Nashik : अभिमानास्पद ! जागतिक युवा टेबल टेनिस स्पर्धेसाठी नाशिकच्या कुशल चोपडाची भारतीय संघात निवड

टेबल टेनिसमध्येही नाशिक आता आंतरराष्ट्रीय स्तरावर आपला ठसा उमटवत असल्याचे कुशलच्या यशातून स्पष्ट होत आहे. कुशलच्या या यशामागे त्याची मेहनत, जिद्द आणि खेळाप्रती असलेले समर्पण महत्त्वाचे आहे. 

नाशिक : नाशिकच्या क्रीडा क्षेत्रासाठी अभिमानास्पद बातमी आहे. टेबल टेनिसपटू कुशल चोपडा याची प्रतिष्ठेच्या जागतिक युवा अजिंक्यपद टेबल टेनिस स्पर्धेसाठी भारतीय संघात निवड झाली आहे. २१ ते २८ नोव्हेंबर २०२६ दरम्यान इस्तंबूल (तुर्की) येथे ही स्पर्धा रंगणार आहे. या निवडीमुळे आंतरराष्ट्रीय टेबल टेनिस क्षेत्रात नाशिकच्या शिरपेचात आणखी एक मानाचा तुरा खोवला गेला आहे.


या स्पर्धेसाठी निवड झालेला कुशल हा नाशिकमधून भारतीय संघात स्थान मिळवणारा पहिला मुलगा ठरला आहे. यापूर्वी तनिषा कोटेचा आणि सायली वाणी यांनी जागतिक युवा अजिंक्यपद स्पर्धेत भारताचे प्रतिनिधित्व केले आहे. त्यामुळे या प्रतिष्ठित स्पर्धेत भारताचे प्रतिनिधित्व करणारा कुशल हा नाशिक शहरातील तिसरा खेळाडू ठरला आहे. कुशलसोबत आसामचा प्रियानुज भट्टाचार्य, तमिळनाडूचे पी. बी. अभिनंदन आणि मुथु बालमुरुगन यांचीही भारतीय संघात निवड झाली आहे.



आंतरराष्ट्रीय स्तरावर पदकांची प्रभावी कामगिरी


कुशलची भारतीय संघातील निवड ही त्याच्या सातत्यपूर्ण मेहनतीचे आणि उत्कृष्ट कामगिरीचे फलित आहे. यापूर्वी त्याने ज्युनियर आशियाई अजिंक्यपद स्पर्धेत कांस्यपदक पटकावले आहे. तसेच दक्षिण आशियाई अजिंक्यपद स्पर्धेत एकेरी आणि मिश्र दुहेरी अशा दोन्ही प्रकारांत सुवर्णपदक जिंकण्याची उल्लेखनीय कामगिरी केली आहे. आतापर्यंत कुशलने विविध आंतरराष्ट्रीय स्पर्धांमध्ये आठ पदके, तर राष्ट्रीय स्तरावरील स्पर्धांमध्ये २० हून अधिक पदके मिळवली आहेत. त्याच्या या यशस्वी वाटचालीमुळे त्याने भारतीय टेबल टेनिसमध्ये स्वतःची वेगळी ओळख निर्माण केली आहे.






नाशिकच्या क्रीडा वैभवात आणखी एका नावाची भर


नाशिक जिल्ह्याने आतापर्यंत विविध क्रीडा प्रकारांमध्ये राष्ट्रीय आणि आंतरराष्ट्रीय स्तरावर चमकणारे खेळाडू देशाला दिले आहेत. बुद्धिबळपटू विदित गुजराथी, धावपटू कविता राऊत, मोनिका आथरे, अंजना ठमके, कबड्डीपटू आकाश शिंदे, क्रिकेटपटू साहिल पारख, उंच उडीपटू सर्वेश कुशारे आणि धावपटू दिलीप गावित यांनी आपल्या कामगिरीच्या जोरावर नाशिकचा नावलौकिक वाढवला आहे. आता या यशस्वी परंपरेत टेबल टेनिसपटू कुशल चोपडा याचे नावही अभिमानाने जोडले जात आहे. अनेक खेळाडू क्रिकेटकडे आकर्षित होत असताना नाशिकमधील खेळाडूंनी विविध क्रीडा प्रकारांत आपली क्षमता सिद्ध केली आहे.


