Crime News: दिवाळीच्या काळात उत्तर प्रदेशातील अयोध्या, काशी आणि मथुरा येथे बॉम्बस्फोट घडवण्याची धमकी देणारा ईमेल समोर आला आहे. खलिस्तान नॅशनल आर्मीच्या नावाने पाठवण्यात आलेल्या या ईमेलमध्ये 8 ते 27 नोव्हेंबरदरम्यान स्फोट घडवण्याचा इशारा देण्यात आला आहे. तसेच या काळात मुलांना शाळेत पाठवू नये, असे आवाहन शाळा प्रशासनाला करण्यात आले आहे. या धमकीमुळे सुरक्षा यंत्रणा सतर्क झाल्या आहेत.
मुंबई : कृत्रिम बुद्धिमत्तेच्या (AI) क्षेत्रातील गुंतवणूक वाढवण्यासोबतच खर्चावर नियंत्रण ठेवण्यासाठी गुगलने आपल्या स्वेच्छानिवृत्ती कार्यक्रमाचा ...
अयोध्या आणि आंबेडकर नगरमधील शाळांना ईमेल
मिळालेल्या माहितीनुसार, अयोध्येतील एका ICSE संलग्न शाळेला धमकीचा ईमेल प्राप्त झाला. याशिवाय आंबेडकर नगरमधील दोन शाळांनाही अशाच प्रकारचे ईमेल पाठवण्यात आल्याचे वृत्त आहे. विद्यार्थ्यांच्या सुरक्षेचा मुद्दा उपस्थित करत, संबंधित तारखांदरम्यान मुलांना शाळेत न पाठवण्याचा इशारा या ईमेलमध्ये देण्यात आला आहे.
1984 च्या दंगलींचाही उल्लेख
धमकीच्या ईमेलमध्ये 1984 मधील शीखविरोधी दंगलींचा संदर्भ देण्यात आला आहे. 'रक्ताचा बदला रक्त' अशा शब्दांचा वापर करत हिंसक कारवायांचे आवाहन करण्यात आल्याचे वृत्त आहे. तसेच अयोध्या, काशी आणि मथुरा ही ठिकाणे लक्ष्य असल्याचा दावा ईमेलमध्ये करण्यात आला आहे.
सायबर सेल आणि यूपी एटीएसकडून तपास
या धमकीच्या ईमेलची अयोध्या सायबर सेलने दखल घेत तपास सुरू केला आहे. उत्तर प्रदेश दहशतवादविरोधी पथकालाही (UP ATS) तपासात सहभागी करण्यात आल्याची माहिती आहे. ईमेल नेमका कोणी पाठवला, त्यामागे कोण आहे आणि कोणत्या माध्यमातून तो पाठवण्यात आला, याचा शोध तपास यंत्रणा घेत आहेत.
दरम्यान, ईमेलमधील धमकीची सत्यता आणि संभाव्य धोका याबाबत तपास सुरू आहे. नागरिकांनी घाबरून न जाता पोलिसांकडून मिळणाऱ्या अधिकृत सूचनांचे पालन करावे.