MS Dhoni: चेन्नईकरांच्या हृदयात धोनीला 'थाला'ची जागा कशी मिळाली?

रांचीमध्ये वाढलेला महेंद्रसिंग धोनी २००८ पासून चेन्नई सुपर किंग्सचा अविभाज्य भाग बनला. पाच आयपीएल जेतेपदे, १३३ विजय आणि चाहत्यांचं अपार प्रेम मिळवणाऱ्या धोनीची आता IPL 2027 मध्ये मेंटर म्हणून नवी इनिंग सुरू होणार आहे. जाणून घ्या धोनी आणि चेन्नईच्या दोन दशकांच्या अतूट नात्याची कहाणी.

रांचीमध्ये वाढलेला एक साधा मुलगा पुढे जाऊन चेन्नईकरांच्या मनात घर करेल, असं कुणीही स्वप्नातही विचार केला नसेल. तो मुलगा म्हणजे महेंद्रसिंग धोनी. आयपीएलमुळे धोनी आणि चेन्नई हे नातं तयार झालं आणि ते जवळपास दोन दशकं टिकून राहिलं. २००८ च्या पहिल्या लिलावात चेन्नई सुपर किंग्सने धोनीला १.५ मिलियन डॉलरला संघात घेतलं. त्याआधी २००७ चा टी-२० वर्ल्डकप धोनीने युवा टीमसह जिंकला होता. त्यामुळेच चेन्नईचे मालक एन. श्रीनिवासन यांनी धोनीलाच कर्णधार बनवण्याचा निर्णय घेतला. तेव्हापासून धोनी हा चेन्नईचाच झाला.


शांत डोकं, शेवटच्या क्षणी मॅच संपवण्याची कला आणि खेळाडूंवरचा विश्वास, हीच धोनीची ओळख. चेपॉकवर धोनी खेळायला आला की पूर्ण स्टेडियम पिवळं होऊन जायचं. चेन्नईच्या चाहत्यांनी त्याला 'थाला' म्हणजे लीडर ही पदवी दिली. तामिळनाडूमध्ये ही बिरुदावली सहसा सुपरस्टार अभिनेत्यांना मिळते, पण धोनीने ती क्रिकेटमधून मिळवली. धोनीच्या नेतृत्वात चेन्नईने पाच वेळा आयपीएल जिंकली. संघ नेहमी प्लेऑफमध्ये पोहोचायचा. त्याने मोठ्या नावांपेक्षा चांगल्या माणसांना आणि गुणांना महत्त्व दिलं. त्याच्या हाताखाली अनेक तरुण खेळाडू घडले आणि पुढे टीम इंडियापर्यंत पोहोचले.






फिक्सिंग प्रकरणामुळे चेन्नईवर दोन वर्षांची बंदी आली तेव्हा धोनी पुणे संघात गेला. पण बंदी संपल्यावर तो पुन्हा चेन्नईत परतला. चाहत्यांनी त्याचं जोरदार स्वागत केलं. भावना न दाखवणारा धोनी तेव्हा पहिल्यांदा भावुक झाला होता आणि त्याने जेतेपदाचं वचन दिलं होतं. २०२१ मध्ये त्याने ते वचन पूर्णही केलं. धोनीने चेन्नईसाठी २२६ सामन्यात नेतृत्व केलं, त्यात १३३ विजय मिळवले. आता IPL 2027 पासून तो खेळाडू म्हणून नव्हे, तर मेंटर म्हणून संघासोबत राहणार आहे. खेळाडू म्हणून थाला पर्व संपलं असलं, तरी चेन्नईसोबतचं त्याचं नातं कायम राहणार आहे.

Comments
Add Comment

'कॅप्टन कूल'ची आयपीएलमधून छप्परफाड कमाई! प्रत्येक हंगामात धोनीला किती मानधन मिळाले? जाणून घ्या

[caption id="attachment_1076162" align="aligncenter" width="800"] आयपीएल स्पर्धेत महेंद्रसिंह धोनीच्या नावावर अनेक विक्रम आहेत. आयपीएल स्पर्धेच्या

'थाला फॉर अ रीजन' धोनीशिवाय सीएसकेची कल्पनाच अशक्य...

एमएस धोनी... भारतीय क्रिकेट संघाचा माजी कर्णधार आणि चेन्नई सुपर किंग्सचा प्राण असलेल्या महेंद्रसिंग धोनीने

महेंद्रसिंह धोनीने क्रिकेट कारकिर्दीत एकदा मेंटॉर झाला, पण...! चेन्नई सुपर किंग्ससाठी वेगळं काय करणार?

आयपीएल स्पर्धेतील धोनी पर्वाचा शेवट झाला आहे. आयपीएल सुरू झाल्यापासून 2026 पर्यंत धोनी नावाचं वलय या चेन्नई सुपर

'दावे की कावे' इतके दिवस बनावट गोलंदाजी करत खेळला, वेगवान गोलंदाजावर क्रिस श्रीकांत यांच सडेतोड उत्तर

हर्षल पटेल गुजरात टायटन्सकडे ट्रेड होणार असल्याच्या जोरदार चर्चा सुरू असतानाच, भारतीय क्रिकेट संघाचे माजी

MS Dhoni CSK Mentor : धोनीची नवी इनिंग सुरू! IPL 2027 मध्ये CSK च्या मेंटरपदाची धुरा सांभाळणार

चेन्नई सुपर किंग्सने अधिकृतपणे जाहीर केले आहे की, त्यांचे दिग्गज माजी कर्णधार महेंद्रसिंग धोनी आयपीएल २०२७ च्या

'दहा वर्षानंतर विराट कोहलीला पश्चाताप होईल', कपिल देव यांनी असं का म्हंटलं?

विराट कोहली आणि विक्रम हे एक क्रिकेटमधील समीकरण ठरलं आहे. विराट कोहलीने काही धावा केल्या की त्याचा नावावर