दैनिक प्रहारच्या ‘किलबिल चित्रकला’ स्पर्धेला उदंड प्रतिसाद, 850 बाल चित्रकारांचा सहभाग

दैनिक प्रहारचे संस्थापक, माजी मुख्यमंत्री व माजी केंद्रीय मंत्री खासदार नारायणराव राणे यांच्या अमृत महोत्सवी वाढदिवसानिमित्त आयोजित करण्यात आलेल्या भव्य आंतरशालेय चित्रकला स्पर्धेला विद्यार्थ्यांचा उत्स्फूर्त प्रतिसाद मिळाला.

मुंबई: दैनिक प्रहारचे संस्थापक, माजी मुख्यमंत्री व माजी केंद्रीय मंत्री खासदार नारायणराव राणे यांच्या अमृत महोत्सवी वाढदिवसानिमित्त आयोजित करण्यात आलेल्या ‘किलबिल चित्रकला - 2026’ या भव्य आंतरशालेय चित्रकला स्पर्धेला विद्यार्थ्यांचा उत्स्फूर्त प्रतिसाद मिळाला. दैनिक प्रहार आणि शारदाश्रम विद्यालय यांच्या विद्यमाने आयोजित या स्पर्धेत विविध गटांतील तब्बल 850 विद्यार्थ्यांनी सहभाग नोंदवला.






‘रंगवा रंगाची दुनिया’, ‘कल्पनांना रंग द्या... प्रतिभेला वाव द्या...’ या संकल्पनेवर आधारित ही चित्रकला स्पर्धा रविवारी शारदाश्रम विद्यालय, दादर (पश्चिम) येथे सकाळी 9 ते दुपारी 12 या वेळेत पार पडली. इयत्ता पहिली ते चौथी, पाचवी ते सातवी आणि आठवी ते दहावी अशा तीन गटांत ही स्पर्धा घेण्यात आली. विद्यार्थ्यांनी आपल्या कल्पनाशक्तीला रंगांची जोड देत विविध विषयांवरील चित्रे साकारली.

पहिल्या गटात इयत्ता पहिली ते चौथीच्या विद्यार्थ्यांसाठी प्रथम क्रमांकाच्या विजेत्यास सायकल, द्वितीय क्रमांकास व्हिडीओ गेम, तर तृतीय क्रमांकाच्या विजेत्यास स्टडी टेबल देण्यात येणार आहे. तसेच पाच विद्यार्थ्यांना उत्तेजनार्थ डिजिटल स्लेटची बक्षिसे देण्यात येणार आहेत. दुसऱ्या गटात इयत्ता पाचवी ते सातवीच्या विद्यार्थ्यांसाठी प्रथम क्रमांकास सायकल, द्वितीय क्रमांकास ट्रॉली बॅग आणि तृतीय क्रमांकास हेडफोन, तर पाच उत्तेजनार्थ विजेत्यांना डी.एम. स्कूल बॅग देण्यात येणार आहेत.






तिसऱ्या गटात इयत्ता आठवी ते दहावीच्या विद्यार्थ्यांसाठी प्रथम क्रमांकाच्या विजेत्यास मोबाईल, द्वितीय क्रमांकास टॅब आणि तृतीय क्रमांकास सायकल देण्यात येणार आहे. या गटातील पाच विद्यार्थ्यांना उत्तेजनार्थ हेडफोनची बक्षिसे देण्यात येणार आहेत. याशिवाय अन्य ३० विद्यार्थ्यांनाही उत्तेजनार्थ बक्षिसे देण्यात येणार आहेत.

या स्पर्धेसाठी नितीन यादव, अविनाश मोकाशी, उदय डावल, अमोल बोचरे, पूजा काळे, रामदास शिर्के आणि दत्तात्रय कांबळे यांनी परीक्षक म्हणून काम पाहिले. शारदाश्रम विद्यालयाच्या मुख्याध्यापिका कांचन खरात, सुनीता गावडे, विकास धात्रक आणि राजेंद्र घाडगे यांचे स्पर्धेच्या आयोजनासाठी विशेष सहकार्य लाभले. शारदाश्रम संस्थेचे सेक्रेटरी गजेंद्र शेट्टी यांचेही विशेष सहकार्य मिळाले. दैनिक प्रहारचे संपादक पद्मभूषण देशपांडे आणि लेखा व प्रशासन विभाग प्रमुख ज्ञानेश सावंत यांची यावेळी विशेष उपस्थिती होती.





