Thane News : अनधिकृत गौण खनिज उत्खनन भोवले; ठाण्यात 52 जणांसह कंपन्यांवर गुन्हे दाखल करण्याचे आदेश

संबंधितांना वारंवार संधी देऊनही त्यांनी शासनाचा दंड भरला नसल्याने आता पुढील कारवाई केली जाणार आहे.

Thane News: ठाणे तालुक्यात अनधिकृत गौण खनिज उत्खनन, साठवणूक आणि वाहतूक केल्याप्रकरणी दंडाची रक्कम न भरणाऱ्या 52 जणांवर आणि कंपन्यांविरोधात फौजदारी गुन्हे दाखल करण्याचे आदेश देण्यात आले आहेत. ठाण्याचे तहसीलदार आणि कार्यकारी दंडाधिकारी उमेश पाटील यांनी हे आदेश दिले आहेत. संबंधितांना वारंवार संधी देऊनही त्यांनी शासनाचा दंड भरला नसल्याने आता पुढील कारवाई केली जाणार आहे.



बाळकूम, मुंब्रा आणि ठाणे मंडळातील प्रकरणे


ठाणे तालुक्यातील बाळकूम, मुंब्रा आणि ठाणे या महसूल मंडळांच्या हद्दीत अनधिकृत गौण खनिज वापराची प्रकरणे समोर आली आहेत. वाळू, माती आणि दगड यांसारख्या गौण खनिजांचे बेकायदेशीर उत्खनन, साठवणूक आणि वाहतूक केल्याप्रकरणी संबंधितांवर दंड आकारण्यात आला होता. मात्र, वारंवार नोटिसा देऊनही दंडाची रक्कम जमा करण्यात आली नाही.


तहसीलदारांच्या आदेशानुसार, बाळकूम मंडळातील 13, मुंब्रा मंडळातील 18 आणि ठाणे मंडळातील 21 अशा एकूण 52 प्रकरणांमध्ये गुन्हे दाखल करण्याची प्रक्रिया सुरू होणार आहे. यासाठी ठाणे शहर आणि वागळे इस्टेट-घोडबंदर विभागातील 13 पोलीस ठाण्यांच्या वरिष्ठ पोलीस निरीक्षकांना पत्र पाठवण्यात आले आहे.



मोठ्या बांधकाम कंपन्यांचाही समावेश


या यादीत बांधकाम कंपन्या, विकासक, संस्था आणि काही व्यक्तींचा समावेश आहे. त्यांच्यावर आकारण्यात आलेल्या दंडाच्या रकमांमध्ये काही लाखांपासून ते कोट्यवधी रुपयांपर्यंतच्या रकमेचा समावेश आहे. बाळकूम मंडळातील अॅपकॉन्स आणि जे कुमार इन्फ्राप्रोजेक्ट, तर मुंब्रा मंडळातील विविध विकासक आणि ठाणे मंडळातील बांधकाम कंपन्यांचा या यादीत समावेश असल्याचे प्रशासनाने दिलेल्या माहितीत नमूद आहे.



कोणत्या कायद्यांतर्गत होणार कारवाई?


महसूल व वन विभागाच्या 23 जून 2025 रोजीच्या शासन परिपत्रकानुसार, शासनाच्या महसुलाचे नुकसान करणाऱ्यांविरोधात दंडात्मक कारवाईसोबत फौजदारी कारवाई करण्याचे निर्देश आहेत. त्यानुसार भारतीय न्याय संहिता 2023, महाराष्ट्र जमीन महसूल संहिता 1966, खाण आणि खनिज अधिनियम 1957, पर्यावरण संरक्षण अधिनियम 1986 आणि सार्वजनिक संपत्ती नुकसान प्रतिबंधक अधिनियम 1984 अंतर्गत कारवाई प्रस्तावित आहे.


तसेच वारंवार असे गुन्हे करणाऱ्यांविरोधात MPDA कायद्यांतर्गत प्रतिबंधात्मक स्थानबद्धतेचा प्रस्ताव विचारात घेण्याच्या सूचनाही देण्यात आल्या आहेत. गुन्हे दाखल करण्यासाठी संबंधित मंडळ अधिकारी आणि तलाठ्यांना प्राधिकृत करण्यात आले आहे.


दरम्यान, प्रशासनाने दिलेल्या आदेशानुसार संबंधित व्यक्ती आणि संस्थांविरोधात गुन्हे दाखल होणार आहेत. मात्र, आदेश जारी होणे आणि प्रत्यक्ष FIR दाखल होणे या वेगळ्या प्रक्रिया असून, संबंधितांवरील आरोपांची चौकशी अद्याप होणे बाकी आहे.


Comments
Add Comment

PM SVANidhi : PM स्वनिधी पुरस्कार 2026 मध्ये महाराष्ट्राची बाजी; राज्याला 5 राष्ट्रीय पुरस्कार

Maharashtra News: पथविक्रेत्यांच्या आर्थिक सक्षमीकरणासाठी राबवण्यात येणाऱ्या प्रधानमंत्री पथविक्रेता आत्मनिर्भर निधी

Railway Block : पनवेल-कळंबोली कोचिंग कॉम्प्लेक्सच्या कामासाठी 7 दिवस विशेष ब्लॉक; मेल-एक्सप्रेस गाड्यांच्या वेळापत्रकात बदल

मुंबई : पनवेल-कळंबोली कोचिंग कॉम्प्लेक्सच्या कामासाठी मध्य रेल्वेने विशेष पॉवर आणि ट्रॅफिक ब्लॉक घेण्याचा

Food And Drug Administration : FDA ची राज्यभरात मोठी कारवाई; 7 महिन्यांत 152.65 कोटींचा अन्नसाठा जप्त, 1,688 जणांना अटक

मुंबई : राज्यातील अन्नपदार्थांची गुणवत्ता आणि सुरक्षितता राखण्यासाठी अन्न व औषध प्रशासनाने (FDA) मोठी कारवाई केली

पाणीटंचाईग्रस्त गावांना टँकरद्वारे तातडीने पाणीपुरवठा करा, मंत्री गुलाबराव पाटील यांचे निर्देश

राज्यात संभाव्य दुष्काळसदृश परिस्थितीचे सावट लक्षात घेता राज्य सरकार आता अलर्ट मोडवर आले आहे. ज्या गावांमध्ये

Mahavitaran : महावितरणची राज्यभरात मोठी कारवाई, 3 दिवसांत 250 वीजचोरीची प्रकरणे उघड, 6.27 कोटींचा गैरवापर उघड

मुंबई  : राज्यात वीजचोरी आणि अनधिकृत वीज वापराविरोधात महावितरणने विशेष मोहीम राबवली आहे. या मोहिमेत अवघ्या 3

रावणाचे उदात्तीकरण आणि प्रभू श्रीरामांचा अपमान खपवून घेणार नाही, हिंदु जनजागृती समिती आक्रमक

नुकत्याच प्रदर्शित झालेल्या 'रामायण' चित्रपटात मूळ कथेचा विपर्यास करून रावणाचे उदात्तीकरण आणि प्रभू श्रीराम,