Eknath Shinde On Smit Machchhar: उपमुख्यमंत्री एकनाथ शिंदेंकडून कॅप्टन स्मित यांचे कौतुक; म्हणाले...

प्रवाशांचा जीव सुखरूप पद्धतीने वाचवणाऱ्या स्मित मच्छार यांचे जगभरातून कौतुक होत असताना राज्याचे उपमुख्यमंत्री एकनाथ शिंदे यांनी सुद्धा कौतुक केले आहे.

मुंबई: दुबईहून इस्त्राईलकडे जाणाऱ्या 'फ्लाय दुबई' कंपनीच्या विमानामध्ये सह वैमानिकाने कॅप्टन स्मित मच्छार यांच्यावर प्राणघातक हल्ल्याची 30 सप्टेंबरला घटना घडली. चाकु हल्ल्यामध्ये स्मित रक्तरंजित झाले होते. या हल्ल्यामध्ये त्यांनी 174 प्रवाशांचे प्राण वाचवले. कॅप्टन मच्छार यांनी गंभीर जखमी अवस्थेतही प्रसंगावधान राखत कॉकपिटचे दार उघडले. त्यामुळे विमानातील इतरांना हल्लेखोराला रोखता आले आणि विमान सुरक्षितपणे उतरविण्यात यश आले. त्यांच्या या धाडसाचे पंतप्रधान नरेंद्र मोदी यांनीही कौतुक केले.


प्रवाशांचा जीव सुखरूप पद्धतीने वाचवणाऱ्या स्मित मच्छार यांचे जगभरातून कौतुक केले जात आहे. पंतप्रधान नरेंद्र मोदी, मुख्यमंत्री देवेंद्र फडणवीस यांच्यासह केंद्रातील आणि राज्यातील अनेक मंत्र्यांनी स्मित यांच्या कामगिरीचे कौतुक होत आहे. असे असताना आता उपमुख्यमंत्री एकनाथ शिंदे यांनीही कॅप्टन स्मित मच्छार यांचे कौतुक केले आहे.







उपमुख्यमंत्री एकनाथ शिंदे नेमकं काय म्हणाले?


मुंबईत पत्रकारांशी संवाद साधताना उपमुख्यमंत्री एकनाथ शिंदे म्हणाले, “कॅप्टन स्मित मच्छार यांनी 174 नागरिकांचे प्राण वाचविले. ही केवळ एका वैमानिकाच्या शौर्याची घटना नाही, तर संपूर्ण देशासाठी अभिमानाचा क्षण आहे. पंतप्रधान नरेंद्र मोदी यांनी सर्वप्रथम त्यांच्या शौर्याचे कौतुक केले. त्यावेळी कॅप्टन मच्छार यांनीही पंतप्रधान मोदी यांना आपला आदर्श आणि प्रेरणास्थान मानत असल्याचे सांगितले. जगभरातून ज्यांच्या शौर्याचे कौतुक होत आहे, तेच कॅप्टन मच्छार भारताच्या पंतप्रधानांच्या कार्याचा गौरव करतात, ही बाब विशेष आहे. संकटाच्या क्षणी धैर्य, प्रसंगावधान आणि कर्तव्यनिष्ठा दाखविणाऱ्या या वैमानिकाने भारताची मान उंचावली आहे,” असे शिंदे यांनी नमूद केले.


पंतप्रधान मोदी यांनी कॅप्टन मच्छार यांच्याशी झालेल्या संवादात त्यांच्या धैर्याचे आणि प्रसंगावधानाचे कौतुक केले होते. गंभीर जखमी असूनही त्यांनी स्वतःच्या जीवापेक्षा प्रवाशांच्या सुरक्षेला प्राधान्य दिल्याचे मोदी यांनी सांगितले. “भारताची ओळख प्राण घेणाऱ्या नव्हे, तर प्राण वाचविणाऱ्या संस्कृतीची आहे. कॅप्टन मच्छार यांनी आपल्या कृतीतून हीच भारतीय मूल्ये जगासमोर सिद्ध केली आहेत. त्यांच्या शौर्यामुळे भारतीय वैमानिकांची प्रतिष्ठाही जगभरात अधिक उंचावली आहे,” असे शिंदे म्हणाले. कॅप्टन मच्छार यांच्या धाडसी निर्णयामुळे मोठी दुर्घटना टळली. त्यांच्या शौर्याची दखल भारतासह आंतरराष्ट्रीय पातळीवर घेतली जात असून, देशभरातून त्यांच्यावर कौतुकाचा वर्षाव होत आहे. “कॅप्टन मच्छार यांचे धैर्य, पंतप्रधान मोदी यांनी केलेले कौतुक आणि त्यांच्याबद्दल कॅप्टन मच्छार यांनी व्यक्त केलेला आदर हा भारताच्या नेतृत्वावर आणि मूल्यांवर असलेल्या विश्वासाचे प्रतीक आहे. अशा प्रेरणादायी व्यक्तिमत्त्वांचा देशाला अभिमान आहे,” असेही उपमुख्यमंत्री शिंदे यांनी सांगितले.

Comments
Add Comment

अ‍ॅमस्टरडॅमच्या महापौरांनी घेतली मुंबईच्या महापौर रितू तावडे यांची भेट

मुंबई ( विशेष प्रतिनिधी) : मुंबईच्या महापौर रितू तावडे यांची अ‍ॅमस्टरडॅम नगरीच्‍या महापौर फेम्के हलसेमा यांनी आज,

भांडुप संकुलातील नवीन जलशुद्धीकरण प्रकल्प कामाला गती; अतिरिक्त आयुक्त अभिजीत बांगर यांचे निर्देश

मुंबई (विशेष प्रतिनिधी) : मुंबईची दीर्घकालीन जलसुरक्षा सुनिश्चित करण्याच्या दृष्टीने भांडुप नवीन जलशुद्धीकरण

Andheri Kurla Road : अंधेरी-कुर्ला मार्गावरील वाहतूक कोंडी कमी होणार, तब्बल १३.४० मीटर रुंदीच्या रस्त्यावरील अडथळे दूर करणार

मुंबई (विशेष प्रतिनिधी) रस्त्यांवरील वाहतुकीचे अडथळे दूर करून वाहतूक अधिक सुरळीत करण्याच्या दृष्टीने मुंबई

Mumbai Tunnel Project : मुंबईच्या वाहतूक कोंडीवर ‘पाताळ लोक’चा उतारा!

मुंबई : मुंबईतील पूर्व आणि पश्चिम उपनगरांमधील प्रवास अधिक वेगवान करण्यासाठी आता जमिनीखालून रस्त्यांचे जाळे

Mumbai Railway News: मध्य रेल्वेचा कसारा मार्गावर मध्यरात्री विशेष ब्लॉक; लोकलसह मेल-एक्सप्रेस गाड्यांच्या वेळापत्रकात बदल

मुंबई : मध्य रेल्वेने कसारा येथे 21 आणि 22 नोव्हेंबरच्या मध्यरात्री विशेष ट्रॅफिक आणि पॉवर ब्लॉक घेण्याचा निर्णय

Dadar Metro Station : दादर मेट्रो स्थानकाचे नाव ‘चैत्यभूमी’ होणार, रेल्वे स्थानकाचे नामकरण नाही; प्रसिद्धीपत्रकातील गोंधळामुळे संभ्रम

मुंबई : दादर रेल्वे स्थानकाचे नाव बदलून ‘चैत्यभूमी’ करण्यात येणार असल्याच्या चर्चेमुळे निर्माण झालेला संभ्रम