BMC Air Pollution Control: मुंबईत वायू प्रदूषणाविरोधात बीएमसीची धडक मोहीम; हॉटस्पॉट्सवर विशेष लक्ष

मुंबईतील हवेची गुणवत्ता सुधारण्यासाठी बृहन्मुंबई महानगरपालिकेने ‘वायू प्रदूषण नियंत्रण व अंमलबजावणी कृती आराखडा-२०२६’ तयार केला आहे. या अंतर्गत ३ ऑक्टोबर २०२६ पासून मुंबईतील सर्व प्रभागांत कडक कारवाईची मोहीम सुरु करण्यात आली आहे. महापौर रितू तावडे, उपमहापौर संजय घाडी आणि महापालिका आयुक्त अश्विनी भिडे यांच्या मार्गदर्शनाखाली आणि अतिरिक्त महानगरपालिका आयुक्त अविनाश ढाकणे यांच्या निर्देशाखाली सर्व प्रशासकीय विभागांना या आराखड्याची काटेकोर अंमलबजावणी करण्याचे आदेश देण्यात आले आहेत.


प्रत्येक प्रभागातून किमान १० प्रदूषण हॉटस्पॉट असतील. एक अद्ययावत यादी आणि नकाशा तयार केला जाईल. मोठे बांधकाम आणि पुनर्विकास प्रकल्प, पायाभूत सुविधा प्रकल्प, उघड्यावर कचरा जाळण्याची ठिकाणे, वाहतूक कोंडीची क्षेत्रे यांचा या हॉटस्पॉटमध्ये समावेश केला जाईल. प्रत्येक हॉटस्पॉटसाठी जबाबदार अधिकाऱ्याची नियुक्ती केली जाईल. महापालिकेने आपल्या पथकांना दररोज किमान दोन बांधकाम स्थळांची पाहणी करण्याचे निर्देशही दिले आहेत. बीएमसीने स्पष्ट केले आहे की, बांधकाम आणि पाडकामाच्या ठिकाणांसाठीची विद्यमान २८-मुद्द्यांची मार्गदर्शक तत्त्वे काटेकोरपणे लागू केली जातील; नियमांचे उल्लंघन करणाऱ्यांना कारणे दाखवा नोटीस व काम थांबवण्याची नोटीस बजावली जाईल आणि आवश्यकता भासल्यास संबंधित जागा सील करण्याची कारवाईही केली जाईल.






'पोस्ट-मॉन्सून डीप क्लीनिंग ड्राईव्ह' द्वारे पावसानंतर रस्त्यांवर साचलेला गाळ, चिखल आणि धूळ काढण्यासाठी ऑक्टोबरच्या पहिल्या आणि दुसऱ्या आठवड्यात "मान्सूनोत्तर सखोल स्वच्छता मोहीम" राबवली जाईल. तसेच रस्ते व दुभाजकांची स्वच्छता केली जाईल. MDCTS द्वारे राडारोडा वाहतुकीवर नियंत्रण, उघड्यावर कचरा जाळण्यावर बंदी आणि वाहनांची पीयूसी तपासणी केली जाणार आहे. तसेच, वायू गुणवत्ता निर्देशांक (AQI) २००० पेक्षा जास्त झाल्यास GRAP अंतर्गत सखोल स्वच्छता व फवारणी आणि ३०० पेक्षा जास्त निर्देशांक झाल्यास २ किलोमीटर परिसरातील प्रदूषणकारी कामे बंद करण्याचे निर्देश दिले आहेत.


तसेच बांधकाम स्थळाच्या आकारानुसार, विकासक किंवा कंत्राटदाराने आजूबाजूचे रस्तेदेखील मोकळे ठेवले पाहिजेत. ४००० चौरस मीटर पर्यंतच्या प्रकल्पांसाठी १०० मीटर, ४००० ते १०००० चौरस मीटर दरम्यानच्या प्रकल्पांसाठी २०० मीटर आणि १००० चौरस मीटरपेक्षा जास्त प्रकल्पांसाठी ५०० मीटर मोकळी जागा असेल. बांधकाल आणि पाडकामाचा मलबा वाहून नेणारी वाहने पूर्णपणे झाकणे बंधनकारक असेल. उघड्यावर कचरा जाळणाऱ्या आणि धूर सोडणाऱ्या वाहनांवर कारवाई केली जाईल.

Comments
Add Comment

अ‍ॅमस्टरडॅमच्या महापौरांनी घेतली मुंबईच्या महापौर रितू तावडे यांची भेट

मुंबई ( विशेष प्रतिनिधी) : मुंबईच्या महापौर रितू तावडे यांची अ‍ॅमस्टरडॅम नगरीच्‍या महापौर फेम्के हलसेमा यांनी आज,

भांडुप संकुलातील नवीन जलशुद्धीकरण प्रकल्प कामाला गती; अतिरिक्त आयुक्त अभिजीत बांगर यांचे निर्देश

मुंबई (विशेष प्रतिनिधी) : मुंबईची दीर्घकालीन जलसुरक्षा सुनिश्चित करण्याच्या दृष्टीने भांडुप नवीन जलशुद्धीकरण

Andheri Kurla Road : अंधेरी-कुर्ला मार्गावरील वाहतूक कोंडी कमी होणार, तब्बल १३.४० मीटर रुंदीच्या रस्त्यावरील अडथळे दूर करणार

मुंबई (विशेष प्रतिनिधी) रस्त्यांवरील वाहतुकीचे अडथळे दूर करून वाहतूक अधिक सुरळीत करण्याच्या दृष्टीने मुंबई

Mumbai Tunnel Project : मुंबईच्या वाहतूक कोंडीवर ‘पाताळ लोक’चा उतारा!

मुंबई : मुंबईतील पूर्व आणि पश्चिम उपनगरांमधील प्रवास अधिक वेगवान करण्यासाठी आता जमिनीखालून रस्त्यांचे जाळे

Mumbai Railway News: मध्य रेल्वेचा कसारा मार्गावर मध्यरात्री विशेष ब्लॉक; लोकलसह मेल-एक्सप्रेस गाड्यांच्या वेळापत्रकात बदल

मुंबई : मध्य रेल्वेने कसारा येथे 21 आणि 22 नोव्हेंबरच्या मध्यरात्री विशेष ट्रॅफिक आणि पॉवर ब्लॉक घेण्याचा निर्णय

Dadar Metro Station : दादर मेट्रो स्थानकाचे नाव ‘चैत्यभूमी’ होणार, रेल्वे स्थानकाचे नामकरण नाही; प्रसिद्धीपत्रकातील गोंधळामुळे संभ्रम

मुंबई : दादर रेल्वे स्थानकाचे नाव बदलून ‘चैत्यभूमी’ करण्यात येणार असल्याच्या चर्चेमुळे निर्माण झालेला संभ्रम