Kaun Banega Crorepati : स्वप्न सत्यात उतरलं! KBC च्या मंचावर भूषण ठाकरे ठरला या सीजनचा पहिला करोडपती

त्याच्या या यशानंतर कार्यक्रमाच्या सेटवर जल्लोष झाला. सूत्रसंचालक अमिताभ बच्चन यांनीही आपल्या जागेवरून उठून भूषणला मिठी मारत त्याचे अभिनंदन केले.

मुंबई :  जिद्द, मेहनत आणि चिकाटीच्या जोरावर एखादी व्यक्ती किती मोठे यश मिळवू शकते, याचे उदाहरण जळगावच्या 28 वर्षीय भूषण ठाकरेने दिले आहे. ‘कौन बनेगा करोडपती’च्या (KBC) 18 व्या पर्वात त्याने 1 कोटी रुपयांची रक्कम जिंकत पहिला करोडपती होण्याचा मान मिळवल्याचा दावा करण्यात आला आहे. त्याच्या या यशानंतर कार्यक्रमाच्या सेटवर जल्लोष झाला. सूत्रसंचालक अमिताभ बच्चन यांनीही आपल्या जागेवरून उठून भूषणला मिठी मारत त्याचे अभिनंदन केले.



वडिलांच्या आग्रहामुळे शिक्षणाला दिले प्राधान्य


भूषणने आपल्या संघर्षाची कहाणी सांगताना कुटुंबातील कठीण परिस्थितीचा उल्लेख केला. त्याचे वडील रोजंदारीवर काम करतात, तर आईला अनेक गंभीर आरोग्य समस्यांचा सामना करावा लागला असून तिच्यावर शस्त्रक्रियाही झाल्या आहेत.


स्पर्धा परीक्षांची तयारी करत असताना कुटुंबाला आर्थिक मदत करण्यासाठी काम करण्याचा विचार भूषणने केला होता. मात्र, त्याच्या वडिलांनी त्याला नोकरी करण्यापेक्षा शिक्षणावर लक्ष केंद्रित करण्याचा आग्रह धरला. आई-वडिलांना चांगले आयुष्य देण्याचे स्वप्न उराशी बाळगून भूषणने काहीतरी मोठे साध्य केल्याशिवाय घरी परतायचे नाही, असा निर्धार केला.



दीड वर्ष कुटुंबापासून दूर राहून केली मेहनत


भूषण एकेकाळी खिशात अवघे 24 रुपये घेऊन मुंबईत आला होता. आपल्या ध्येयासाठी त्याने गेल्या दीड वर्षांपासून कुटुंबापासून दूर राहून मेहनत केल्याचे सांगितले जाते. या काळात त्याने स्पर्धा परीक्षांची तयारी आणि ज्ञान वाढवण्यावर लक्ष केंद्रित केले.





आता 7 कोटींच्या प्रश्नाकडे सर्वांचे लक्ष


KBC मध्ये 1 कोटी रुपये जिंकल्यानंतर भूषणसमोर आता 7 कोटी रुपयांच्या महाजॅकपॉटचा प्रश्न आहे. सोनी एंटरटेनमेंट टेलिव्हिजनने या भागाचा प्रोमो प्रदर्शित केला असून, त्यानंतर प्रेक्षकांची उत्सुकता वाढली आहे. भूषण या अंतिम टप्प्यावर पोहोचतो का आणि 7 कोटींचे बक्षीस जिंकतो का, हे पाहणे महत्त्वाचे ठरणार आहे.

Comments
Add Comment

महागुरु सचिन पिळगावकरांना मानद डॉक्टरेट! ग्वाल्हेरच्या ITM विद्यापीठाकडून गौरव

Sachin Pilgaonkar Doctorate University: मराठी चित्रपटसृष्टीतील महागुरुंचा ग्वालेरमध्ये डॉक्टर ऑफ लिट्रेचर पदवीने गौरव करण्यात आला आहे.

Nitesh Rane : ‘सिरीयल किलर’ नाटकाच्या 100 व्या प्रयोगाला मंत्री नितेश राणे यांची खास उपस्थिती; टीमचे केले कौतुक

मुंबई : मराठी रंगभूमीवरील ‘सिरीयल किलर’ या नाटकाने 100 प्रयोगांचा महत्त्वपूर्ण टप्पा गाठला आहे. मुंबईतील दादर

गोव्यात IFFI महोत्सवात महाराष्ट्राचे विशेष दालन; चित्रनगरीच्या 50 वर्षांचा गौरव

गोवा: महाराष्ट्र चित्रपट, रंगभूमी आणि सांस्कृतिक विकास महामंडळाने 57 व्या भारतीय आंतरराष्ट्रीय चित्रपट

KBC मधील पंजाबवरील प्रश्नामुळे वाद; अमिताभ बच्चन आणि सोनी टीव्हीला कायदेशीर नोटीस

Kaun Banega Crorepati: महानायक अमिताभ यांचा कौन बनेगा करोडपती या सोनी टीव्हीवरील शोमुळे खुद्द बिग बी आणि चॅनेल दोघांच्या

Krrish 4: हृतिक रोशनच्या 'क्रिश 4' ला मिळणार भव्य रूप? नमित मल्होत्रा यांच्यासोबत चर्चा सुरू

Krrish 4: हृतिक रोशनच्या 'क्रिश' या चित्रपटाच्या पुनरागमनाची चर्चा गेल्या काही काळापासून सुरू आहे. आता 'क्रिश 4'

Kartik Aaryan Upcoming Movie: कार्तिक आर्यन बनला निर्माता! वाढदिवशी 'कालिया'ची घोषणा, करण जोहरसोबत नवा प्रोजेक्ट

Kartik Aaryan Upcoming Movie: बॉलिवूड अभिनेता कार्तिक आर्यनचा 36 वा वाढदिवस आज, 22 नोव्हेंबर रोजी साजरा होत आहे. या खास प्रसंगी