अमेरिकेत निवडक क्रिएटर्ससोबत प्रायोगिक चाचणी
सोमवारी इन्स्टाग्रामने जाहीर केले की, सध्या अमेरिकेतील काही निवडक कंटेंट क्रिएटर्ससोबत ९० मिनिटांच्या लांब व्हिडीओंची चाचणी घेतली जात आहे. या नव्या सुविधेला कंपनीने 'फचर्स' (Features) असे नाव दिले आहे. विशेषतः पॉडकास्ट बनवणारे, कॉमेडी कलाकार आणि दीर्घ स्वरूपाचा (Long-form) मजकूर तयार करणाऱ्या क्रिएटर्ससाठी हे फिचर अत्यंत उपयुक्त ठरणार आहे. या नव्या सुविधेमुळे युजर्सना छोट्या रील्सवरून (Reels) थेट मुख्य लांब व्हिडिओवर जाण्याचा सहज पर्याय मिळणार आहे. सध्या इन्स्टाग्रामवर रील्सची मर्यादा साधारणपणे ३ मिनिटे किंवा त्यापेक्षा कमी असते.
PM Narendra Modi Prince Alois : भारत-लिश्टनस्टाइन संबंधांमध्ये नवा अध्याय! पंतप्रधान मोदींची युवराज अलोइस यांच्याशी हैदराबाद हाऊसमध्ये महत्त्वपूर्ण द्विपक्षीय चर्चा
नवी दिल्ली : लिश्टनस्टाइनचे युवराज अलोइस (Hereditary Prince Alois) आणि त्यांच्या पत्नी राजकुमारी सोफी सध्या भारताच्या अधिकृत राज्य दौऱ्यावर (State Visit) आले आहेत. या ...
रील्स बघता बघता पाहता येणार संपूर्ण पॉडकास्ट!
या नव्या सुविधेमागील हे स्पष्ट करताना इन्स्टाग्रामच्या प्रॉडक्ट व्हॉइस प्रेसिडेंट (VP) टेसा लियॉन्स (Tessa Lyons) यांनी म्हटले, "आता जर एखाद्या युजरला एखाद्या आवडत्या पॉडकास्टची लहान क्लिप (रिल) बघायला मिळाली, तर तो तिथेच एका क्लिकवर तो पूर्ण व्हिडिओ पाहू शकेल. क्रिएटर्सना त्यांच्या शॉर्ट रील्सना मुख्य लांब व्हिडिओशी जोडता येणार असल्यामुळे प्रेक्षकांना एकाच क्लिकवर संपूर्ण कंटेंट पाहण्याचा उत्तम अनुभव मिळेल."
ब्राझिलनंतर अमेरिकेत विस्तार; 'एक्सप्लोर' पेजवर झळकणार व्हिडिओ
इन्स्टाग्रामने या नवीन फिचरची पहिली चाचणी यापूर्वी ब्राझिलमधील क्रिएटर्ससोबत यशस्वीरीत्या केली होती. आता अमेरिकेतील हजारो क्रिएटर्सपर्यंत याचा विस्तार करण्याची कंपनीची योजना आहे. हे लांब व्हिडिओ युजर्सना इन्स्टाग्रामच्या 'एक्सप्लोर' (Explore) पेजवर तसेच फीडमध्ये शिफारस (Recommend) म्हणून दाखवले जातील. या चाचणीमध्ये अनेक प्रसिद्ध चेहरे सहभागी झाले आहेत; ज्यामध्ये पॉडकास्ट होस्ट आणि स्किम्सच्या सह-संस्थापक एम्मा ग्रेड (Emma Grede), फॅशन-ब्युटी क्रिएटर मोनेट मॅकमायकल (Monet McMichael), न्यूयॉर्कमधील लोकांच्या प्रेमावर मुलाखती घेणारे प्रेस्टन राकोव्हस्की (Preston Rakovsky) आणि फुटबॉल कंटेंट क्रिएटर डोनाल्ड डी ला हाये (Donald De La Haye) यांचा समावेश आहे.
फक्त मोबाईलवरच नाही, तर आता टीव्हीवरही पाहता येणार इन्स्टाग्राम व्हिडिओ!
हे 'फचर्स' (Features) सध्या मोबाईल ॲपवर उपलब्ध केले जात असले, तरी युजर्सना घरातील मोठ्या स्क्रीनवर (Smart TV) व्हिडिओ पाहण्याचा निवांत अनुभव देणे हा इन्स्टाग्रामचा मुख्य हेतू आहे. गेल्या वर्षी इन्स्टाग्रामने सॅमसंग (Samsung), फायर टीव्ही (Fire TV) आणि गुगल टीव्हीसाठी 'Instagram for TV' लाँच केले होते. आता हा अनुभव अधिक व्यापक करत अमेरिकेत 'ॲपल टीव्ही' (Apple TV) वरही त्याचे विस्तार करण्यात येत आहे. इन्स्टाग्रामचा हा धोरणात्मक निर्णय थेट 'युट्यूब'सारख्या प्रस्थापित व्हिडिओ स्ट्रीमिंग दिग्गजांना तगडी टक्कर देणारा मानला जात आहे.