मुंबई : सिंधुदुर्ग जिल्ह्याच्या पर्यटन आणि आर्थिक विकासाच्या दृष्टीने महत्त्वपूर्ण ठरणारी चिपी ते नवी मुंबई विमानसेवा आता दररोज सुरू होणार आहे. आतापर्यंत मर्यादित स्वरूपात उपलब्ध असलेल्या या विमानसेवेला दैनिक स्वरूप मिळाल्याने कोकण आणि मुंबईदरम्यानचा प्रवास अधिक सुलभ होणार आहे. पालकमंत्री नितेश राणे यांनी या सेवेसाठी केलेल्या सातत्यपूर्ण पाठपुराव्याला यश आले असून, महाराष्ट्र विमानतळ विकास कंपनीचे (एमएडीसी) उपाध्यक्ष आणि व्यवस्थापकीय संचालक दीपक कपूर यांनी सुधारित वेळापत्रकाची माहिती दिली आहे.
नवीन वेळापत्रकानुसार, नवी मुंबई येथून सकाळी 7:55 वाजता विमान सिंधुदुर्गच्या दिशेने उड्डाण करेल. सकाळी 9:05 वाजता हे विमान चिपी विमानतळावर पोहोचेल. त्यानंतर सकाळी 9:25 वाजता चिपी येथून परतीचा प्रवास सुरू होईल. सकाळी 10:35 वाजता हे विमान नवी मुंबईत दाखल होईल. त्यामुळे दोन्ही शहरांदरम्यान दररोज विमानप्रवासाची सुविधा उपलब्ध होणार आहे.
Salman Khan New Song controversy: बॉलीवूड सुपरस्टार सलमान खान यांनी त्यांच्या आगामी 'मातृभूमी: मे वॉर रेस्ट इन पीस' (Maatrubhumi) या युद्धपटातील 'तेरी सेक्सी ब्यूटी' (Teri Sexy Beauty) हे गाणे ४ ...
सिंधुदुर्ग जिल्हा पर्यटनाच्या दृष्टीने महत्त्वाचे केंद्र म्हणून विकसित होत असताना हवाई वाहतुकीची उपलब्धता हा महत्त्वाचा मुद्दा ठरत आहे. चिपी विमानतळावरून नवी मुंबईसाठी दररोज विमानसेवा सुरू झाल्याने पर्यटकांना जिल्ह्यात येणे आणि परत जाणे अधिक सोयीचे होणार आहे. तसेच मुंबई आणि परिसरात नोकरी, व्यवसायानिमित्त राहणाऱ्या कोकणवासीयांनाही या सेवेचा लाभ घेता येणार आहे. प्रवासासाठी लागणारा वेळ कमी झाल्याने पर्यटनासह स्थानिक व्यापार, उद्योग आणि अन्य व्यावसायिक उपक्रमांनाही चालना मिळण्याची अपेक्षा आहे.
विमानसेवेच्या नियमिततेमुळे सिंधुदुर्ग जिल्ह्याची मुंबईशी हवाई संपर्कव्यवस्था अधिक मजबूत होणार आहे. त्याचा लाभ पर्यटन क्षेत्राला मिळण्याबरोबरच जिल्ह्याच्या आर्थिक विकासासाठीही होऊ शकतो. त्यामुळे चिपी-नवी मुंबई विमानसेवेचे दैनिक स्वरूपातील संचालन हा सिंधुदुर्गच्या दळणवळणाच्या दृष्टीने महत्त्वाचा निर्णय मानला जात आहे.