Chembur Accident: कर्तव्यावर असतानाच काळाचा घाला! लोखंडी गेट अंगावर कोसळून सुरक्षा रक्षकाचा मृत्यू

चेंबूर येथील रहेजा अक्रोपोलिस गृहसंकुलातून एक धक्कादायक बातमी समोर आली आहे. अ‍ॅडोनिस इमारतीमध्ये लोखंडी गेट कोसळून एका 46 वर्षीय सुरक्षा रक्षकाचा दुर्दैवी मृत्यू झाला. ही घटना गुरुवारी सायंकाळी सुमारे 5 वाजण्याच्या सुमारास घडली. मृत सुरक्षा रक्षकाचे नाव सुनील कुमार पितरदेव गुप्ता असे असून, ते इमारतीमध्ये सुरक्षेची जबाबदारी पार पाडत होते.

मुंबई : चेंबूर येथील रहेजा अक्रोपोलिस गृहसंकुलातून एक धक्कादायक बातमी समोर आली आहे. अ‍ॅडोनिस इमारतीमध्ये लोखंडी गेट कोसळून एका 46 वर्षीय सुरक्षा रक्षकाचा दुर्दैवी मृत्यू झाला. ही घटना गुरुवारी सायंकाळी सुमारे 5 वाजण्याच्या सुमारास घडली. मृत सुरक्षा रक्षकाचे नाव सुनील कुमार पितरदेव गुप्ता असे असून, ते इमारतीमध्ये सुरक्षेची जबाबदारी पार पाडत होते. मात्र कर्तव्यावर असतानाच गुरुवारी सायंकाळी हा प्रकार घडला. ऑन ड्युटी ते इमारतीचे गेट उघडण्याचा प्रयत्न करत होते. याचवेळी अचानक गेट तुटून त्यांच्या अंगावर कोसळले. या दुर्घटनेत त्यांना गंभीर दुखापत झाली.


सदर घटनेनंतर त्यांना तातडीने गोवंडी येथील शताब्दी रुग्णालयात दाखल करण्यात आले. मात्र, रुग्णालयात पोहोचण्यापूर्वीच त्यांची प्रकृती गंभीर झाली होती. डॉक्टरांनी तपासणी केल्यानंतर त्यांना मृत घोषित केले. गुप्ता हे मूळचे उत्तर प्रदेशातील असून, गेल्या काही वर्षांपासून संबंधित गृहसंकुलात सुरक्षा रक्षक म्हणून काम करत होते. ते मानखुर्द येथे पत्नीसमवेत राहत होते. त्यांची पत्नी घरकाम व स्वयंपाकाचे काम करून कुटुंबाचा उदरनिर्वाह करत होती.






या प्रकरणी पोलिसांना माहिती मिळताच त्यांनी घटनास्थळी तातडीने जाऊन पाहणी केली. मृत व्यक्तीची आकस्मिक मृत्यूची नोंद केली. शिवाय,  घटनास्थळाचा पंचनामा करण्यात येत आहे. गेटच्या देखभालीची जबाबदारी गृहसंकुल व्यवस्थापनाची होती का, तसेच या दुर्घटनेमध्ये कोणाचा निष्काळजीपणा झाला आहे का, याचा तपास पोलिसांकडून सुरू करण्यात आला आहे.


">गृहसंस्थेचे सदस्य आणि पदाधिकाऱ्यांचे जबाब यासंदर्भात नोंदवले जात आहेत.


या दुर्घटनेमुळे गृहसंकुलांमधील प्रवेशद्वार, लोखंडी गेट तसेच इतर सुरक्षा यंत्रणांच्या नियमित देखभालीचा प्रश्न पुन्हा ऐरणीवर आला आहे. निष्काळजीपणामुळे एखाद्या कामगाराचा जीव जाण्याची घटना अत्यंत दुर्दैवी असून, संबंधित जबाबदार व्यक्तींवर कारवाई होण्याची मागणी होत आहे.

Tags
chembur accidentMaharashtra newsMumbai NewsChembur newsPrahaar Newslinemumbai accident newsGovandi HospitalMumbai Police investigationRaheja AcropolisSecurity Guard DeathIron Gate AccidentSecurity Guard AccidentHousing Society Accident
Comments
Add Comment

देवनार डम्पिंग ग्राऊंडच्या हायमास्ट कंत्राटावर संशयाची सुई, BMC पालिका प्रशासनाकडून तपासणीचे आश्वासन

मुंबई (विशेष प्रतिनिधी): देवनार डम्पिंग ग्राऊंडवर रात्रीच्या वेळी कचऱ्याचे ढिग लावण्याचे काम हाती घेतले जात

पीपीपी अंतर्गत चालवल्या जाणाऱ्या रुग्ण खाटांवर मुंबई महापालिकेचे बोधचिन्ह लावा, स्थायी समितीत कंत्राटदाराला निर्देश

मुंबई (विशेष प्रतिनिधी): मुंबई महापालिकेच्या रुग्णालयांचा कारभार सार्वजनिक खाजगी भागीदारी तत्वावर करण्यासाठी

महापालिका निधीचा अपव्यय रोखणार, लवकरच आयुक्तांसह सर्व गटनेत्यांची होणार बैठक

BMC Action : मालाड येथील नाहर नगर मार्गाचे रुंदीकरण,अडथळा आणणारी 17 बांधकामे हटवली, ‘पी पश्चिम’ विभागाची कारवाई

मुंबई (विशेष प्रतिनिधी): पी पश्चिम विभागातील प्रभाग क्रमांक ४६ मधील नाहर नगर मार्ग येथे प्रस्तावित १८.३० मीटर

रावणाचे उदात्तीकरण आणि प्रभू श्रीरामांचा अपमान खपवून घेणार नाही, हिंदु जनजागृती समिती आक्रमक

नुकत्याच प्रदर्शित झालेल्या 'रामायण' चित्रपटात मूळ कथेचा विपर्यास करून रावणाचे उदात्तीकरण आणि प्रभू श्रीराम,

Central Railway : नेव्ही हाफ मॅरेथॉनसाठी मध्य रेल्वेच्या 2 विशेष लोकल; कल्याण आणि पनवेलहून मध्यरात्री सुटणार

मुंबई : ‘डब्ल्यूएनसी नेव्ही हाफ मॅरेथॉन-2026’ मध्ये सहभागी होणाऱ्या धावपटूंच्या सोयीसाठी मध्य रेल्वेने 2 विशेष