BJP OBC MORCHA : भाजप ओबीसी मोर्चाची राष्ट्रीय कार्यकारिणी जाहीर; विविध पदांवर नव्या नियुक्त्या

भाजपचे राष्ट्रीय अध्यक्ष नितीन नबीन यांनी ओबीसी मोर्चाच्या नव्या राष्ट्रीय पदाधिकारी आणि कार्यसमिती सदस्यांची नियुक्ती जाहीर केली आहे. महाराष्ट्रातून बबनराव रावजी चौधरी यांना राष्ट्रीय उपाध्यक्षपद, तर मुंबईतील हर्षदा फरांदे आणि डॉ. स्मिता आर. काळे यांना राष्ट्रीय कार्यसमितीत स्थान देण्यात आले आहे.

भारतीय जनता पक्षाने शनिवारी आपल्या ओबीसी मोर्चाच्या नव्या राष्ट्रीय पदाधिकारी आणि कार्यकारिणी सदस्यांची यादी जाहीर केली. पक्षाने X प्लॅटफॉर्मवर ही यादी शेअर करत सर्व नियुक्त्यांची माहिती दिली. भाजप अध्यक्ष नितीन नबीन यांनी या नियुक्त्या केल्या आहेत. यामध्ये राष्ट्रीय उपाध्यक्ष, राष्ट्रीय महामंत्री, राष्ट्रीय मंत्री, राष्ट्रीय कोषाध्यक्ष, कार्यालय मंत्री, मीडिया संयोजक, सोशल मीडिया संयोजक, नीती आणि संशोधन संयोजक, राष्ट्रीय कार्यसमिती सदस्य आणि विशेष निमंत्रित सदस्य अशा विविध पदांवर नेत्यांची नियुक्ती करण्यात आली आहे.


ओबीसी मोर्चासाठी एकूण ७ राष्ट्रीय उपाध्यक्ष नेमण्यात आले आहेत. यामध्ये आसाममधून जोगेन मोहन, ओडिशामधून ममता मोहंता, उत्तर प्रदेशमधून संगम लाल गुप्ता, महाराष्ट्रातून बबनराव रावजी चौधरी, दिल्लीतून सत प्रकाश राणा, बिहारमधून डॉ. अर्जुन साहनी आणि उत्तर प्रदेशमधून संगीता बलवंत बिंद यांचा समावेश आहे. राष्ट्रीय महामंत्री पदावर दिल्लीचे गजेंद्र यादव, कर्नाटकचे प्रमोद मध्वराज आणि छत्तीसगडचे ललित चंद्राकार यांची नियुक्ती झाली आहे. तर राष्ट्रीय मंत्री म्हणून गुजरातचे दशरथजी ठाकोर, तामिळनाडूचे टी. वरथराजन, झारखंडचे संजीव कुमार उर्फ बबलू भगत, हरियाणाच्या सरिता जांगिड, तेलंगणाचे कडगंची रमेश, मध्य प्रदेशचे वैभव पवार आणि बिहारचे भीम कुमार साहू यांना जबाबदारी देण्यात आली आहेयाशिवाय उत्तर प्रदेशचे राधेश्याम यादव यांना राष्ट्रीय कोषाध्यक्ष, दिल्लीचे संजय कुमार गुर्जर यांना राष्ट्रीय कार्यालय मंत्री, तर डॉ. अरुण यादव यांना सह-कार्यालय मंत्री करण्यात आलं आहे. बिहारचे अजय गुप्ता मीडिया संयोजक, दिल्लीचे परीक्षित डागर सोशल मीडिया संयोजक आणि मध्य प्रदेशचे प्रदीप माहौर सोनी सोशल मीडिया सह-संयोजक असतील.





भाजपने ओबीसी मोर्चासाठी ३७ राष्ट्रीय कार्यसमिती सदस्यही जाहीर केले आहेत. यामध्ये महाराष्ट्रातून राहुल गोविंद केंद्रे, मुंबईतून हर्षदा फरांदे आणि डॉ. स्मिता आर. काळे यांचा समावेश आहे. याशिवाय अंदमान-निकोबारमधून संजीव रंगैया, आंध्र प्रदेशमधून श्रीनिवास राव, बिहारमधून राजीव रंजन, दिल्लीतून श्वेता सैनी, गोव्यामधून शशिकांत सावंत, हरियाणामधून अवनीत कौर, पंजाबमधून राजिंदर बिट्टा, राजस्थानमधून जगदीश देवासी यांच्यासह अनेक राज्यांतील नेत्यांना स्थान मिळालं आहे. विशेष निमंत्रित सदस्य म्हणून ओडिशाचे प्रो. अद्वैत चरण गणनायक, दिल्लीचे युजवेंद्र सिंह चहल आणि उत्तर प्रदेशच्या अधिवक्ता सीमा समृद्धी कुशवाहा यांची नियुक्ती करण्यात आली आहे. आगामी निवडणुकांच्या पार्श्वभूमीवर ओबीसी समाजाला बळकट करण्यासाठी ही नवी टीम महत्त्वाची भूमिका बजावणार असल्याचं पक्षाकडून सांगण्यात येत आहे.

Comments
Add Comment

Rinku Meets Modi: क्रिकेटर रिंकु सिंगने सहकुटुंब घेतली पंतप्रधान नरेंद्र मोदी यांची भेट, दिलं लग्नाचं आमंत्रण...

मुंबई: भारतीय क्रिकेट संघातील फलंदाज रिंकू सिंग लवकरच आयुष्यातील नव्या इनिंगची सुरूवात करणार आहे. यासाठी रिंकू

थिएटरमध्ये तुफान कमाई केल्यानंतर 'हनुमान अंश' OTT वर रिलीज होणार, कुठे होणार रिलीज; जाणून घ्या तारीख

मुंबई: विशाल चतुर्वेदी दिग्दर्शित, 'हनुमान अंश' चित्रपटाने बॉक्स ऑफिसवर धमाकेदार कमाई करत सर्वांचेच लक्ष वेधले. 2

Mumbai Fire: परळच्या कामगार स्टेडियममध्ये भीषण आग, लाकूड आणि बांबूच्या साहित्याला आग; जीवितहानी नाही

मुंबई: मुंबईतील दादर पश्चिमेतील डॉ. बाबासाहेब आंबेडकर नगर परिसरातील प्रसिद्ध कामगार स्टेडियममध्ये रविवारी

ठाण्यात खळबळ! मासुंदा तलावात 32 वर्षीय महिलेची उडी; पुढे जे घडलं ते पाहून सर्वच थक्क!

ठाणे: ठाण्यातील मध्यवर्ती आणि गजबजलेल्या तलावपाळी (मासुंदा तलाव) परिसरात शुक्रवारी रात्री एक थरारक घटना समोर

महाराष्ट्रात 1440 वैद्यकीय अधिकाऱ्यांची नियुक्ती; ग्रामीण आरोग्य सेवेला मिळणार बळकटी

मुंबई: महाराष्ट्र सरकारने जनतेला उत्कृष्ट दर्जाची आरोग्य सुविधा मिळावी यासाठी सार्वजनिक आरोग्य विभागाने

फळबागा जगविण्यासाठी मंत्रिमंडळाच्या मान्यतेने केंद्राकडे प्रस्ताव पाठवणार, रोजगार हमी योजना मंत्री भरत गोगावले यांचे आश्वासन

मुंबई: राज्यात फळबागा असलेल्या एकूण 6 लाख 85 हजार हेक्टर क्षेत्रापैकी मराठवाडा आणि पश्चिम विदर्भात सुमारे 2.5 लाख