Election 2027: पुढच्या वर्षीच्या सुरूवातीला निवडणुकांचा धुरळा! उत्तर प्रदेश, पंजाबसह 5 राज्यात होणार मतदान

भारतीय राजकारणासाठी 2027 हे वर्ष खूप खास असणार आहे. कारण या वर्षी निवडणुकांचे पडघम वाजणार आहे. या विधानसभा निवडणुकांसाठी मिनी लोकसभा म्हणून पाहिलं जात आहे.

वर्ष 2027 हे निवडणुकांचं वर्ष असणार आहे. कारण या वर्षात सात राज्यात निवडणुका होणार आहे. पण वर्षाच्या सुरूवातीला पाच राज्यात निवडणुकीचं बिगुल वाजणार आहे. तर वर्षाच्या शेवटी दोन राज्यात निवडणुका होतील. उत्तर प्रदेश, मणिपूर, पंजाब, उत्तराखंड आणि गोवा या पाच राज्यात वर्षाच्या सुरूवातीलाच निवडणुका होणार आहेत. या पाच राज्यांच्या निवडणुकांकडे मिनी लोकसभा म्हणून पाहिलं जात आहे. या निवडणुका राष्ट्रीय राजकारणाची दिशा ठरवण्यात महत्त्वाची भूमिका बजावू शकतात. या निवडणुकीच्या माध्यमातून जनतेचा कल, नवी आघाड्या आणि 2029 लोकसभा निवडणुकीची रणनिती आखण्याचा प्रयत्न करतील.  2029 लोकसभा निवडणुकीपूर्वीचा राजकीय वातावरणाचा आणि पक्षांच्या ताकदीचा अंदाज या विधानसभा निवडणुकीतून मिळणार आहे. त्यामुळे जनादेशाचा कौल कोणत्या पक्षाच्या बाजूने आहे, हे या निवडणुकीत स्पष्ट होणार आहे. यात उत्तर प्रदेशसारखं मोठं राज्य असल्याने याचं महत्त्व आणखी वाढलं आहे. तसं पाहिलं तर या विधानसभा निवडणुकीत भाजपाचा वरचष्मा आहे.

उत्तर प्रदेश विधानसभेत भाजपाचा वरचष्मा


उत्तर प्रदेश विधानसभेत भाजपाची सत्ता आहे. मुख्यमंत्री योगी आदित्यनाथ यांच्या नेतृत्वाखाली उत्तर प्रदेशात भाजपाची घट्ट पकड आहे. राज्यात तिसऱ्यांदा सत्ता स्थापनेसाठी भाजपाचा तयारी सुरू आहे. त्यामुळे विरोधकांना उत्तर प्रदेश निवडणुकीचा पेपर खूपच कठीण आहे. राज्यात विधानसभेच्या 403 जागा असून लोकसभेवर 80 खासदार निवडून जातात. त्यामुळे ही निवडणूक विधानसभेपुरता मर्यादीत नसून त्याचा राष्ट्रीय राजकारणावरही परिणाम दिसून येईल. त्यामुळे भाजपाने आतापासून रणनिती आखण्यास सुरू केली आहे. उत्तर प्रदेशमध्ये सलग तिसऱ्यांदा भाजपाची सत्ता आणण्यासाठी जोरदार मोर्चेबांधणी सुरू आहे. निवडणूक समन्वय, तिकीट वाटप, सोशल मीडिया रणनीती, विरोधी पक्षांच्या सार्वजनिक प्रसिद्धीच्या धोरणाला प्रत्युत्तर देणे या रणनितीवर काम सुरू झालं आहे. उत्तर प्रदेशमध्ये भाजप 256, समाजवादी पक्ष 100, अपना दल (एस) 13, राष्ट्रीय लोक दल 9, सुहेलदेव भारतीय समाज पार्टी 6, निषाद पार्टी 5, अपक्ष 3, काँग्रेस 2, जनसत्ता दल लोकतांत्रिक 2 जागा आहेत.





पंजाबमध्ये आपची सत्ता उलथणार!


