झेल पकडताना काय झालं?
प्रसिद्ध कृष्णाने निकोल्सला आखुड टप्प्याचा चेंडू टाकला. यावर पुल शॉट मारताना निकोल्स चुकला आणि चेंडू बॅटच्या कडेला लागून बॅकवर्ड स्क्वेअरला गेला. त्यामुळे तिथे उभ्या असलेल्या देवदत्त पडिक्कलच्या हाती सोपा झेल होता. पण विकेटकीपर ऋषभ पंत त्या झेलसाठी धावत गेला आणि देवदत्त पडिक्कल कन्फ्यूज झाला. त्यात त्याने झेल पकडण्याचा कॉल दिल्याने पडिक्कल निश्चिंत राहिला. पण त्याला शेवटच्या क्षणी कळलं की हा झेल त्याचा आहे आणि त्याने हात टाकला. पण तिथपर्यंत उशीर झाला आणि सोपा झेल सुटला. सोपा झेल सुटल्याने प्रसिद्ध कृष्णाने आश्चर्य व्यक्त करत हाताने तोंड झाकले. तर देवदत्त पडिक्कल पंतकडे पाहत राहिला. झेल सुटल्याचा व्हिडीओ सोशल मीडियावर वेगाने व्हायरल होत आहे.
IND vs NZ 1st Test: टीम इंडियाची चांगली सुरूवात, पण सहाव्या विकेटने केली गडबड; पहिल्या दिवशी असं घडलं
भारत आणि न्यूझीलंड यांच्यात पहिला कसोटी सामना वेलिंग्टनच्या बेसिन रिझर्व्ह येथे सुरू आहे. या सामन्यात नाणेफेकीचा कौल भारताच्या बाजूने लागला आणि ...
कर्णधार शुभमन गिलचा संताप
खरं तर देवदत्त पडिक्कल या झेलखाली सहज आला होता. त्याला फार काही धावावं लागलं नव्हतं. पण पंत धावत तिथे पोहोचला होता. देवदत्त पडिक्कलला पुढे येताना पाहून क्षणभर थांबला आणि म्हणाला, "तुझा झेल", पण तोपर्यंत खूप उशीर झाला होता. सोपा झेल सुटल्याने कर्णधार शुभमन गिल आतून संतापलेला होता पण एक शब्दही बोलला नाही. दोघांच्या चुकीमुळे टीम इंडियाला फटका बसला आहे. कारण निकोल्स हा 102 धावांवर होता आणि त्याने दिवसअखेर नाबाद 113 धावांची खेळी केली. तसेच ग्लेन फिलिप्ससोबत नाबाद 173 धावांची भागीदारी कायम राहिली. त्यामुळे पहिल्या दिवशी टिम इंडिया बॅकफूटवर गेली.