बंगळुरू : कृत्रिम बुद्धिमत्तेच्या मदतीने वाहतूक नियमभंगावर नजर ठेवणाऱ्या कॅमेऱ्याने चक्क गिटारला व्यक्ती समजल्याची घटना बंगळुरूमध्ये समोर आली आहे. या चुकीमुळे दुचाकीस्वाराला ₹500 चं चलान बजावण्यात आलं. या प्रकाराची माहिती सोशल मीडियावर आल्यानंतर ही घटना चर्चेचा विषय ठरली आहे. (Bengaluru AI camera)
मिळालेल्या माहितीनुसार, सौविक दत्ता हे दुचाकीवरून एकटे प्रवास करत होते. त्यांनी हेल्मेट घातले होते आणि पाठीवर गिटार असलेली बॅग घेतली होती. बंगळुरूमधील रस्त्यावरून प्रवास करत असताना AI-आधारित वाहतूक कॅमेऱ्याने त्यांच्या दुचाकीची छायाचित्रे टिपली. (Bengaluru AI camera)
I was riding my wife's two-wheeler alone with my guitar slung on my back in Bangalore. @blrcitytraffic my wife received a traffic challan (notice no. 86202541) for "pillion riding without helmet". So much for AI based traffic violation detection! Pls revoke the challan #AISlop pic.twitter.com/fYCn9OoUNQ
— Souvik Dutta (@souvikonline) September 26, 2026
यानंतर वाहतूक यंत्रणेकडून त्यांच्या वाहनावर चलान जारी करण्यात आलं. चलानातील कारणात मागे बसलेल्या प्रवाशाने हेल्मेट घातले नसल्याचं नमूद करण्यात आलं होतं. मात्र, प्रत्यक्षात दुचाकीवर सौविक यांच्याशिवाय दुसरी कोणतीही व्यक्ती नव्हती. कॅमेऱ्याला मागे दिसणारी वस्तू ही त्यांची गिटार होती.
चलानाची माहिती मिळाल्यानंतर सौविक यांनी संबंधित छायाचित्र पाहिलं आणि AI प्रणालीकडून झालेली ही चूक त्यांच्या लक्षात आली. त्यांनी सोशल मीडियाच्या माध्यमातून ही बाब बंगळुरू वाहतूक पोलिसांच्या निदर्शनास आणून दिली. (Bengaluru AI camera)
मुंबई : मुंबईतील (Mumbai) राम मंदिर परिसरात सार्वजनिक शौचालयात रासायनिक वायूसारखा वास पसरल्याने दोन जणांचा मृत्यू झाल्याची धक्कादायक घटना समोर आली आहे. ही ...
या प्रकरणानंतर AI-आधारित वाहतूक व्यवस्थेतील मानवी पडताळणीची गरज पुन्हा चर्चेत आली आहे. स्वयंचलित प्रणाली मोठ्या प्रमाणावर वाहतूक नियमभंग शोधू शकतात; मात्र एखाद्या वस्तूची चुकीची ओळख झाल्यास त्याचा थेट परिणाम वाहनमालकावर होऊ शकतो.
बंगळुरू वाहतूक पोलिसांनी या तक्रारीची दखल घेत प्रकरण तपासण्याचं सांगितलं असून, AI प्रणालीकडून झालेली चूक निश्चित झाल्यास चलान रद्द करण्याची प्रक्रिया केली जाईल, अशी माहिती समोर आली आहे. (Bengaluru AI camera)
ही घटना AI तंत्रज्ञान कितीही प्रगत असलं तरी महत्त्वाच्या कारवाईपूर्वी अचूक पडताळणी किती आवश्यक आहे, हे दाखवून देते. (Bengaluru AI camera)
