उपस्थित केले आहेत. मिरवणुकीदरम्यान पोलिसांनी कोणतेही स्पष्ट कारण नसताना लाठीचार्ज केला, असा आरोप त्यांनी केला आहे.
BMC Ganesh Gaurav Award : अंधेरीतील स्वप्नाक्षय मित्र मंडळ पुन्हा एकदा अव्वल
मुंबई (विशेष प्रतिनिधी) : बृहन्मुंबई महानगरपालिकेच्या वतीने आयोजित ‘श्रीगणेश गौरव पुरस्कार स्पर्धा-२०२६’मध्ये अंधेरी (पश्चिम) येथील स्वप्नाक्षय ...
पोलीस अधीक्षकांची भिंगार विसर्जनावर वक्तव्य
भिंगार येथील गणेश विसर्जन मिरवणुकीतील लाठीचार्ज आणि दीपक वाघस्कर यांच्या मृत्यूचा थेट संबंध नसल्याचे जिल्हा पोलीस अधीक्षक मुम्मका सुदर्शन यांनी सांगितले आहे. मिरवणुकीत ट्रॅक्टरवर नाचणाऱ्या तरुणांना सुरक्षेच्या कारणास्तव खाली उतरवताना पोलिसांकडून परिस्थिती नियंत्रणात आणण्याचा प्रयत्न रात्री 9:05 वाजता झाला. तर वाघस्कर यांची प्रकृती 9:25 ते 10 वाजेदरम्यान बिघडल्याने दोन्ही घटना वेगवेगळ्या असल्याचे पोलिसांचे म्हणणे आहे. वाघस्कर तेथे उपस्थित असल्याचे व्हिडिओत दिसत नसून, उपचारादरम्यान त्यांचा मृत्यू झाला. त्यांच्या डोक्याला गंभीर इजा झाल्याचे डॉक्टरांनी सांगितले असून अंतिम कारण शवविच्छेदन अहवालानंतर स्पष्ट होईल.
गणेशभक्तांकडील गुलालाच्या गोण्या आणि भगवे ध्वज पोलिसांनी हिसकावून घेतल्याचाही आरोप आमदार संग्राम जगताप यांनी केला. या घटनेत दीपक वाघस्कर यांचा मृत्यू झाल्याचा दावा त्यांनी केला आहे. मात्र मृत्यूचे नेमके कारण अद्याप अधिकृतपणे स्पष्ट झालेले नाही.
गुन्हा दाखल होत नाही तोपर्यंत आम्ही...
घटनेनंतर भिंगार परिसरातील गणेश विसर्जन मिरवणुका काही काळ थांबवण्यात आल्या. संबंधित पोलीस अधिकाऱ्यांवर गुन्हे दाखल करून कारवाई होईपर्यंत नगर शहरातील गणेश विसर्जन होऊ देणार नाही, अशी भूमिका आमदार संग्राम जगताप यांनी घेतली आहे. त्यामुळे परिसरात तणावाचे वातावरण असून, विसर्जन मिरवणुकीबाबत पुढील निर्णयाकडे सर्वांचे लक्ष लागले आहे.