छत्रपती संभाजी नगर येथून मन सुन्न करणारी आणि तितकीच संतापजनक घटना समोर आली आहे. गर्भवती महिलेवर उपचार करण्यास उशीर झाल्याने महिलेचा आणि तिच्या पोटातील अभ्रकाचा मृत्यू झाला. छत्रपती संभाजीनगर येथील पैठण तालुक्यातील विहामांडवा येथे ही घटना घडली. स्वाती उर्फ समीक्षा विशाल निंबाळकर असं या मृत महिलेचं नाव असून सासरच्या मंडळींनी उपचारात अढमुठेपणा केल्याने तिला स्वतःचा आणि हे जग सुद्धा न बघितलेल्या आपल्या बाळाचा जीव गमवावा लागला.
६ सप्टेंबर रोजी नऊ महिन्यांची गर्भवती असलेल्या समीक्षाची प्रकृती खालावली. यामुळे तिला रुग्णालयात दाखल करण्यात आले. यादरम्यान तिची शारीरिक स्थिती चांगली नसल्याचे डॉक्टरांनी सांगितले. पोटातील पाण्याचे प्रमाण कमी झाल्याने तसेच बाळाची नाळ ही बाळाच्या गळ्याभोवती आवळली गेल्याने डॉक्टरांनी सीझर डिलेव्हरी करण्याचा सल्ला दिला. परंतु समीक्षाच्या सासरच्यांनी प्रसूतीसाठी लागणारा खर्च करण्यास नकार दिला. समीक्षासाठी तिचं माहेर धावून आलं. परंतु माहरेची माणसं खर्च करण्यास तयार असूनदेखील समीक्षाच्या सासू सासऱ्यांनी तिला रुग्णालयात दाखल होऊ दिले नाही. अधिक संतापजनक बाब म्हणजे, समीक्षाचा नवरा म्हणजेच विशालदेखील समीक्षाच्या बाजूने उभा राहिला नाही.
भारताचा स्टार लेग-स्पिनर युझवेंद्र चहल याने प्रथम श्रेणी (रेड-बॉल) क्रिकेटमधून निवृत्तीची घोषणा केली आहे. भारतासाठी कसोटी सामना खेळण्याचे आणि 'टेस्ट ...
समीक्षाची तब्येत अधिकच बिघडत चालल्याने अखेर तिला २५ सप्टेंबर रोजी रुग्णालयात दाखल करण्यात आले. परंतु, तपस सुरु होण्यापूर्वीच डॉक्टरांनी तिला मृत घोषित केले. सासरच्यांचा अढमुठेपणामुळे समीक्षाचा नाहक बळी गेला. या घटनेने संपूर्ण परिसरात शोक व्यक्त केला जात आहे. याप्रकरणी समीक्षाचा पती विशाल निंबाळकर, सासरे अनिल निंबाळकर, सासू शारदा आणि नणंद ऐश्वर्या निंबाळकर यांच्यावर पाचोड पोलीस ठाण्यात गुन्हा दाखल करण्यात आला असून पोलिसांकडून या प्रकरणी अधिक तपास सुरु आहे. या प्रकरणामुळे निंबाळकर कुटुंबाचा निर्दयीपणा उघड झाला आहे. याआधी समीक्षाला सासरकडून मानसिक किंवा शारीरिक त्रास होतो आहे का? याची चौकशी पोलिस करणार आहेत.
