पैसा, संपत्ती आणि मालमत्तेच्या हव्यासापोटी माणुसकी हरवत चालल्याच्या अनेक घटना समोर येत असतात. तेलंगणातील एका घटनेनेही याचं विदारक चित्र समोर आणलं आहे. घरातील ज्येष्ठ व्यक्तीचा मृत्यू झाल्यानंतर कुटुंबीयांनी दुःख बाजूला ठेवून मालमत्तेच्या वाटणीवरून वाद घालण्यास सुरुवात केली. हा वाद इतका विकोपाला गेला की, मृत व्यक्तीचा मृतदेह तब्बल तीन दिवस घरातच ठेवावा लागला. गावातील ज्येष्ठ नागरिकांनी मध्यस्थी करूनही वाद मिटला नाही. अखेर पोलिसांना हस्तक्षेप करावा लागला. या घटनेमुळे परिसरात संताप व्यक्त केला जात आहे.
नेमकी घटना काय ?
ही घटना तेलंगणातील राजन्ना सिरसिल्ला जिल्ह्यातील कोनायपल्ली गावात घडली. कोंकटी चंद्रय्या असं मृत वृद्धाचं नाव असून, त्यांचं वय 80 वर्षे होतं. गेल्या काही दिवसांपासून ते आजारी होते. अखेर सोमवारी, 12 ऑक्टोबर रोजी रात्री त्यांची प्राणज्योत मालवली. मात्र, चंद्रय्या यांच्या निधनानंतर कुटुंबीयांनी अंत्यसंस्काराची तयारी करण्याऐवजी मालमत्तेच्या वाटणीवरून वाद घालण्यास सुरुवात केली. परिणामी, अंत्यसंस्कार लांबणीवर पडले आणि मृतदेह तीन दिवस घरातच राहिला.
पुणे : पुण्यातील कोथरूड परिसरात भरधाव कारने अनेक दुचाकींना धडक दिल्याची घटना समोर आली आहे. एमआयटी महाविद्यालयाजवळील रस्त्यावर 15 ऑक्टोबर रोजी रात्री ...
दीड एकर जमीन आणि घरासाठी कुटुंबात वाद
मिळालेल्या माहितीनुसार, चंद्रय्या यांच्या नावावर दीड एकर शेती आणि एक घर होतं. त्यांना तीन मुली होत्या. त्यांचा मुलगा नागराजू याचं सुमारे दहा वर्षांपूर्वी निधन झालं होतं. नागराजूच्या दुसऱ्या पत्नीने आणि तिच्या दोन मुलींनी चंद्रय्या यांच्या मालमत्तेत वाटा मागितल्याने कुटुंबात वाद निर्माण झाला. मालमत्तेच्या हक्कावरून सुरू झालेला हा वाद इतका वाढला की, मृत व्यक्तीच्या अंत्यसंस्काराचाही प्रश्न निर्माण झाला. पोलिसांनी दिलेल्या माहितीनुसार, चंद्रय्या यांनी तीन वर्षांपूर्वीच आपलं घर मुलींच्या नावावर केलं होतं. त्यामुळे मालमत्तेच्या वाटणीवरून कुटुंबीयांमध्ये मतभेद निर्माण झाल्याचं सांगितलं जात आहे.
गावकऱ्यांचे प्रयत्न अपयशी, अखेर...
कुटुंबातील हा वाद मिटवण्यासाठी गावातील ज्येष्ठ नागरिकांनी पुढाकार घेतला. त्यांनी दोन्ही बाजूंना समजावून सांगण्याचा प्रयत्न केला. मात्र, कोणताही तोडगा निघाला नाही. त्यामुळे ग्रामस्थांना अखेर पोलिसांना पाचारण करावं लागलं. पोलिसांनी घटनास्थळी हस्तक्षेप केल्यानंतर हा वाद मिटवण्याचे प्रयत्न करण्यात आले. त्यानंतर बुधवारी रात्री चंद्रय्या यांच्यावर अंत्यसंस्कार करण्यात आले.
संपत्तीच्या वादात माणुसकी हरवली ?
मालमत्तेच्या वाटणीवरून निर्माण झालेल्या वादामुळे एका वृद्ध व्यक्तीच्या अंत्यसंस्कारासाठी तब्बल तीन दिवस प्रतीक्षा करावी लागल्याने या घटनेची परिसरात चर्चा सुरू आहे. एखाद्या व्यक्तीच्या निधनानंतर कुटुंबीयांनी एकत्र येऊन दुःखाच्या प्रसंगी साथ देणं अपेक्षित असताना, संपत्तीच्या वादामुळे अंत्यसंस्कारही रखडल्याची ही घटना माणुसकीला काळिमा फासणारी ठरली आहे.