पंजाबमध्ये आपची सत्ता असून भगवंत मान हे मुख्यमंत्री आहेत. पण राज्यात सत्ताविरोधी लाट, प्रादेशिक पक्ष आणि शेतकरी राजकारण या दृष्टिकोनातून निवडणुकीकडे पाहिले जाईल. त्यामुळे आपसाठी ही निवडणूक कठीण जाणार आहे. तर भाजपाने राज्यात निवडणुकीच्या दृष्टीने वेगाने पावलं उचलण्यास सुरूवात केली आहे. पंजाब भाजपचे प्रदेशाध्यक्ष केवल सिंग ढिल्लन यांनी राज्य जाहीरनामा समिती आणि राज्य आरोपपत्र समितीची स्थापना केली आहे.जाहीरनामा समितीत पंजाबचे माजी मंत्री, माजी आमदार, खासदार आणि पक्षाचे वरिष्ठ अधिकारी यांच्यासह एकूण 13 सदस्य आहेत. या समितीत मनप्रीत सिंग बादल, अश्वनी शर्मा, मनोरंजन कालिया, सोम प्रकाश, राणा गुरमीत सिंग सोधी, अश्वनी सेखरी, सतनाम सिंग संधू, राघव चढ्ढा, राजिंदर गुप्ता, हरभजन सिंग, परमपाल कौर आणि वकील एच.एस. फुलका यांचा समावेश आहे. आरोपपत्र समितीत पंजाब आणि राष्ट्रीय स्तरावरील अनुभवी नेत्यांसह एकूण 14 सदस्य आहेत.





मणिपूर, उत्तराखंड आणि गोव्यात भाजपा सत्ता राखणार!


उत्तर प्रदेश आणि पंजाबनंतर मणिपूर, उत्तराखंड आणि गोव्याकडे भाजपाचं लक्ष असणार आहे. या तिन्ही राज्यात भाजपाची सत्ता आहे. उत्तराखंडमध्ये विधानसभा निवडणुकीपूर्वी भाजपाने आपल्या रणनितीला सुरूवात केली आहे. राज्यात सलग तिसऱ्यांदा सत्ता स्थापन करण्यासाठी भाजपाच्या जोर बैठका सुरू आहेत. दुसरीकडे, मणिपूर आणि गोव्यामध्येही भाजपाने सत्ता परत आणण्यासाठी मोर्चेबांधणी केली आहे. दरम्यान, या तिन्ही राज्यात विरोधी पक्षांमध्ये अंतर्गत कलह दिसून येत आहे.
Comments
Add Comment

Breaking: कुलगाम येथे झालेल्या चकमकीत लष्कर-ए-तोयबाचा दहशतवादी लतीफ भट आणि त्याचा एक साथीदार ठार

याच जिल्ह्यात गेल्या आठवड्यात झालेल्या हल्ल्यात सीआरपीएफचे तीन जवान जखमी झाले होते, अशी माहिती पोलिसांनी दिली.

Delhi showroom incident : शोरूममधील त्या घटनेने संपूर्ण दिल्ली हादरली! सीसीटीव्हीमध्ये कैद झाले धक्कादायक वास्तव!

नवी दिल्ली : पश्चिम दिल्लीतील मोतीनगर परिसरातून एक अत्यंत धक्कादायक आणि मन हेलावून टागणारी घटना समोर आली आहे. एका

Gold Rate Today: सोन्याचे दर आणखी कोसळणार? 1 लाखांचा टप्पा गाठणार?

सोन्या-चांदीच्या दरात होणाऱ्या चढ-उतारांकडे सध्या ग्राहकांचे लक्ष लागले आहे. गेल्या काही दिवसांपासून मौल्यवान

UP Election 2027: उत्तर प्रदेश निवडणुकीसाठी भाजपाची तयारी सुरू, मथुरेच्या बैठकीत पुढची रणनिती ठरणार

उत्तर प्रदेशसह पाच राज्यांच्या निवडणुकीच्या तारखा अद्याप जाहीर झालेल्या नाहीत. पुढच्या वर्षी अर्थात 2027 च्या

बंगालच्या उपसागरात चक्रीवादळाचा धोका वाढला ! आंध्र प्रदेशसह दक्षिण ओडिशाला अलर्ट

नवी दिल्ली : बंगालच्या उपसागरात निर्माण झालेल्या कमी दाबाच्या क्षेत्राने आता डीप डिप्रेशनचे स्वरूप धारण केले

भारत-चेक प्रजासत्ताक संरक्षण संबंधांना नवी ताकद! लष्करप्रमुख जनरल धीरज सेठ 4 दिवसांच्या दौऱ्यावर

नवी दिल्ली : भारत आणि चेक प्रजासत्ताक यांच्यातील द्विपक्षीय संरक्षण सहकार्य अधिक मजबूत करण्याच्या दृष्टीने