Narhari Zirwal : लाचखोरी प्रकरणात मंत्री नरहरी झिरवळ यांचा माजी खासगी सचिव निलंबित

शिस्तभंग आणि गैरवर्तणुकीच्या आरोपांवरून निलंबनाची कारवाई करण्यात आली आहे. पशुसंवर्धन, दुग्धव्यवसाय विकास आणि मत्स्यव्यवसाय विभागाने यासंदर्भातील आदेश जारी केला.

मुंबई : अन्न व औषध प्रशासन मंत्री नरहरी झिरवळ यांच्या कार्यालयाशी संबंधित लाचखोरी प्रकरणी त्यांचे तत्कालीन खासगी सचिव रामदास गाडे यांना राज्य शासनाने निलंबित केले आहे. मंत्रालयात फेब्रुवारी २०२४ मध्ये उघडकीस आलेल्या कथित लाचखोरी प्रकरणानंतर त्यांना खासगी सचिवपदावरून हटवून मूळ विभागात पाठविण्यात आले होते. आता शिस्तभंग आणि गैरवर्तणुकीच्या आरोपांवरून त्यांच्यावर निलंबनाची कारवाई करण्यात आली आहे. पशुसंवर्धन, दुग्धव्यवसाय विकास आणि मत्स्यव्यवसाय विभागाने यासंदर्भातील आदेश जारी केला. मुख्यमंत्री कार्यालयाकडून याबाबत सूचना देण्यात आल्याची माहिती आहे.


निलंबनाचा आदेश जारी झाला, त्या वेळी गाडे हे पुणे जिल्ह्यातील मावळ तालुक्यात सहाय्यक आयुक्त म्हणून कार्यरत होते. महाराष्ट्र नागरी सेवा नियम १९७९ अन्वये प्राप्त अधिकारांचा वापर करून राज्यपालांनी त्यांना तत्काळ प्रभावाने निलंबित करण्याचे निर्देश दिले आहेत. या प्रकरणाची सुरुवात एका औषध दुकानाच्या मालकाने केलेल्या तक्रारीतून झाली होती. निर्मल शर्मा यांच्या औषध दुकानातील औषधांसाठी असलेल्या रेफ्रिजरेटरमध्ये पाण्याच्या बाटल्या आणि ओआरएस पाकिटे ठेवल्याचे आढळल्याने दुकानाचा परवाना महिनाभरासाठी निलंबित करण्यात आला होता. या निर्णयाविरोधात त्यांनी ७ फेब्रुवारी २०२४ रोजी मंत्रालयात अपील दाखल केले. त्यानंतर १३ फेब्रुवारी रोजी सुनावणीसाठी ते मंत्रालयात गेले होते.






शर्मा यांच्या आरोपानुसार, सुनावणीदरम्यान त्यांना रामदास गाडे यांच्या केबिनमध्ये बसविण्यात आले. तेथे राजेंद्र धेरांगे नामक कर्मचाऱ्याने एक लाख १० हजार रुपयांच्या लाचेची मागणी केली. यातील एक लाख रुपये वरिष्ठ अधिकाऱ्यांसाठी, तर १० हजार रुपये स्वतःसाठी असल्याचे त्याने सांगितल्याचा शर्मा यांचा दावा आहे. नंतर ही रक्कम निम्मी करण्याची तयारीही दर्शविण्यात आली होती. शर्मा यांनी दोन हजार रुपये ऑनलाइन, तर ५३ हजार रुपये रोख दिल्याचा आरोप केला होता.


या कथित लाचखोरी प्रकरणाचे स्टिंग ऑपरेशन समोर आल्यानंतर गाडे यांना प्रतिनियुक्तीवरून कार्यमुक्त करून त्यांच्या मूळ विभागात पाठविण्यात आले होते. त्यानंतर ते मावळ येथे सहाय्यक आयुक्त म्हणून कार्यरत होते. आता या प्रकरणाशी संबंधित शिस्तभंग आणि गैरवर्तणुकीच्या आरोपांवरून त्यांच्यावर निलंबनाची कारवाई करण्यात आली आहे.

Comments
Add Comment

गोशाळांच्या जमीन व्यवहारांना कृषिदर लागू होणार, महसूलमंत्री चंद्रशेखर बावनकुळे यांची घोषणा

मुंबई: गोशाळांचे आर्थिक बळ वाढविण्यासाठी राज्य सरकारने महत्त्वाचा निर्णय घेतला आहे. यापुढे गोशाळांसाठी जमीन

Kartiki Ekadashi 2026: ‘बळीराजाला संकटात वाऱ्यावर सोडणार नाही’; विठुरायाच्या चरणी शिंदेंचे साकडे

पंढरपूर: कार्तिकी एकादशीच्या पार्श्वभूमीवर शनिवारी टाळ-मृदंगाचा गजर, हरिनामाचा जयघोष आणि विठुरायाच्या

शेतकऱ्यांसाठी मोठी बातमी! ‘ओटीएस’ कर्जमुक्तीची पहिली यादी जाहीर; लाखो शेतकऱ्यांना मिळणार योजनेचा लाभ

मुंबई: पुण्यश्लोक अहिल्यादेवी होळकर शेतकरी कर्जमुक्ती योजना 2026 अंतर्गत एकवेळ समझोता (ओटीएस) साठी पात्र

Eknath Shinde : पर्यावरण जनजागृतीसाठी राज्यभर फिरणार 5 विशेष रथ; उपमुख्यमंत्री एकनाथ शिंदे यांच्या हस्ते उद्घाटन

पंढरपूर : पर्यावरण संवर्धनाचे महत्त्व विद्यार्थ्यांना लहान वयातच समजावे, यासाठी महाराष्ट्र प्रदूषण नियंत्रण

PM SVANidhi : PM स्वनिधी पुरस्कार 2026 मध्ये महाराष्ट्राची बाजी; राज्याला 5 राष्ट्रीय पुरस्कार

Maharashtra News: पथविक्रेत्यांच्या आर्थिक सक्षमीकरणासाठी राबवण्यात येणाऱ्या प्रधानमंत्री पथविक्रेता आत्मनिर्भर निधी

Food And Drug Administration : FDA ची राज्यभरात मोठी कारवाई; 7 महिन्यांत 152.65 कोटींचा अन्नसाठा जप्त, 1,688 जणांना अटक

मुंबई : राज्यातील अन्नपदार्थांची गुणवत्ता आणि सुरक्षितता राखण्यासाठी अन्न व औषध प्रशासनाने (FDA) मोठी कारवाई केली