भारताने झिम्बाब्वेला टी20 मालिकेत 3-0 ने मात दिली होती. त्यानंतर वनडे मालिकेला सुरूवात झाली असून पहिल्या सामन्यात भारताने विजयी सलामी दिली आहे. स्मृती मंधानाने पूर्णवेळ कर्णधारपद स्वीकारल्यानंतर टी20 मालिकेनंतर पहिल्याच वनडे सामन्यात विजय मिळवला आहे. नाणेफेकीचा कौल झिम्बाब्वेच्या बाजूने लागला आणि प्रथम फलंदाजी स्वीकारली. पण हा निर्णय त्यांच्या अंगलट आला. भारतासारख्या बलाढ्य संघासमोर मोठी धावसंख्या करणं काही झिम्बाब्वेला जमलं नाही. झिम्बाब्वेने 49.5 षटकात सर्व गडी गमवून 197 धावा केल्या आणि विजायासाठी 198 धावांचं आव्हान दिलं. हे आव्हान भारताने सहज गाठलं. स्मृती मंधाना आणि प्रतिका रावल यांनी आश्वासक सुरूवात करून दिली. त्यांच्या सकारात्मक सुरूवातीमुळे भारताचा विजयी पक्का होत गेला. स्मृती मंधाना 32 धावा करून बाद झाली. त्यानंतर प्रतिका रावल आणि शफाली वर्मा यांनी मोर्चा सांभाळला आणि विजयी सलामी दिली. प्रतिका रावलने शतक ठोकत भारताच्या विजयात मोलाचं योगदान दिलं. तर शफाली वर्माने 33 चेंडूत 64 धावांची खेळी केली.
झिम्बाब्वेचा डाव
झिम्बाब्वेकडून प्रिय बिझा हीने सर्वाधिक 62 धावांची खेळी केली. या व्यतिरिक्त एकही बॅटर 30 धावांचा पल्ला गाठू शकला नाही. मॉडे्टर मुपाचिकवा हीने 25, चिपो मुगेरी तिरिपानो 21, मिशेल मावुंगा हीने 29 धावा केल्या. तर न्याशआ ग्वांझुरा 13, चिएद्झा धुरूरू 10, टेंडाई माकुशा 10, लॉरीन फिरी 1, शार्न मेयर्स 8 आणि नोमवेलो सिबांडा 2 धावा करून बाद झाले. भारताकडून श्री चरणी भेदक मारा करत 4 विकेट काढल्या. तर क्रांती गौडच्या खात्यात 3 विकेट आल्या. दीप्ती शर्माने 2, तर शफाली वर्माने 1 विकेट काढली.
भारत आणि न्यूझीलंड यांच्यात पाच सामन्यांची टी20 मालिका होत आहे. या मालिकेतील पहिला सामना भारताने खिशात घातला होता. आता दुसऱ्या सामन्यात न्यूझीलंडचा ...
दोन्ही संघांची प्लेइंग 11
भारतीय महिला (प्लेइंग इलेव्हन): स्मृती मंधाना (कर्णधार), शफाली वर्मा, प्रतिका रावल, हरमनप्रीत कौर, तेजल हसबनीस, दीप्ती शर्मा, ऋचा घोष (विकेटकीपर), श्री चरणी, क्रांती गौड, सायली सातघरे, जिंतीमणी कलिटा.
झिम्बाब्वे महिला (प्लेइंग इलेव्हन): प्रिय बिझा, शार्ने मेयर्स, न्याशा ग्वांझुरा, मॉडेस्टर मुपाचिक्वा (विकेटकीपर), चिएड्झा धुरुरु, चिपो मुगेरी-तिरिपानो, मिशेल मावुंगा, नोमवेलो सिबांडा (कर्णधार), तेंडाई माकुशा, लॉरिन फिरी, ओलिंदर चारे.
