Nashik Crime : पत्नीच्या खुनाचा खोटा कॉल करणं पडलं महागात ! पतीविरोधात गुन्हा दाखल

दिंडोरी: नाशिकच्या दिंडोरीमध्ये एका व्यक्तीने चक्क आपल्या पत्नीचा खून झाल्याची खोटी माहिती पोलिसांना दिली. विशेष म्हणजे, डायल ११२ या आपत्कालीन क्रमांकावर फोन करून त्याने पोलिसांची चांगलीच धावपळ उडवली. मात्र, पोलिसांनी घटनास्थळी धाव घेत तपास केला असता, संपूर्ण प्रकार खोटा असल्याचं समोर आलं. याप्रकरणी आता संबंधित पतीविरोधात गुन्हा दाखल करण्यात आला आहे.


शनिवारी सकाळी सव्वासातच्या सुमारास दिंडोरी तालुक्यातील बोराचा पाडा येथे एका महिलेचा खून झाल्याचा कॉल डायल ११२ वर आला. कॉलरने आपली पत्नी गंगुबाई डाबल हिचा विळवंडी शिवारात खून झाल्याची माहिती दिली. घटनेचं गांभीर्य लक्षात घेऊन पोलिसांनी तातडीने घटनास्थळी धाव घेतली. सरपंचांनाही घटनास्थळी बोलावण्यात आलं.






मात्र, पोलिसांनी चौकशी केली असता धक्कादायक सत्य समोर आलं. पुंडलिक डाबल असं कॉल करणाऱ्या व्यक्तीचं नाव असून, किरकोळ घरगुती वादातून त्याची पत्नी मुलांसह मामाच्या गावी गेली होती. पत्नीचा खून झाल्याचा दावा पूर्णपणे खोटा असल्याचं स्पष्ट झालं. पोलिसांनी खातरजमा केली असता पत्नी आणि मुलं सुखरूप असल्याचंही निष्पन्न झालं.


केवळ पोलिसांना त्रास देण्याच्या उद्देशाने डायल ११२ वर खोटी माहिती दिल्याप्रकरणी पुंडलिक डाबल याच्याविरोधात भारतीय न्याय संहितेच्या कलम २१७ अंतर्गत दखलपात्र गुन्हा दाखल करण्यात आला आहे. दरम्यान, डायल ११२ ही सेवा नागरिकांच्या आपत्कालीन मदतीसाठी आहे. त्यामुळे या सेवेचा गैरवापर करणाऱ्यांविरोधात कठोर कारवाई करण्यात येईल, असा इशारा नाशिक ग्रामीण पोलिसांनी दिला आहे.

Comments
Add Comment

Apple Maps India update : Google Maps ला तगडी टक्कर! Apple Maps आता मराठीत बोलणार; पाहा नवीन ३डी आणि हायटेक फीचर्स!

वॉशिंग्टन : देशातील प्रवाशांसाठी रस्ते शोधणे आणि प्रवासाचे नियोजन अधिक सोपे व्हावे, यासाठी 'ॲपल' (Apple) कंपनीने

Miraroad Crime: रात्री पार्टीसाठी बोलावलं अन्… काशीगावमधील धक्कादायक प्रकरण, चार आरोपींचा शोध सुरू

मीरा रोड येथील काशीगावमधून सामूहिक बलात्काराची एक धक्कादायक घटना समोर आली आहे. १६ नोव्हेंबर रोजी एका मैत्रिणीने

Pune Camp 8 hotels license suspended : पुणेकरांनो सावधान! बाहेर खाताय ? कॅम्पमधील ८ प्रसिद्ध हॉटेल्सवर FDA ची मोठी कारवाई!

पुणे : पुणे शहरातील खवय्यांच्या आरोग्याची सुरक्षा सुनिश्चित करण्यासाठी अन्न व औषध प्रशासन (FDA) आणि महापालिकेने

Delhi 2021 trailer: कोरोना काळातील भयावह वास्तव पडद्यावर येणार; ‘दिल्ली 2021’चा ट्रेलर चर्चेत

कोरोना महामारीचा काळ आणि त्या काळात देशाने अनुभवलेली भयावह परिस्थिती आजही अनेकांच्या आठवणीत आहे. विशेषतः 2021

10 जानेवारीपासून जनगणना 2027 ची स्वयं-गणना; महाराष्ट्रात 25 जानेवारीपासून घरोघरी सर्वेक्षण

जनगणना 2027 च्या दुसऱ्या टप्प्यातील लोकसंख्या गणनेचे काम अचूक, पारदर्शक आणि निर्धारित वेळेत पूर्ण करण्यासाठी

Mumbai Book Festival: मुंबईत २४ नोव्हेंबरपासून पुस्तक महोत्सव; मुख्यमंत्र्यांच्या हस्ते उद्घाटन

मुंबई : पुस्तकप्रेमी, साहित्यिक आणि वाचकांसाठी मुंबईत येत्या २४ नोव्हेंबरपासून सहा दिवसांचा पुस्तक महोत्सव