दादासाहेब फाळके चित्रनगरीचा आणखीन विस्तार होणार, सांस्कृतिक कार्य विभागाला जमीन देण्यास शासनाची मान्यता

फिल्म सिटीचा आता आणखीन विस्तार होणार आहे. दादासाहेब फाळके चित्रनगरीचा आणखीन विस्तार करण्यासाठी जमीन देण्यासाठी शासनाने मान्यता दिली आहे.

मुंबई: फिल्म सिटीचा आता आणखीन विस्तार होणार आहे. दादासाहेब फाळके चित्रनगरीचा आणखीन विस्तार करण्यासाठी सांस्कृतिक कार्य विभागाला जमीन देण्यासाठी शासनाने मान्यता दिली आहे. सध्या गोरेगावमध्ये दादासाहेब फाळके चित्रनगरी आहे. पण आता मानखुर्दमध्येही 14 एकर जमिनीवर फिल्म सिटी उभारली जाणार आहे. या ठिकाणी बाह्य चित्रकरणासाठीची जागा तयार केली जाणार आहे. त्यामुळे ठाणे, मुंबई आणि पनवेल परिसरामध्ये राहणाऱ्या सेलिब्रिटींच्या दृष्टीने दुसरी फिल्म सिटी सोयीस्कर होईल.






मौजे मानखुर्द, ता. कुर्ला येथील सर्व्हे क्रमांक 138 पैकी तसेच लगतच्या मिळकतीतील अंदाजे 14 एकर म्हणजेच सुमारे 56 हजार 666 चौ.मी. जमीन सांस्कृतिक कार्य विभागाला बाह्य चित्रिकरणासाठी उपलब्ध करून देण्यात आली आहे. जमीन महाराष्ट्र जमीन महसूल जमीन संहिता, 1966 मधील कलम 40 नुसार प्राप्त अधिकारात महसूल मुक्त आणि भोगाधिकार मूल्यरहित किंमतीने देण्यासाठी शासनाने मान्यता दिली आहे. बाह्य चित्रिकरणासाठी सांस्कृतिक कार्य विभागाला जमीन देण्यासाठी आज शासनाने मान्यता दिली आहे. राज्य शासनाच्या वतीने सेलिब्रिटींकरिता अनेक उपाययोजना आखल्या जात आहेत.






“महाराष्ट्राच्या चित्रपटसृष्टीला आवश्यक पायाभूत सुविधा उपलब्ध करून देण्यासाठी शासन कटिबद्ध आहे. दादासाहेब फाळके यांच्या नावाने असलेल्या चित्रनगरीच्या विकासासाठी बाह्य चित्रिकरणासाठी आवश्यक जमीन उपलब्ध करून देताना शासनाने सार्वजनिक हित आणि जमिनीचा नियोजनबद्ध वापर यांचा समतोल साधला आहे.”, अशी प्रतिक्रिया महसूल मंत्री चंद्रशेखर बावनकुळे यांनी दिली आहे. दरम्यान, बाह्य चित्रिकरणासाठी सांस्कृतिक कार्य विभागाला जमीन देण्यास शासनाची मान्यता मिळाल्यानंतर महसुल मंत्री चंद्रशेखर बावनकुळे यांनी मुख्यमंत्री देवेंद्र फडणवीसांचे आभार सुद्धा मानले आहेत. मुख्यमंत्री देवेंद्र फडणवीस यांच्या सूचनेनुसार घेतलेल्या या निर्णयामुळे महाराष्ट्रातील चित्रपट, रंगभूमी आणि सांस्कृतिक क्षेत्राला निश्चितच चालना मिळणार असल्याची प्रतिक्रिया सुद्धा बावनकुळे यांनी दिली आहे.





Comments
Add Comment

अ‍ॅमस्टरडॅमच्या महापौरांनी घेतली मुंबईच्या महापौर रितू तावडे यांची भेट

मुंबई ( विशेष प्रतिनिधी) : मुंबईच्या महापौर रितू तावडे यांची अ‍ॅमस्टरडॅम नगरीच्‍या महापौर फेम्के हलसेमा यांनी आज,

भांडुप संकुलातील नवीन जलशुद्धीकरण प्रकल्प कामाला गती; अतिरिक्त आयुक्त अभिजीत बांगर यांचे निर्देश

मुंबई (विशेष प्रतिनिधी) : मुंबईची दीर्घकालीन जलसुरक्षा सुनिश्चित करण्याच्या दृष्टीने भांडुप नवीन जलशुद्धीकरण

Andheri Kurla Road : अंधेरी-कुर्ला मार्गावरील वाहतूक कोंडी कमी होणार, तब्बल १३.४० मीटर रुंदीच्या रस्त्यावरील अडथळे दूर करणार

मुंबई (विशेष प्रतिनिधी) रस्त्यांवरील वाहतुकीचे अडथळे दूर करून वाहतूक अधिक सुरळीत करण्याच्या दृष्टीने मुंबई

Mumbai Tunnel Project : मुंबईच्या वाहतूक कोंडीवर ‘पाताळ लोक’चा उतारा!

मुंबई : मुंबईतील पूर्व आणि पश्चिम उपनगरांमधील प्रवास अधिक वेगवान करण्यासाठी आता जमिनीखालून रस्त्यांचे जाळे

Mumbai Railway News: मध्य रेल्वेचा कसारा मार्गावर मध्यरात्री विशेष ब्लॉक; लोकलसह मेल-एक्सप्रेस गाड्यांच्या वेळापत्रकात बदल

मुंबई : मध्य रेल्वेने कसारा येथे 21 आणि 22 नोव्हेंबरच्या मध्यरात्री विशेष ट्रॅफिक आणि पॉवर ब्लॉक घेण्याचा निर्णय

Dadar Metro Station : दादर मेट्रो स्थानकाचे नाव ‘चैत्यभूमी’ होणार, रेल्वे स्थानकाचे नामकरण नाही; प्रसिद्धीपत्रकातील गोंधळामुळे संभ्रम

मुंबई : दादर रेल्वे स्थानकाचे नाव बदलून ‘चैत्यभूमी’ करण्यात येणार असल्याच्या चर्चेमुळे निर्माण झालेला संभ्रम