रंगल्या कल्पनांना रंग देणाऱ्या कलाकृती


चित्रकला स्पर्धेत सहभागी झालेल्या विद्यार्थ्यांनी आपल्या कल्पनाशक्तीला रंगांची जोड देत एकाहून एक सुंदर कलाकृती साकारल्या. कागदावर उमटलेल्या रंगरेषांतून विद्यार्थ्यांची सर्जनशीलता आणि चित्रकलेची आवड ठळकपणे दिसून आली. तीन गटांत झालेल्या या स्पर्धेत विद्यार्थ्यांनी उत्साहाने सहभाग घेत आपल्या कल्पना चित्रांच्या माध्यमातून मांडल्या. चित्र काढताना आणि त्यात रंग भरताना विद्यार्थ्यांचा उत्साह पाहण्यासारखा होता. विविध रंगांची आकर्षक उधळण, कल्पक मांडणी आणि चित्रांमधून व्यक्त झालेल्या भावना यामुळे स्पर्धेच्या ठिकाणी उत्साहाचे वातावरण निर्माण झाले. या उपक्रमामुळे विद्यार्थ्यांच्या कलागुणांना व्यासपीठ मिळण्याबरोबरच त्यांच्या कल्पनाशक्तीलाही मुक्तपणे व्यक्त होण्याची संधी मिळाली.
Comments
Add Comment

अ‍ॅमस्टरडॅमच्या महापौरांनी घेतली मुंबईच्या महापौर रितू तावडे यांची भेट

मुंबई ( विशेष प्रतिनिधी) : मुंबईच्या महापौर रितू तावडे यांची अ‍ॅमस्टरडॅम नगरीच्‍या महापौर फेम्के हलसेमा यांनी आज,

भांडुप संकुलातील नवीन जलशुद्धीकरण प्रकल्प कामाला गती; अतिरिक्त आयुक्त अभिजीत बांगर यांचे निर्देश

मुंबई (विशेष प्रतिनिधी) : मुंबईची दीर्घकालीन जलसुरक्षा सुनिश्चित करण्याच्या दृष्टीने भांडुप नवीन जलशुद्धीकरण

Andheri Kurla Road : अंधेरी-कुर्ला मार्गावरील वाहतूक कोंडी कमी होणार, तब्बल १३.४० मीटर रुंदीच्या रस्त्यावरील अडथळे दूर करणार

मुंबई (विशेष प्रतिनिधी) रस्त्यांवरील वाहतुकीचे अडथळे दूर करून वाहतूक अधिक सुरळीत करण्याच्या दृष्टीने मुंबई

Mumbai Tunnel Project : मुंबईच्या वाहतूक कोंडीवर ‘पाताळ लोक’चा उतारा!

मुंबई : मुंबईतील पूर्व आणि पश्चिम उपनगरांमधील प्रवास अधिक वेगवान करण्यासाठी आता जमिनीखालून रस्त्यांचे जाळे

Mumbai Railway News: मध्य रेल्वेचा कसारा मार्गावर मध्यरात्री विशेष ब्लॉक; लोकलसह मेल-एक्सप्रेस गाड्यांच्या वेळापत्रकात बदल

मुंबई : मध्य रेल्वेने कसारा येथे 21 आणि 22 नोव्हेंबरच्या मध्यरात्री विशेष ट्रॅफिक आणि पॉवर ब्लॉक घेण्याचा निर्णय

Dadar Metro Station : दादर मेट्रो स्थानकाचे नाव ‘चैत्यभूमी’ होणार, रेल्वे स्थानकाचे नामकरण नाही; प्रसिद्धीपत्रकातील गोंधळामुळे संभ्रम

मुंबई : दादर रेल्वे स्थानकाचे नाव बदलून ‘चैत्यभूमी’ करण्यात येणार असल्याच्या चर्चेमुळे निर्माण झालेला संभ्रम