टेबल टेनिसमध्येही नाशिक आता आंतरराष्ट्रीय स्तरावर आपला ठसा उमटवत असल्याचे कुशलच्या यशातून स्पष्ट होत आहे. कुशलच्या या यशामागे त्याची मेहनत, जिद्द आणि खेळाप्रती असलेले समर्पण महत्त्वाचे आहे. इस्तंबूल येथे होणाऱ्या जागतिक युवा अजिंक्यपद स्पर्धेत कुशल उत्कृष्ट कामगिरी करून देशाचा आणि नाशिकचा गौरव वाढवेल, असा विश्वास क्रीडाप्रेमींकडून व्यक्त केला जात आहे. कुशलच्या या निवडीमुळे नाशिकच्या टेबल टेनिस क्षेत्राला नवी प्रेरणा मिळणार असून, आगामी काळात या खेळातून आणखी आंतरराष्ट्रीय खेळाडू घडतील, अशी अपेक्षा आहे.

Comments
Add Comment

अर्जुन तेंडुलकरला आयपीएल 2027 स्पर्धेसाठी रिटेन केलं की नाही? लखनौ सुपर जायंट्सने स्पष्ट केलं की...

आयपीएल 2027 स्पर्धपूर्वी बरंच काही घडताना दिसत आहे. फ्रेंचायझींनी ट्रेड विंडोच्या माध्यमातून आपल्याला आवश्यक

आयसीसी क्रमवारीत मोठी उलथापालथ! अर्शदीप सिंगची जबरदस्त झेप, तर 'या' नवख्या खेळाडूने रचला जागतिक विक्रम

आंतरराष्ट्रीय क्रिकेट परिषदेने जाहीर केलेल्या ताज्या क्रमवारीत अनेक दिग्गज आणि युवा खेळाडूंनी मोठी झेप घेतली

ऑस्ट्रेलियन क्रिकेटमध्ये मोठा भूकंप; कर्णधार पॅट कमिन्सवर फसवणुकीचा आरोप, कॅमरन बेनक्रॉफ्टच्या 5 विधानांनी उडाली खळबळ!

सँडपेपरगेट प्रकरण हे ऑस्ट्रेलियन क्रिकेटच्या इतिहासातील एक काळा अध्याय आहे. या प्रकरणामुळे ऑस्ट्रेलियन

IPL 2027 Auction: आयपीएल 2027 लिलावाची प्रतीक्षा संपली! तारीख आणि वेळ जाहीर

आयपीएल स्पर्धेचं 20वं पर्व वर्ष 2027 मध्ये पार पडमार आहे. या स्पर्धेसाठी दहा संघांनी जय्यत तयारी सुरू केली आहे.

IPL 2027: कोलकाता नाईट रायडर्सने अजिंक्य रहाणेला सोडलं, आता कोण होणार कर्णधार?

आयपीएल 2027 स्पर्धेपूर्वी कोलकाता नाईट रायडर्स संघसमोर मोठा पेच निर्माण झाला आहे. त्याला कारणंही तसंच आहे. कोलकाता

टीम इंडियाविरुद्धच्या पहिल्या कसोटीसाठी न्यूझीलंडची घातक चाल; खेळपट्टीवर उतरवणार 3 वेगवान अस्त्रे!

भारत आणि न्यूझीलंड यांच्यातील बहुप्रतिक्षित दोन सामन्यांच्या कसोटी मालिकेतील पहिला सामना गुरुवारपासून