Prithvi Shaw relationship : भारतीय क्रिकेटपटू पृथ्वी शॉ आणि सोशल मीडिया इन्फ्लुएन्सर आकृती अग्रवाल पुन्हा एकदा चर्चेत आले आहेत. काही महिन्यांपूर्वी साखरपुडा केलेल्या या दोघांनी वेगळे होण्याचा निर्णय घेतला होता. मात्र, आता दोघांनी आपापसातील मतभेद दूर करून पुन्हा एकत्र येण्याचा निर्णय घेतला आहे. आकृतीने सोशल मीडियावर याबाबत पोस्ट शेअर करत आपल्या नात्याविषयी स्पष्टीकरण दिले आहे. त्यामुळे दोघांच्या चाहत्यांमध्ये आनंदाचे वातावरण आहे.
मुंबई : राज्यात डेटा सेंटर्सची संख्या आणि या क्षेत्रातील गुंतवणूक झपाट्याने वाढत असताना, या प्रकल्पांमुळे पर्यावरण, वीज आणि पाण्याच्या उपलब्धतेवर ...
साखरपूडा झाल्यानंतर काही महिन्यांतच ब्रेकअप
पृथ्वी शॉ आणि आकृती अग्रवाल यांचा 8 मार्च रोजी साखरपुडा झाला होता. त्यानंतर 17 सप्टेंबर रोजी आकृतीने सोशल मीडियावर पोस्ट करत दोघे वेगळे होत असल्याची माहिती दिली होती. या घोषणेनंतर त्यांच्या नात्याबाबत अनेक चर्चा रंगल्या होत्या. मात्र, आता काही आठवड्यांतच दोघांनी पुन्हा एकत्र येण्याचा निर्णय घेतल्याचे स्पष्ट झाले आहे.
इस्टाग्रामवर पोस्ट शेअर केली
आकृतीने सोमवारी संध्याकाळी इन्स्टाग्रामवर एक पोस्ट शेअर केली. या पोस्टमध्ये तिने सांगितले की, साखरपुडा मोडण्याचा निर्णय घेताना जवळच्या काही लोकांच्या मतांचा तिच्यावर प्रभाव पडला होता. त्यामुळे तिने आपल्या नात्याकडे चुकीच्या दृष्टिकोनातून पाहिले. निर्णय घेण्यापूर्वी पृथ्वीशी मोकळेपणाने संवाद साधायला हवा होता, असेही तिने म्हटले.
या निर्णयाची आणि त्याच्या परिणामांची जबाबदारी स्वीकारत आकृतीने सांगितले की, त्यानंतर दोघांनी एकमेकांशी मनमोकळेपणाने चर्चा केली. एकमेकांना समजून घेतल्यानंतर त्यांनी पुन्हा एकत्र येण्याचे ठरवले. यापुढे आपल्या नात्यात विश्वास, प्रेम आणि समजूतदारपणाला महत्त्व देणार असल्याचेही तिने स्पष्ट केले. त्यांच्या निर्णयाचा आदर करण्याची विनंती तिने चाहत्यांना केली आहे.
दरम्यान, पृथ्वी शॉनेही आकृतीची ही पोस्ट आपल्या इन्स्टाग्राम स्टोरीवर शेअर केली. त्यासोबत त्याने हार्ट आणि नजर लागू नये, असा अर्थ दर्शवणारे इमोजी वापरले. तसेच दोघांचा साखरपुड्याचा फोटोही पुन्हा सोशल मीडिया अकाऊंटवर दिसत आहे.
आकृती अग्रवाल ही अभिनेत्री, फॅशन कंटेंट क्रिएटर आणि सोशल मीडिया इन्फ्लुएन्सर आहे. इन्स्टाग्रामवर तिचे 3 मिलियनहून अधिक फॉलोअर्स असल्याचे सांगितले जाते. दोघांनी पुन्हा एकत्र येण्याचा निर्णय घेतल्याने त्यांच्या चाहत्यांचे लक्ष आता त्यांच्या पुढील वाटचालीकडे लागले आहे.