मुंबई : 'ॲमेझॉन'ने आर्टिफिशियल इंटेलिजन्स (AI), मशीन लर्निंग (ML) आणि क्लाउड कम्प्युटिंग क्षेत्रातील रिक्त पदांसाठी आपल्या काही माजी कर्मचाऱ्यांशी पुन्हा संपर्क साधण्यास सुरुवात केली आहे. यामध्ये कंपनीतून Layoff झालेल्या काही कर्मचाऱ्यांचाही समावेश असल्याचे बिझनेस इनसाइडरच्या वृत्तात म्हटले आहे. (Amazon Boomerang Hiring)
रिपोर्टनुसार, Amazon Web Services (AWS)चे उपाध्यक्ष स्वामी शिवसुब्रमणियन यांच्या AI एजंट विभागाकडून माजी कर्मचाऱ्यांना तंत्रज्ञान क्षेत्रातील उपलब्ध पदांसाठी ई-मेल पाठवण्यात आले आहेत. एका भरती करणाऱ्या अधिकाऱ्याने या उपक्रमाचा उल्लेख “Swami's Boomerang Reengagement Initiative” असा केल्याचे समोर आले आहे.
याशिवाय, AWSच्या एका फायनान्स रिक्रुटरनेही माजी कर्मचाऱ्याशी संपर्क साधून जलद मुलाखत प्रक्रिया आणि संभाव्य नोकरीच्या ऑफरची माहिती दिल्याचे रिपोर्टमध्ये नमूद करण्यात आले आहे. AI आणि मशीन लर्निंग क्षेत्रात कंपनीत सध्या काही महत्त्वाची कामे सुरू असल्याचे या ई-मेलमध्ये सांगण्यात आले. (Amazon Boomerang Hiring)
prahaar.in/2026/09/24/google-fitbit-air-to-launch-in-india-on-october-2-price-leaked-on-flipkart-ahead-of-launch/
30,000हून अधिक कर्मचाऱ्यांवर परिणाम
ॲमेझॉनमध्ये अलीकडच्या काळात अनेक टप्प्यांत कर्मचारी कपात झाली असून, त्याचा परिणाम 30,000हून अधिक नोकऱ्यांवर झाल्याचे रिपोर्टमध्ये नमूद आहे. मात्र, त्याचवेळी कंपनी AI आणि क्लाउड तंत्रज्ञानाशी संबंधित विशेष कौशल्यांच्या भूमिकांसाठी भरती सुरू ठेवत आहे. (Amazon Boomerang Hiring)
ॲमेझॉनचं स्पष्टीकरण काय?
माजी कर्मचाऱ्यांना पुन्हा नोकरीसाठी संपर्क करणे ही कंपनीची नियमित भरती प्रक्रिया असल्याचे ॲमेझॉनने स्पष्ट केले आहे. कंपनीच्या प्रवक्त्या हेली सिल्वा यांनी सांगितले की, व्यावसायिक गरजेनुसार माजी कर्मचारी, त्यात Layoff झालेल्या कर्मचाऱ्यांचाही समावेश असू शकतो, उपलब्ध पदांसाठी विचारात घेतले जातात.
मुंबई : सणासुदीच्या खरेदीचा हंगाम सुरू होण्यापूर्वीच भारतीय इलेक्ट्रॉनिक्स बाजारावर वाढत्या किमतींचा परिणाम दिसू लागला आहे. ॲमेझॉन इंडियाच्या ...
हा उपक्रम ॲमेझॉनच्या Return-to-Office धोरणामुळे कंपनी सोडलेल्या कर्मचाऱ्यांपुरता मर्यादित नसल्याचेही कंपनीने स्पष्ट केले आहे. दरम्यान, कंपनीच्या ऑफिस उपस्थितीच्या नियमांमध्ये कोणताही बदल झालेला नाही. (Amazon Boomerang Hiring)
या घडामोडींमधून कर्मचारी पुनर्रचना सुरू असतानाही ॲमेझॉनचा AI, मशीन लर्निंग आणि क्लाउड तंत्रज्ञानातील कौशल्यांवर वाढता भर स्पष्ट होत आहे.
