दिवाळीचा सण हा आनंदाचा काळ असतो. प्रकाशाचा हा सण फटाके, लखलखणारे दिवे आणि एकत्र येण्यासाठी येणाऱया पाहुण्यांसह उत्साही सोहळ्याचे आयोजन करतो. पण घरातील पाळीव प्राण्यांसाठी हे सर्व खूप तणावपूर्ण असू शकते. ज्यामुळे ते भीतीने थरथर कापत एका कोपऱ्यात पळून जातात. एक पाळीव प्राणी पालक म्हणून आपल्या लाडक्या प्राण्यांना असे घाबरलेले पाहून खूप वाईट वाटते. म्हणून दिवाळीच्या आधी तुमच्या पाळीव प्राण्यांना सुरक्षित वाटावे यासाठी तुम्ही काळजी घेऊ शकता.
1) एक आरामदायक आणि सुरक्षित जागा तयार करा
जेव्हा गोंगाट खूप वाढतो तेव्हा पाळीव प्राणी नैसर्गिकरित्या लपण्यासाठी जागा शोधतात. तुमच्या घरातील एक एकांत खोली निवडा आणि तिथे एक शांत आश्रयस्थान तयार करा. ती खोली त्यांना आराम देणाऱ्या वस्तुंनी भरा. जसे की, त्यांचे अंथरूण, आवडती खेळणी आणि भरपूर ताजे पाणी. मोठे आवाज आणि प्रखर प्रकाशाचे झोत रोखण्यासाठी पडदे ओढून घ्या आणि खिडक्या बंद करा.
2) फिरायला जाण्याचे वेळापत्रक काळजीपूर्वक ठरवा आणि दरवाजे बंद करा.अगदी आत्मविश्वासू कुत्रासुद्धा मोठ्या आवाजामुळे गाफील राहिल्यास वेगाने पळून जाऊ शकतो. फटाक्यांच्या गर्दीच्या वेळी तुमच्या पाळीव प्राण्यांना घरातच ठेवा आणि सर्व दरवाजे, खिडक्या व बाल्कनीचे दरवाजे व्यवस्थित बंद असल्याची खात्री करा. बाहेर भीतीदायक प्रसंग टाळण्यासाठी त्यांच्या रोजच्या फिरायला जाण्याच्या वेळा या शांततेच्या वेळेत ठेवा.
आलिया भट्ट आणि रणबीर कपूर यांनी त्यांची मुलगी राहाचा चौथा वाढदिवस कुटुंबाच्या उपस्थितीत, रंगीबेरंगी सजावट आणि अनेक लहान सहान गोष्टींनी सजलेल्या एका ...
3) जवळच राहा आणि दिलासा द्या.
उत्सव जोरात सुरु असताना त्यांना घरी एकटे सोडू नका. जर तुमचा कुत्रा किंवा मांजर पलंगखाली वेटोळे घालून बसायचे किंवा कपाटात लपायचे ठरवत असेल तर त्यांना जबरदस्तीने बाहेर काढू नका. त्यांना जिथे सुरक्षित वाटते तिथेच राहू द्या. त्यांच्या जवळ बसा, त्यांच्याशी शांत आणि निवांत आवाजात बोला आणि त्यांना गरज वाटल्यास माया दाखवा.
4) सणासुदीच्या पदार्थांपासून आणि सजावटीपासून सावध रहा.
दिवाळीतील खाद्यपदार्थ, विशेषतः चॉकोलेट, सुकामेवा आणि मिठाई प्राण्यांसाठी धोकादायक असतात. त्यांचा नेहमीचाच आहार काटेकोरपणे पाळा आणि त्यांना ताटातील उरलेले अन्न देण्याचा मोह टाळा. तुमच्या सजावटीकडेही लक्ष ठेवा. लटकणारे दिवे आणि रांगोळीची पावडर गिळल्यास अपघाताने भाजणे, विजेचा धक्का बसणे किंवा पोटाचे विकार होऊ शकतात.
पाळीव प्राण्याचे पालक म्हणून तणावमुक्त वातावरण राखण्याव्यतिरिक्त सतर्क राहून तणावाच्या सुरुवातीच्या लक्षणांवर लक्ष ठेवणे आवश्यक आहे. ही लक्षणे प्रत्येक प्राण्यानुसार वेगळी असू शकतात.
